एजेन्सी– भारतीय ब्याटर मुरली विजयले अन्तर्राष्ट्रिय क्रिकेट करिअरबाट सन्न्यास लिएका छन् । मुरली विजयले ३८ वर्षको उमेरमा सन्न्यासको घोषणा गरेका छन् । विजयले भारतबाट ६१ टेस्ट, १७ ओडिआई र ९ टि२० आई खेल खेलेका छन् ।
२००८ मा अष्ट्रेलियाविरुद्ध नागपुरमा टेस्टमा डेब्यू गरेका थिए । विजयले १२ शतक र १५ अर्धशतकसहित ३ हजार ९ सय ८२ रन बनाएका छन् । २०१० मा अष्ट्रेलियाविरुद्ध बेंगलोरमा १ सय ३९ रनको शतकीय इनिङ खेलेका थिए ।
२०१३ मा अष्ट्रेलियाविरुद्ध हैदराबादमा करिअरको उत्कृष्ट १ सय ६७ रनको इनिङ खेलेका थिए । विजयले अन्तिम पटक भारतबाट २०१८ डिसेम्बरमा अष्ट्रेलियाविरुद्धनै दिल्लीमा खेलेका थिए ।
ओडिआई भने २०१० मा दक्षिण अफ्रिकाविरुद्ध डेब्यू गरेका थिए । टि२० आईमा अफगानिस्तानविरुद्ध त्यसै वर्ष डेब्यू गरेका थिए । अन्तिम पटक ओडिआई तथा टि२० आई २०१५ मा जिम्बावेविरुद्ध खेलेका थिए ।
२०१० को आइपिएलमा चेन्नई सुपर किंग्सबाट राजस्थान रोयल्सविरुद्ध विजयले ५६ बलमा ८ चौका र ११ छक्कासहित १ सय २७ रनको शतकीय इनिङ खेलेका थिए । मुरली विजयी अव स्पोट खेलकुद व्यापारमा काम गर्ने बताएका छन् ।
