काठमाडौं (हाम्रो खेलकुद) – नेपाल क्रिकेट संघ (क्यान) को निर्वाचन आगमी जेठमा हुने भएको छ । पोखरामा जारी क्यानको बोर्ड बैठकले साधरण सभा फागुन १४ र १५ मा मा सुर्खेतमा हुने जनाएको छ । उक्त साधरण सभापछि निर्वाचन आगमी जेठमा गर्ने क्यानको बोर्ड बैठकले निर्णय गरेको छ ।
क्यान स्रोतका अनुसार पहिला जिल्ला, प्रदेश हुँदै केन्द्रको निर्वाचन हुनेछ । जिल्ला सकिएको एक महिनापछि प्रदेशको निर्वाचन हुनेछ । प्रदेश सकिएको एक महिनापछि केन्द्रको निर्वाचन हुनेछ । नेपाल टि२० लिग विवादपछि कार्यकाल सकिनु चार महिना अघिनै निर्वाचन गर्न लागेको हो ।
मंगलबार पोखरामा सुरु भएको बोर्ड बैठक आज सम्पन्न हुनेछ । क्यानका कार्यवाहक सचिव प्रशान्तविक्रम मल्लले पदबाट राजीनामा दिएका छन् । नेपाल टि२० लिगमा विवाद, फिक्सिङ, समयमै खेलाडीले पैसा नपाएको कारण चौतर्फी आलोचना तथा असफलतापछि मल्लले पोखरामा भएको बोर्ड बैठकमा मंगलबार राजीनामा दिएका हुन् । केन्द्रिय सदस्य दुर्गाराज पाठकले कार्यवाहक सचिवको जिम्मेवारी पाएका छन् ।
प्रशान्त नेपाल टि२० लिगका गर्भनिङ काउन्सिका अध्यक्ष समते थिए । मल्ल २०७६ असोज ११ मा क्यानको निर्वाचनबाट केन्द्रिय सदस्यमा नियुक्त भएका थिए । गतवर्ष सचिव अशोकनाथ प्याकुरेलले राजीनामा दिएपछि उक्त पदको जिम्मेवारी पाएका थिए । प्रशान्त नेपाल टि२० लिगका गर्भनिङ काउन्सिका अध्यक्ष समेत थिए ।
क्यानले नेपाल टि२० लिगको कर्मसियल तथा रणनीतिक साझेदारको रुपमा ८ वर्षको लागि ३३ करोड नेपाली रुपैयाँमा बेचेको थियो । तर सेभेन थ्री स्पोट्र्सका संस्थापक जति अहलूवालियाबीचमै छाडेर भारत भागेका थिए । मंगलबार सेभेन थ्री स्पोर्ट्सले क्यानसँग सम्झौता तोडेको जनाएको छ । क्यानले उक्त सम्झौता खारेज गर्न वार्षिक साधरण सभामा लैजानी निर्णय गरेको छ।
त्यस्तै बोर्ड बैठकले बलात्कार आरोप लागेका क्रिकेटर सन्दीप लामिछानेमाथिको निलम्बन फुकुवा गरेको छ । सन्दीपलाई क्यानले असोज २३ मा निलम्बन गरेको थियो । सन्दीपको मुद्धा भने जिल्ला अदालत काठमाडौंमा अझै टुङ्गो लागेको छैन ।
क्यानकै ६ केन्द्रीय सदस्यले नेपाल टि२० लिगमा भएका विविध गल्तीको जिम्मेवारी नेतृत्वले लिनुपर्ने बताउँदै अध्यक्षसहित कार्यसम्पादन समितिको राजीनामा माग गर्दै पत्र बुझाएर बैठक छाडेका थिए ।
केन्द्रीय सदस्यहरु ऋषिराम गौतम, दाउद अन्सारी, संजयराज सिंह, करण महतरा क्षेत्री, छुम्बी लामा र धर्मराज गिरीले राजीनामा माग गर्दै बोर्ड बैठक छाडेका थिए । लामो समयदेखि सर्वोच्चमा मुद्धा रहेको एभरेष्ट प्रिमियर लिगका संस्थापक आमिर अख्तर र जोरा स्पोर्ट्ससँगको समस्या समाधान गर्न क्यानका कोषाअध्यक्ष रोशनसिंहको संयोजकमा तीन सदस्य समिति गठन भएको छ ।
रोशनसँगै केन्द्रिय सदस्य पदम खड्का र कैलाश विष्ट रहेका छन् । नेपालले अप्रिलमा एसिसी प्रिमियर कप आयोजना गर्ने भएको छ । १० राष्ट्र सहभागी उक्त प्रतियोगिता विजेताले एसिया कपमा भारत र पाकिस्तानसँग खेल्न पाउनेछ ।
