default_image

1 year ago

January 20, 2023

कविता र विन्दुको उत्कृष्ट प्रदर्शनमा सुदूरपश्चिम फाइनलमा

214 views

0 Bookmark

काठमाडौं (हाम्रो खेलकुद) – कप्तान विन्दु रावल र कविता कुँवरको उत्कृष्ट ब्याटिङमा सुदूरपश्चिम प्रदेशले प्रधानमन्त्री कप महिला टि२० राष्ट्रिय प्रतियोगिताको पहिलो सेमिफाइनलमा मधेश प्रदेशलाई १ सय १४ रनको फराकिलो अन्तरले हराउँदै फाइनलमा स्थान बनाएको छ ।

इटहरीको जनता क्रिकेट पार्कमा टस जितेर पहिला ब्याटिङ थालेको सुदूरले निर्धारित २० ओभरमा २ विकेट गुमाउँदै १ सय ८० रन बनायो । सुदूरको लागि कविता कुँवरले ५४ बलमा १२ चौका र १ छक्कासहित सर्वाधिक ७० रनको योगदान दिइन् ।

कप्तान विन्दु रावल ५२ बलमा ९ चौकासहित ६० रनमा अविजित रहिन् । पहिलो विकेटका लागि कविता र विन्दु रावलले १ सय २८ रनको सानदार शतकीय साझेदारी गरेका थिए ।

कविता जोशी १५ बलमा ४ चौका र २ छक्कासहित ३२ रनमा अविजित रहिन् । मधेशकी साना प्रविन र भूमि सिंहले एक एक विकेट लिए ।

जितको लागि १ सय ८१ रनको विजयी लक्ष्य पछ्याएको मधेशले निर्धारित २० ओभरमा ८ विकेट गुमाउँदै ६८ रन बनायो । मधेशकी प्रतिमा शाहले १८ बलमा ३ चौकासहित सर्वाधिक १९ रन बनाइन् । सीमा कुँवर १६ र एलिसा यादवले ३९ बलमा २ चौकासहित १४ रन बनाइन् । अन्य ब्याटरले राम्रो गर्न सकेनन् ।

सुदूरकी मनिषा चौधरी र ऋतु कनोजियाले दुई दुई विकेट लिए । उपाधिको लागि सुदूरले दोस्रो सेमिफाइनलको विजेता एपिएफ र प्रदेश एकबीच प्रतिस्पर्धा गर्नेछ । एपिएफ ४५ रनमा अल आउट भएको छ ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.