एजेन्सी – तीव्र गतिका बलर नसिम शाहको उत्कृष्ट बलिङमा पाकिस्तानले पहिलो ओडिआई खेलमा न्युजिल्यान्डमाथि ६ विकेटको सानदार जित हात पारेको छ । योसँगै घरेलु टोली पाकिस्तानले तीन ओडिआई खेलमो सिरिजमा १–० को अग्रता लिएको छ ।

जितको लागि २ सय ५६ रनको विजयी लक्ष्य पछयाएको पाकिस्तानले ४८.१ ओभरमा ४ विकेट गुमाउँदै पूरा गर्यो । पाकिस्तानको लागि मोहम्मद रिजवान ८६ बलमा ६ चौका र १ छक्कासहित सर्वाधिक ७७ रनमा अविजित रहे । कप्तान बाबर आजम ८२ बलमा ५ चौका र १ छक्कासहित ६६ रनमा आउट भए ।

ओपनर फखार जमान ७४ बलमा ७ चौकासहित ५६ र इमाम उल हक ११ रनमा आउट भए । हरिस सोहेल २३ बलमा २ चौका र २ छक्कासहित ३२ रनमा आउट हुँदा अघा सलमान १३ रनमा अविजित रहे । न्युजिल्यान्डका स्पिनर माइकल ब्रेसवेलले सर्वाधिक दुई विकेट लिए । टिम साउथी र ग्लेन फिलिप्सको नाममा एक एक विकेट रह्यो ।

त्यसअघि नेशनल स्टेडियम कराँचीमा टस हारेर पहिला ब्याटिङको निम्तो पाएको न्युजिल्यान्डले निर्धारित ५० ओभरमा ९ विकेट गुमाउँदै २ सय ५५ रन बनायो । न्युजिल्यान्डका माइकल ब्रेसवेलले ४२ बलमा ४ चौका र १ छक्कासहित सर्वाधिक ४३ रनमा आउट भए ।

टम लाथम ५२ बलमा ५२ बलमा ३ चौकासहित ४२, फिन एलेन २९, डेभन कन्वे शून्य, कप्तान केन विलियम्सन २६, डर्याल मिचेल ३६, ग्लेन फिलिप्स ३७ र मिचेल सान्टनारले २१ रन बनाए ।

पाकिस्तानका नसिम शाहले १० ओभरमा ५७ रन खर्चेर ५ विकेट लिए । नसिम शाह नै खेलको प्लेयर अफ द म्याच चुनिए । उस्मान मीरले दुई, मोहम्मद नवाज र मोहम्मद वासिम जुनियरले एक एक विकेट लिए । दोस्रो खेल बुधबार र तेस्रो खेल शुक्रबार हुनेछ ।