default_image

1 year ago

January 26, 2023

जडेजाको सानदार बलिङ

161 views

0 Bookmark

एजेन्सी – अलराउन्डर रविन्द्र जडेजाले भारतीय टोलीमा फर्किनु अघि घरेलु क्रिकेट रणजी ट्रफीमा सानदार बलिङ प्रदर्शन गरेका छन् । जडेजाले एकै इनिङमा ७ विकेट लिदै भारतीय टोलीमा उत्कृष्ट पूनरागमनको सम्भावना देखाएका छन् ।

जडेजाले तामिल नाडुविरुद्ध सौराष्ट्रबाट उक्त प्रदर्शन गरेका हुन् । तामिल नाडु दोस्रो इनिङमा १ सय ३३ रनमा अल आउट भयो । सस्तैमा अल आउट गर्न जडेजाले १७.१ ओभरमा ३ मेडन राख्दै ५३ रन खर्चेर ७ विकेट लिए ।

जडेजाले भारतीय टोलीबाट खेलि सकेका विजय शंकर, सन्दीप वारिवारसँगै घरेलु क्रिकेटमा लगातार उच्च प्रदर्शन गर्दै आएका साई सुदर्शन, नारायण जगदीशन लगायत ७ खेलाडीलाई आउट गरेका थिए ।

सौराष्ट्रले २ सय ६६ रनको विजयी लक्ष्य पछ्याउँदा तेस्रो दिनको समाप्तिमा ४–१ को अवस्थामा छ । चोटका कारण पाँच महिनापछि मैदान फर्किएका जडेजाले भारतीय टोलीबाट खेल्नुअघि सानदार प्रदर्शन गरेका हुन् । जडेजाले पछिल्लो पटक अन्तिम खेल टि२० एसिया कपमा पाकिस्तानविरुद्ध खेलेका थिए । खुट्टाको घुँडामा चोट लागेपछि जडेजाले एसिया कप हुँदै टि२० विश्वकप गुमाउनु परेको थियो ।

जडेजा अष्ट्रेलियासँग हुने चार टेस्ट खेलको सिरिजबाट पूनरागमन गर्नेछन् । भारतले उक्त चार खेल मध्य सुरुवाती दुई टेस्टको लागि टोली घोषणा गर्दा जडेजा पनि टोलीमा छन् । भारत र अष्ट्रेलियाबीचको पहिलो टेस्ट खेल ९ देखि १३ फेब्रुअरी सम्म नागपुरमा हुनेछ ।

दोस्रो टेस्ट खेल १७ देखि २१ फेब्रुअरीसम्म दिल्लीमा हुनेछ । आइसिसी विश्व टेस्ट च्याम्पियनसिप २०२१/२३ को फाइनल खेल्न भारतलाई तीन खेल जित्नु पर्ने हुन्छ । प्रमुख खेलाडी जडेजा टोलीमा फर्किदा भारतलाई धेरै फाइदा पुग्नेछ ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.