default_image

2 years ago

February 1, 2023

गिलको कीर्तिमानी शतकमा भारतको रनको वर्षा

271 views

0 Bookmark

एजेन्सी – युवा ओपनर शुभमन गिलको कीर्तिमानी शतकमा भारतले तेस्रो तथा निर्णायक टि२० आई खेलमा न्युजिल्यान्डलाई २ सय ३५ रनको विशाल विजयी लक्ष्य दिएको छ ।

अहमदाबादमा टस जितेर पहिला ब्याटिङ थालेको भारतले निर्धारित २० ओभरमा ४ विकेट गुमाउँदै २ सय ३४ रन बनायो । भारतका ओपनर शुभमन गिल ६३ बलमा १२ चौका र ७ छक्कासहित सर्वाधिक १ सय २६ रनमा अविजित रहे ।

गिलले विराट कोहलीले कीर्तिमान तोड्दै भारतीय क्रिकेटमा इतिहास रचेका छन् । गिल भारतबाट टि२० आईमा एकै खेलमा सर्वाधिक रन बनाउने ब्याटर बनेका हुन् । गिलले विराट कोहलीले एसिया कपमा अफगानिस्तानविरुद्ध ६१ बलमा खेलेको १ सय २२ रनको अविजित इनिङ तोड्दै भारतबाट टि२० आईमा एक खेलमा सर्वाधिक रन बनाउने ब्याटर बनेका छन् ।

लोकी फर्गुसनको १८ औं ओभरको पहिलो बलमा कभरमा चौका हान्दै गिलले ५४ बलमा शतक पूरा गरेका थिए । गिलको पहिलो टि२० आई शतक हो । गिलले ब्यक्तिगत ३३ रनमा जीवनदान पाएका थिए । तीव्र गतिका बलर लोकी फर्गुसनको छैटौं बलमा ब्लेयर टिकनरले क्याच छाड्न पुगेका थिए ।

भारतले ओपनर ईशान किशनलाई एक रनमै गुमाएको थियो । स्पिनर माइकल ब्रेसवेलको बलमा ईशान एलबीडब्लू आउट भएका थिए । रिभ्यु लिएपनि सफल हुन सकेनन् । दोस्रो विकेटका लागि राहुल त्रिपाठी र गिलले ८० रनको साझेदारी गरे ।

त्रिपाठी २२ बलमा ४ चौका र ३ छक्कासहित ४४ रनमा आउट भए । आक्रामक सुरुवात गरेपनि स्पिनर ईश सोधीको बलमा डिप स्क्वायर खेलमा लोकी फर्गुसनबाट क्याच आउट भए । सूर्यकुमार यादव १३ बलमा १ चौका र २ छक्कासहित २४ रनमा आउट भए ।

गिल र हार्दिक पान्ड्याले चौथो विकेटका लागि ४० बलमा १ सय ३ रनको विष्फोटक शतकीय साझेदारी गरेका थिए । हार्दिक १७ बलमा ४ चौका र १ छक्कासहित ३० रनमा आउट भए ।

न्युजिल्यान्डका माइकल ब्रेसवेल, ब्लेयर टिकनर, ईश सोधी र डर्याल मिचेलले एक एक विकेट लिए । तीन खेलको सिरिज १(१ को बराबरीमा छ । पहिलो खेलमा न्युजिल्यान्ड २१ रनले विजयी हुँदा दोस्रो खेलमा ६ विकेटले पराजित भएको थियो ।

April 27, 2025

आरसिबी शीर्षस्थानमा उक्लियो

एजेन्सी – रोयल च्यालेन्जर्स बैगलुरू (आरसिबी) इण्डियन प्रिमियर लिग (आइपिएल) को शीर्ष स्थानमा उक्लिएको छ। दिल्ली क्यापिटल्सलाई आज ६ विकेटले आरसिबी अंक तालिकाको शीर्षस्थानमा उक्लिएको हो । जितको लागि १ सय ६३ रनको चुनौति आरसिबीले १८.३ ओभरमा ४ विकेटको नोक्सानीमा पूरा गर्यो।‌ आरसिबीले सुरूवात खराब गर्यो। २६ रन मात्र जोड्दा ३ विकेट गुमायो। ओपनर ज्याकब […]

April 27, 2025

आरसिबीलाई दिल्लीको मध्यम लक्ष्य

एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा आज रोयल च्यालेन्जर्स बैंगलुरु‌ (आरसिबी) लाई १ सय ६३ रनको मध्यम लक्ष्य दिएको छ। टस जितेर आरसिबीले फिल्डिङ रोजेको थियो। दिल्लीले ८ विकेटको नोक्सानीमा १ सय ६२ रन बनाएको छ।दिल्लीले खुलेर ब्याटिङ गर्न सकेन । टोलीका लागि केएल राहुलले सर्वाधिक ४१ रन बनाए। ओपनर अभिषेक पोरेलले […]

April 27, 2025

मुम्बई दोस्रो स्थानमा उक्लियो

एजेन्सी – जसप्रति बुमराह र ट्रेन्ट बोल्टले ७ विकेट लिएपछि मुम्बई इण्डियन्सले इन्डियन प्रिमियर लिग (आइपिएल) आज लखनउ सुपर जायन्ट्सलाई ५४ रनले हराएको छ। जितसँगै मुम्बई अंक तालिकाको दोस्रो स्थानमा पुगेको छ।‌२ सय १६ रनको लक्ष्य पछ्याएको लखनउले २० ओभरमा सबै विकेट गुमाएर १ सय ६१ रन मात्र बनाउन सक्यो। लखनउका लागि आयुष बोधानीले सर्वाधिक […]

Success

Thank you for your time.