एजेन्सी – भारत क्रिकेट बोर्ड (बिसिसिआई) ले यू-१९ महिला विश्वकप विजेता भारतीय टोलीलाई ८ करोड दिने भएको छ । भारतले आइतबार राती फाइनलमा इंग्ल्यान्डलाई ७ विकेटले हराउँदै उपाधि जितेको छ । पहिलो पटक भएको महिला यू–१९ विश्वकप उपाधि जित्दै भारतले इतिहास रचेको छ ।
बिसिसिआईका सचिव जय शाहले सामाजिक सञ्जालमार्फत ५ करोड भारु (८ करोड रुपैयाँ) टिम र म्यानेजमेन्ट टिमलाई दिने जनाएका छन् । जितको लागि ६९ रनको विजयी लक्ष्य पछ्याएको भारतले १४ ओभरमा तीन विकेट गुमाउँदै पूरा गरेको थियो ।भारतकी सौम्या तिवारीले ३७ बलमा ३ चौकासहित सर्वाधिक २४ रनमा अविजित रहिन् । इंग्ल्यान्डकी हन्ना बेकेर ग्रेस स्क्रिभेन्स र एलेक्सा स्टोनहाउस एक एक विकेट लिए ।
त्यसअघि सेनवेस पार्कमा टस हारेर पहिला ब्याटिङको निम्तो पाएको इंग्ल्यान्ड १७.१ ओभरमा ६८ रनमा अल आउट भयो । इंग्ल्यान्डकी रियाना म्याकडोनाल्ड गेले २४ बलमा ३ चौकासहित सर्वाधिक १९ रन बनाइन् । नियाम हल्याण्ड १०, एलेक्सा स्टोनहाउस र सोफिया स्मालेले ११–११ रन बनाइन् ।
भारतकी तितास साधुले ४ ओभरमा ६ रन खर्चेर २ विकेट लिइन् । अर्चना देवीले ३ ओभरमा १७ रन खर्चेर २ विकेट लिइन् । पाश्रर्वी चोपडा ४ ओभरमा १३ रन खर्चेर २ विकेट लिइन् ।
