1 year ago
January 9, 2023
काठमाडौं (हाम्रो खेलकुद) – नेपाल टि२० लिगको फ्रेन्चाइज टोली काठमाडौं नाइट्सले एलिमिनेटर खेलमा सोमबार विराटनगर सुपर किंग्सविरुद्ध विदेशी खेलाडी विना नै खेल्नुपर्ने भएको छ ।
टोलीमा रहेका सबै विदेशी खेलाडी आफ्नो देश फर्किएपछि काठमाडौंको बेन्चमा बस्ने खेलाडी समेत नहुने भएका छन् । काठमाडौंले सबै ११ नेपाली खेलाडीका साथ खेल्नु पर्ने देखिएको छ । काठमाडौंले विदेशी खेलाडीको रुपमा अफगानिस्तानका आजमतुल्लाह ओमरजाई, मलेसिया विरनदीप सिंह, इंग्ल्यान्डका एलेक्स ब्लेक र जिम्बावेका रायन बर्ललाई टोलीमा लिएको थियो । ओमरजाई र बर्ल यसअघिनै घर फर्किएका छन् । विरनदीप र एलेक्स ब्लेक पनि शनिबार स्वदेश फर्किएका छन् ।
विदेशी खेलाडी उपलब्ध नहुँदा विराटनगरविरुद्ध एलिमिनेटर खेलको लागि काठमाडौंको टोलीमा नेपाली ११ खेलाडी मात्रै रहेका छन् । टोलीको बेन्चमा राख्ने खेलाडी पनि हुने छैनन् । कुनै खेलाडी घाइते भएका त्यसको स्थानमा फिल्डिङ गर्ने खेलाडी समेत हुने छैनन् ।
हालसम्म टोलीका कुनै खेलाडीले पैसा पाएका छैनन् । पाउन बाँकी पैसा उतै पठाइदिने आशामा विदेशी खेलाडी फर्किएका छन् । काठमाडौंको टोलीमा अहिले प्रशिक्षक र म्यानेजर समेत छैनन् । त्यतिमात्रै होईन हालसम्म मालिक को हो भन्ने पनि थाहा पाउन नसकेको खेलाडीले दुखेसो पोखेका छन् ।
नेपाली खेलाडीले पनि हालसम्म पैसा पाउन सकेका छैनन् । अन्य फ्रेन्चाइज टोलीका खेलाडीले केहि पैसा पाउँदा काठमाडौंका खेलाडीले भने केहि पाउन सकेका छैनन् । लिगको अन्तिम खेलमा काठमाडौंका एलेक्स ब्लेक विराटनगरविरुद्ध खेलेका थिए । ब्लेकले केहि दिन अघि मात्रै आफुहरु क्रिसमसमा परिवारलाई छाडेर नेपाल आएपनि पैसा नपाउँदा निराश रहेको बताएका थिए ।
विरनदीप भने विराटनगरविरुद्ध खेलमा थिएनन् । विराटनगरविरुद्ध काठमाडौंले एकमात्रै विदेशी खेलाडी खेलाएको थियो । ज्ञानेन्द्रले विरनदीपलाई केहि सन्चो नहुँदा नखेलाएको बताएका थिए । खेलाडीहरु आफ्नै खर्चमा स्वदेश फर्किएको बुझिएको छ ।
एलेक्स ब्लेकले लिगका सबै १० खेल खेले । ओमरजाईले ६, विरनदीपले ९ र बर्लले ५ खेल खेले । काठमाडौं १० खेलमा ४ मा जित र ६ मा हारसहित ८ अंकका साथ अन्तिम चारमा रहेर एलिमिनेटर खेलेको हो । विराटनगर १० खेलमा ५ मा जित र ५ मा हारसहित १० अंकका साथ तेस्रो स्थानमा रहेर एलिमिनेटर खेलेको हो ।
एलिमिनेटरको विजेताले मंगलबार फाइनलमा पुग्न जनकपुरसँग खेल्नेछ । पहिलो क्वालिफायरमा जनकपुर लुम्बिनी अल स्टार्ससँग ६ रनले पराजित भएको थियो । फाइनल बुधबार हुनेछ ।
काठमाडौंमा रहेका नेपाली खेलाडी :
ज्ञानेन्द्र मल्ल, लोकेश बम, बसिर अहमद, कमलसिंह ऐरी, अभिनाश बोहरा, अनिल खरेल, सौरभ खनाल, सन्दीप रजाली, सन्तोष कार्की, सुनाम गौतम र गौतम केसी ।
May 17, 2024
काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]
May 17, 2024
हिमाल खरेल, बिर्तामोड बुद्धशान्तिको बर्खा स्मृति प्रतिष्ठानले बुद्धशान्तिका युवा क्रिकेट खेलाडीलाई खेल सामग्री प्रदान गरेको छ । झापाको बुधबारेमा आयोजित एक कार्यक्रमका बीच प्रतिष्ठानले पालिकाबाट प्रतिनिधित्व गर्ने युवा क्रिकेटरलाई आवश्यक सामग्री प्रदान गरिएको अध्यक्ष मदन प्रसाईंले बताए । प्रसाईंका अनुसार खेलाडीहरुलाई अभाव रहेको ब्याट, लेदर बल, स्टम्प, ग्लोभ्सलगायत खेल सामग्री हस्तान्तरण गरिएको छ । खेल […]
May 17, 2024
काठमाडौं (हाम्रो खेलकुद)– अमेरिका र वेस्ट इन्डिजमा हुने टि२० विश्वकपको तयारीमा जुटिरहेको नेपाली राष्ट्रिय क्रिकेट टोलीले अमेरिकाको ह्युस्टनमा खेल्ने दुई अभ्यास खेलको प्रत्यक्ष प्रसारण हाम्रो खेलकुदले गर्ने भएको छ । नेपाली टोलीले मे २२ र २३ मा ह्युस्टन हरिकेन्ससँग दुई वटा टि२० अभ्यास खेल खेल्दैछ । हाम्रो खेलकुदले ती दुई खेलको ब्रोडकास्टिङ अधिकार प्राप्त गरेको […]