default_image

1 year ago

January 11, 2023

आउट भएका विपक्षी कप्तानलाई जब रोहितले फिर्ता बोलाए…

191 views

0 Bookmark

एजेन्सी – हरेक टोलीका कप्तान र बलर विपक्षी ब्याटरलाई आउट गर्न चाहन्छन् । तर मंगलबार भारतीय क्रिकेट टोलीका कप्तान रोहित शर्माले श्रीलंकाविरुद्ध पहिलो ओडिआई खेलमा खेल भावना देखाउँदै धेरैको मन जिते । उनले श्रीलंका कप्तान दासुन शानकालाई शतक पुर्याउन रन आउट नै लिएनन् । त्यसैको कारण शानकाले भारतविरुद्ध उत्कृष्ट शतक प्रहार गरे ।

श्रीलंका ६७ रनले पराजित हुँदा शानकाको प्रदर्शन र रोहितको खेल भावना धेरैले प्रंशसा गरेका छन् । जितको लागि ३ सय ७४ रनको विजयी लक्ष्य पछ्याएको श्रीलंका अन्तिम ओभर अगाडि नै हार निश्चित बनेको थियो । खेल सकिन अन्तिम दुई बल बाँकी हुँदा श्रीलंकालाई ७८ रन जितको लागि आवश्यक थियो । दासुन शानकालाई शतक पुर्याउन दुई रन ।

तर तीव्र गतिका बलर मोहम्मद शामीले सबैलाई आश्चर्य पार्दै नन स्ट्राइकमा रहेका शानकालाई रन आउट गरे । लामो रन अप लिएका शामी अन्तिम समयमा रोकिदै केहि अघि मात्रै बढेका शानकालाई रन आउट गरे । शामीको अपिलपछि अम्पायर नितिन मेननले थर्ड अम्पायरलाई रिभ्यु देखाउन संकेत दिएका थिए । शानका मनिल अनुहारमा बसेका थिए ।

तर रोहित शर्माले शामीलाई बोलाएर सम्झाए । रोहितले सम्झाएपछि शामीले आफैंले अम्पायरलाई रिभ्यु फिर्ता लिन आग्रह गरेका थिए । पाँचौं बलमा शानकाले डिप एक्स्ट्रा कभरमा चौका हान्दै ओडिआई करिअरको दोस्रो शतक पूरा गरे । इनिङको अन्तिम बलमा छक्का हान्दै खेल सकाए ।

खेलपछि पनि रोहितले शानकालाई सम्मान गरेका थिए । शानकाले शतक पुर्याउन नवौं विकेटका लागि कसुन रजिथासँगा ७० बलमा १ सय रनको अविजित शतकीय साझेदारी गरेका थिए । उक्त साझेदारीमा शानकाको योगदान ८८ रन थियो । अद्भुत प्रदर्शन गरेका शानकालाई त्यसरी रन आउट गर्नु पक्कै खेल भावना विपरित थियो ।

खेल जित्ने पक्का भई सकेको अवस्थामा रोहितले शानकाको प्रदर्शनबाट प्रभावित हुँदै रन आउट गर्न उचित मानेनन् । त्यसैले आउट भएका शानकालाई फिर्ता नै बोलाए ।

‘शामीले रन आउट गरेको मलाई थाहा थिएन । उनी ९८ रनमा ब्याटिङ गरि रहेका थिए । उनको ब्याटिङ गर्ने तरिका सानदार थियो । हामीले उनलाई यसरी आउट गर्न सक्दैनौं । हामीले यो सोचेको कुरा होईन । उनले राम्रो ब्याटिङ गरे’, खेलपछि रोहितले रन आउट बारे भने । सामाजिक सञ्जालमा रोहितको चौतर्फी प्रंशसा भएको छ ।

जितको लागि ३ सय ७४ रनको विशाल विजयी लक्ष्य पछ्याएको श्रीलंकाले निर्धारित ५० ओभरमा ८ विकेट गुमाउँदै ३ सय ६ रन बनायो । श्रीलंका कप्तान दासुन शानका ८८ बलमा १२ चौका र ३ छक्कासहित १ सय ८ रनको अविजित शतकीय इनिङ खेलेपनि टोलीको हार र्टान सकेनन् । ओपनर पाथुम निसांका ८० बलमा ११ चौकासहित ७२ रनमा आउट भए ।

गुवाहाटीमा टस हारेर पहिला ब्याटिङको निम्तो पाएको भारतले निर्धारित ५० ओभरमा ७ विकेट गुमाउँदै ३ सय ७३ रन बनाएको थियो । भारतका विराट कोहलीले ८७ बलमा १२ चौका र १ छक्कासहित सर्वाधिक १ सय १३ रनको शतकीय इनिङ खेले ।

कोहलीको यो ओडिआई करिअरको ४५ औं शतक हो । कप्तान रोहित शर्मा ६७ बलमा ९ चौका र ३ छक्कासहित ८३ रनमा आउट भए । अर्का ओपनर शुभमन गिल ६० बलमा ११ चौकासहित ७० रनमा कप्तान दासुन शानकाको बलमा एलबीडब्लू आउट भए । तीन ओडिआई खेलको सिरिजमा दोस्रो खेल बिहीबार र तेस्रो खेल आइतबार हुनेछ ।

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.