एजेन्सी – मध्यक्रमका ब्याटर डर्याल मिचेलको उत्कृष्ट ब्याटिङमा न्युजिल्यान्डले पहिलो टि२० आई खेलमा घरेलु टोली भारतलाई १ सय ७७ रनको चुनौतीपूर्ण लक्ष्य दिएको छ । राँचीमा टस हारेर पहिला ब्याटिङको निम्तो पाएको न्युजिल्यान्डले निर्धारित २० ओभरमा ६ विकेट गुमाउँदै १ सय ७६ रन बनायो ।

न्युजिल्यान्डका डर्याल मिचेल ३० बलमा ३ चौका र ५ छक्कासहित ५९ रनको अविजित इनिङ खेले । मिचेलले मात्रै २६ बलमा अर्धशतक पूरा गरेका थिए । उनले अन्तिम ओभरको सुरुवाती तीन बलमा तीव्र गतिका बलर अर्शदीप सिंहलाई लगातार तीन छक्का हान्दै अर्धशतक पूरा गरेका थिए । पहिलो बल नो फ्याँलेका थिए ।

लगातार तीन छक्कापछि त्यसपछिको बलमा चौका हाने । अन्तिम ओभरको सुरुवाती तीन बलमा मात्रै २३ रन जोडेको थियो । यस ओभरमा कुल २७ रन जोड्यो । ओपनर डेभन कन्वे ३५ बलमा ७ चौका र १ छक्कासहित सर्वाधिक ५२ रनमा आउट भए । न्युजिल्यान्डलाई युवा ओपनर फिन एलेनले आक्रामक सुरुवात दिलाएका थिए । एलेन २३ बलमा ४ चौका र २ छक्कासहित ३५ रनमा क्याच आउट भए ।

मार्क च्यापम्यान गोल्डेन डक आउट भए । वासिन्टन सुन्दरले एकै ओभरमा दुई विकेट लिएपछि न्युजिल्यान्ड केहि समस्यमा परेको थियो । ग्लेन फिलिप्स २२ बलमा १ चौकासहित १७ रनमा आउट भए । तेस्रो विकेटका लागि ग्लेन फिलिप्स र कन्वेले ६० रनको साझेदारी गरेका थिए ।

भारतका वासिन्टन सुन्दरले ४ ओभरमा २२ रन खर्चेर २ विकेट लिए । अर्शदीप सिंहले ५ ओभरमा ५१ रन खर्चेर १ विकेट लिए । शिवम माभीले २ ओभरमा १९ रन खर्चेर १ विकेट लिए । कुलदीप यादवले ४ ओभरमा २० रन खर्चेर १ विकेट लिए ।