1 year ago
February 1, 2023
काठमाडौं (हाम्रो खेलकुद – बलात्कार आरोप लागेका क्रिकेटर सन्दीप लामिछानोसँग नेपाल क्रिकेट संघ (क्यान) ले २०२३ को केन्द्रिय सम्झौता नगर्ने भएको छ। क्यानले २०२३ को जनवरी देखि जुनसम्म केन्द्रिय सम्झौता सार्वजनिक गर्दा सन्दीप ग्रेडमै छैनन् । क्यानले ए ग्रेड पाँच, बी ग्रेडमा तीन र सी ग्रेडमा १० खेलाडीलाई राखेको छ । अर्जुन साउद, गुलशन झा, […]
काठमाडौं (हाम्रो खेलकुद – बलात्कार आरोप लागेका क्रिकेटर सन्दीप लामिछानोसँग नेपाल क्रिकेट संघ (क्यान) ले २०२३ को केन्द्रिय सम्झौता नगर्ने भएको छ। क्यानले २०२३ को जनवरी देखि जुनसम्म केन्द्रिय सम्झौता सार्वजनिक गर्दा सन्दीप ग्रेडमै छैनन् । क्यानले ए ग्रेड पाँच, बी ग्रेडमा तीन र सी ग्रेडमा १० खेलाडीलाई राखेको छ ।
अर्जुन साउद, गुलशन झा, देव खनाल, सागर ढकाल र विवेक यादव पहिलो पटक ग्रेडमा परेका छन् । तर बलात्कार आरोप लागेका सन्दीपलाई कुनैपनि ग्रेडमा राखेको छैन । सन्दीपमाथि असोज २३ मा लगाएको निलम्बन भने क्यानले फुकुवा गरेको छ । तर आफ्नो सम्झौतामा राखेको छैन ।
सन्दीपलाई पुष २८ मा उच्च अदालत पाटनले काठमाडौं जिल्ला अदालतको आदेश बदर गर्दै २० लाख धरौटीमा रिहा गर्न आदेश दिएको थियो । तर सन्दीप दोषी हुन् वा होइनन् भन्ने निर्णय जिल्ला अदालत काठमाडौंले दिएको छैन ।
सन्दीपले क्रिकेट खेल्न पाउने वा नपाउने भन्ने अदालतको आदेशमा उल्लेख छैन । सन्दीपलाई विदेश जान भने रोक लगाएको छ । उनलाई पुर्पक्षको लागि धरौटीमा छोड्ने उच्च अदालतको आदेश बदर गर्न माग गर्दै महान्यायाधिवक्ता कार्यालय सर्वोच्च अदालतमा मंगलबार निवेदन दिएको छ ।
भदौ ५ गते काठमाडौंको एक होटलमा लगेर नाबालिगलाई बलात्कार गरेको आरोप सन्दीपमाथि लागेको थियो । भदौ २१ गते एक नाबालिगले सन्दीपले आफूलाई पटक पटक बलात्कार गरेको भन्दै प्रहरी वृत गौशालामा किटानी जाहेरी दिएकी थिइन् । सन्दीपले असोज २० मा त्रिभुवन विमानस्थलबाट आत्मसमर्पण गरेका थिए । सन्दीपलाई बलात्कार आरोपमा काठमाडौं जिल्ला अदालतले पुर्पक्षको लागि थुनामा पठाउन कात्तिक १८ मा आदेश दिएको थियो ।
पुरुषतर्फ ए ग्रेडका खेलाडीले मासिक ६० हजार, बी ग्रेडका खेलाडीले ५० हजार र सी ग्रेडका खेलाडीले ४० हजार प्राप्त गर्नेछन् । महिलातर्फ ए ग्रेडका खेलाडीले मासिक २१, बी ग्रेडका खेलाडीले १८ र सी ग्रेडका खेलाडीले १५ हजार पाउनेछन् । महिला ग्रेड भने १८ बाट १२ मा झारिएको छ ।
पुरुषतर्फ २०२३ जनवरी देखि जुनसम्म ग्रेड :
ग्रेड ए : रोहित पौडेल, सोमपाल कामी, करण केसी, दीपेन्द्रसिंह ऐरी र आशिफ शेख
ग्रेड बी : आरिफ शेख, कुशल भुर्तेल, ज्ञानेन्द्र मल्ल
ग्रेड सी : कमलसिंह ऐरी, विनोद भण्डारी, गुलशन झा, अर्जुन साउद, अभिनाश बोहरा, ललित नारायण राजवंशी, कुशल मल्ल, देव खनाल, सागर ढकाल र विवेक यादव ।
महिलातर्फ २०२३ जनवरी देखि जुनसम्म ग्रेड :
ग्रेड ए : रुविना क्षेत्री बेलबासे, सीता रानामगर र इन्दु बर्मा
ग्रेड बी : काजोल श्रेष्ठ, कविता कुँवर, अस्मिना कर्माचार्य
ग्रेड सी मा : कविता जोशी, विन्दु रावल, संगिता राई, ममता चौधरी, ज्योति पाण्डे र अप्सरी बेगम
March 29, 2024
चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेटको फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]
March 29, 2024
काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]
March 29, 2024
काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]