1 year ago
January 29, 2023
एजेन्सी – भारतले दोस्रो तथा अन्तिम टि२० आई खेलमा न्युजिल्यान्डमाथि ६ विकेटको रोमान्चक जित हात पारेको छ । योसँगै तीन टि२० आई खेलको सिरिज १-१ को बराबरी अवस्थामा पुगेको छ । जितको लागि १ सय रनको विजयी लक्ष्य पछ्याएको भारतले १९.५ ओभरमा ४ विकेट गुमाउँदै पूरा गर्यो । भारतको जितमा सूर्यकुमार यादव ३१ बलमा १ […]
एजेन्सी – भारतले दोस्रो तथा अन्तिम टि२० आई खेलमा न्युजिल्यान्डमाथि ६ विकेटको रोमान्चक जित हात पारेको छ । योसँगै तीन टि२० आई खेलको सिरिज १-१ को बराबरी अवस्थामा पुगेको छ । जितको लागि १ सय रनको विजयी लक्ष्य पछ्याएको भारतले १९.५ ओभरमा ४ विकेट गुमाउँदै पूरा गर्यो ।
भारतको जितमा सूर्यकुमार यादव ३१ बलमा १ चौकासहित २६ रनमा अविजित रहे । हार्दिक पान्ड्या २० बलमा १ चौकासहित १५ रनमा अविजित रहे । पाँचौं विकेटका लागि हार्दिक र सूर्यले ३२ बलमा ३१ रनको साझेदारी गर्दै रोमान्चक जित दिलाए ।
भारतलाई जितको लागि अन्तिम ६ बलमा ६ रन चाहिँएको थियो । तीव्र गतिका बलर ब्लेयर टिकनरले पहिलो पहिलो बलमा हार्दिक पान्ड्यालाई एक रन दिँए । दोस्रो बल सूर्यलाई डट राखे । तेस्रो बलमा कट एण्ड बोल्ड गर्न चुकेका थिए । चौथौ बलमा एक रन दिएपछि दुई बलमा तीन रन चाहिँएको थियो ।
पाँचौं बलमा सूर्यले कभरको माथिबाट चौका हान्दै रोमान्चक जित दिलाए । भारतका ओपनर ईशान किशन ३२ बलमा २ चौकासहित १९ तथा ईशान किशन ९ बलमा २ चौकासहित ११ रनमा आउट भए । राहुल त्रिपाठी १८ बलमा १ चौकासहित १३ रनमा आउट भए । वासिन्टन सुन्दर ९ बलमा १० रनमा रन आउट भए ।
न्युजिल्यान्डका स्पिनर माइकल ब्रेसवेलले ४ ओभरमा १३ रन खर्चेर १ विकेट लिए । ईश सोधीले ४ ओभरमा २४ रन खर्चेर १ विकेट लिए ।
त्यसअघि लखनऊमा टस जितेर पहिला ब्याटिङ थालेको न्युजिल्यान्डले निर्धारित २० ओभरमा ८ विकेट गुमाउँदै ९९ रन बनाएको थियो । न्युजिल्यान्डका कप्तान मिचेल सान्टनार २३ बलमा १ चौकासहित सर्वाधिक २० रनमा अविजित रहेका थिए । मार्क च्यापम्यान र माइकल ब्रेसवेलले १४–१४ रन बनाए । अन्य कुनैपनि न्युजिल्यान्डका ब्याटरले राम्रो प्रदर्शन गर्न सकेनन् ।
्
चौथो ओभरको तेस्रो बलमा ओपनर फिन एलेन युजभेन्द्र चहलको बलमा ११ रनमा बोल्ड हुन पुगेका थिए । स्पिनर वासिन्टन सुन्दरले डेभन कन्वेलाई ११ रनमै विकेटकिपर ईशान किशनबाट क्याच आउट गराएका थिए । पार्ट टाइम स्पिनर दीपक हुडाले ग्लेन फिलिप्सलाई ५ रनमा बोल्ड गरे ।
कुलदीप यादवले डर्याल मिचेललाई ८ रनमा बोल्ड गरे । मार्क च्यापम्यान २१ बलमा १४ रन बनाउँदै रन आउट भए । भारतका अर्शदीप सिंहले २ ओभरमा ७ रन खर्चेर २ विकेट लिए ।
कुलदीप यादव, युजभेन्द्र चहल, दीपक हुडा, वासिन्टन सुन्दर र हार्दिक पान्ड्याले १(१ विकेट लिए । पहिलो खेलमा न्युजिल्यान्ड २१ रनले विजयी भएको थियो । तेस्रो तथा अन्तिम खेल बुधबार अहमदाबादमा हुनेछ ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]