default_image

1 year ago

January 15, 2023

श्रीलंकाको ओडिआई इतिहासकै लज्जास्पद हार

51 views

0 Bookmark

एजेन्सी – श्रीलंकाले तेस्रो तथा अन्तिम ओडिआई खेलमा घरेलु टोली भारतसँग ३ सय १७ रनको इतिहासकै लज्जास्पद हार ब्येहोरेको छ । योसँगै तीन ओडिआई खेलको सिरिजमा भारतले क्लिनस्वीप गरेको छ ।

जितको लागि ३ सय ९१ रनको विशाल विजयी लक्ष्य पछ्याएको श्रीलंका २२ ओभरमा ७३ रनमा अल आउट भयो । ओडिआई इतिहासमा ३ सय १७ रनको हार अन्तर रनको सर्वाधिक बढी हो ।

यसअघि ओडिआईमा सर्वाधिक फराकिलो हार २००८ मा आयरल्यान्डले न्युजिल्यान्डविरुद्ध २ सय ९० रनको बेहोरेको थियो ।श्रीलंका ओपनर नुवानिदु फ्रेनान्डोले २७ बलमा ४ चौकासहित सर्वाधिक १९ रन बनाए । कप्तान दासुन शानका ११ र कसुन रजिथाले १३ रन बनाउँदा अन्य ८ खेलाडीले दोहोरो अंकमा रन बनाउन सकेनन् ।

भारतका मोहम्मद शिराजले १० ओभरमा १ मेडनसहित ३२ रन खर्चेर ४ विकेट लिए । मोहम्मद शामी र कुलदीप यादवले दुई दुई विकेट लिए ।

त्यसअघि ग्रीनफिल्ड अन्तर्राष्ट्रिय स्टेडियममा टस जितेर पहिला ब्याटिङ थालेको भारतले निर्धारित ५० ओभरमा ५ विकेट गुमाउँदै ३ सय ९० रन बनाएको थियो ।

भारतका विराट कोहलीले १ सय १० बलमा १३ चौका र ८ छक्कासहित १ सय ६६ रनको सानदार शतकीय इनिङ खेले । कोहलीको यो ओडिआई करिअरको ४६ औं शतक हो । कोहलीले ८५ बलमा शतक पूरा गरेका थिए । शतकपछि कोहली झनै विष्फोटक बने ।

युवा ओपनर शुभमन गिलले ९७ बलमा १४ चौका र २ छक्कासहित १ सय १६ रनको शतकीय इनिङ खेले । गिलको यो ओडिआई करिअरको दोस्रो शतक हो । दोस्रो विकेटका लागि गिल र विराटले १ सय ३१ रनको शतकीय साझेदारी गरेका थिए । तेस्रो विकेटका लागि कोहलीले श्रेयस ऐरसँग १ सय ८ रनको शतकीय साझेदारी गरेका थिए । श्रेयस ऐर ३८ र रोहित शर्मा ४२ रनमा आउट भए ।

श्रीलंकाका लाहिरु कुमाराले १० ओभरमा १ मेडनसहित ८७ रन खर्चेर २ विकेट लिए । कसुन रजिथाले १० ओभरमा १ मेडनसहित ८१ रन खर्चेर २ विकेट लिए ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.