10 months ago
February 2, 2023
काठमाडौं (हाम्रो खेलकुद) – आक्रामक ब्याटर सिद्धान्त लोहनी, अनुभवी खेलाडी शरद भेषावकर, तीव्र गतिका बलर अभिनाश बोहरासहित १० खेलाडी नेपाली क्रिकेट टोलीको बन्द प्रशिक्षणबाट बाहिरिएका छन् । क्यानले आइसिसी विश्वकप लिग–२ त्रिकोणात्मक ओडिआई सिरिज अन्तर्गत घरेलु मैदान टियुमा नामिबिया र स्कटल्यान्डविरुद्ध खेल्ने दोस्रो चरणको नाम निकाल्दा १० खेलाडी बाहिरिएका छन् । अनुभवी शरद भेषावकर, सिद्धान्त […]
काठमाडौं (हाम्रो खेलकुद) – आक्रामक ब्याटर सिद्धान्त लोहनी, अनुभवी खेलाडी शरद भेषावकर, तीव्र गतिका बलर अभिनाश बोहरासहित १० खेलाडी नेपाली क्रिकेट टोलीको बन्द प्रशिक्षणबाट बाहिरिएका छन् । क्यानले आइसिसी विश्वकप लिग–२ त्रिकोणात्मक ओडिआई सिरिज अन्तर्गत घरेलु मैदान टियुमा नामिबिया र स्कटल्यान्डविरुद्ध खेल्ने दोस्रो चरणको नाम निकाल्दा १० खेलाडी बाहिरिएका छन् ।
अनुभवी शरद भेषावकर, सिद्धान्त लोहनीसहित १० खेलाडी बाहिरिदा पहिलो चरणमा प्रशिक्षणमा नभएका प्रतिश जि.सी र सन्दीप लामिछाने अन्तिम २० मा रहेका छन् । क्यानले गत शुक्रबार २८ सदस्य खेलाडी बोलाएको थियो । शरद, सिद्धान्त, भुवन कार्की, विनोद भण्डारी, अंकित सुवेदी, सागर ढकाल, विवेक यादव, अनिल शाह, अभिनाश बोहरा र विक्रम सोब पहिलो चरणको बन्द प्रशिक्षणबाटै बाहिरिएका छन् ।
नेपाल टि२० लिगमा काठमाडौं नाइट्सबाट खेल्दै १९ विकेटका साथ सर्वाधिक विकेट लिने बलर बनेका अभिनाश पनि पहिलो चरणबाटै बाहिरिएका छन् । मुख्य प्रशिक्षक मोन्टी देशाईले आइतबारदेखि प्रशिक्षण सुरु गरेका थिए । पाँच दिनको प्रशिक्षणबाट १० खेलाडी बाहिरिएका हुन् ।
क्यानले एक दुई दिनमा आफ्नो अन्तिम टोली घोषणा गर्नेछ । प्रतिश जि.सीले प्रशिक्षणमा राम्रो गरेपछि टोलीमा बोलाएको हो । उनी सुरुवाती २८ खेलाडीको सूचिमा थिएनन् । बायाँ हाते तीव्र गतिका बलर प्रतिशले तल्लोक्रममा आक्रामक ब्याटिङ गर्ने गर्दछन् ।
प्रतिशले नेपाल टि२० लिगमा पोखरा एभेन्जर्सबाट उत्कृष्ट प्रदर्शन गरेका थिए । गत डिसेम्बरमा नामिबिया भ्रमणमा टोली जादा उनी वैकल्पिक सूचिमा थिए । सन्दीप भने बलात्कार आरोप लागेपछि टोलीमा फर्किएका हुन् । पोखरामा बसेको बोर्ड बैठकले सन्दीपमाथि लगाएको निलम्बन फुकुवा गरेपछि सिनियर टोलीमा बोलाइएको हो ।
उनीको अव फिटनेश परिक्षण हुनेछ । फिटनेशमा फिट भए सिनियर टोलीमा फर्किनेछन् । तर सन्दीपमाथि लागेको बलात्कार अरोपको मुद्धा जिल्ला अदालत काठमाडौंमा यथावत छ । सन्दीप दोषी हुन् वा होइनन् भन्ने अदालतले कुनै प्रमाणित गरेको छैन ।
नेपालले पहिलो खेल फागुन २ (फेब्रुअरी १४) मा नामिबियासँग खेल्नेछ । दोस्रो खेल फागुन ५ (फेब्रुअरी १७) मा स्कटल्यान्डसँग खेल्नेछ । नेपालले फागुन ६ (फेब्रुअरी १८) मा नामिबियासँग खेल्नेछ । नेपालले यस सिरिजको अन्तिम खेल फागुन ९(फेब्रअरी २१) मा स्कटल्यान्डसँग खेल्नेछ ।
नेपालको टोली :
कुशल भुर्तेल, ज्ञानेन्द्र मल्ल, आशिफ शेख, कुशल मल्ल, रोहित पौडेल, आरिफ शेख, दीपेन्द्रसिंह ऐरी, गुलशन झा, करण केसी, सन्दीप लामिछाने, ललित राजवंशी, सन्दीप जोरा, भीम सार्की, प्रतिश जि.सी, कमलसिंह ऐरी, किशोर महतो, मौसम ढकाल, सूर्य तामाङ, सोमपाल कामी र अर्जुन साउद ।
December 8, 2023
काठमाडौं (हाम्रो खेलकुद) – जिल्ला स्तरीय महिला क्रिकेट छनोट प्रतियोगिताको उपाधी राजबिराज च्याम्पसले खडक क्विनलाई ६ विकेटले पराजित गर्दै जितेको छ । टस हारेर ब्याटिङको निम्तो पाएको खडकले निर्धारित २० ओभरको खेलमा ७ विकेट गुमाउँदै ९५ रन बनाएको थियो । खडकका लागि मन्जु रामले १५ रनको योगदान दिइन् । राजबिराजका साक्षी यादवले ४ ओभरमा १७ […]
December 8, 2023
काठमाडौं (हाम्रो खेलकुद) – चितवन जिल्ला क्रिकेट संघको आयोजनामा चार जिल्ला सम्मिलित भिजिट भरतपुर २०२४ टि२० क्रिकेट सिरिज हुने भएको छ। जिल्ला क्रिकेट संघ चितवनले नारायणगढमा पत्रकार सम्मेलन गरी निर्माणाधिन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा मंसिर २४ देखी २७ गतेसम्म प्रतियोगिता आयोजना गर्ने जानकारी दिएको हो । प्रतियोगितामा चितवन, नवलपुर, मकवानपुर र पर्सा […]
December 8, 2023
काठमाडौं (हाम्रो खेलकुद) – नेपाल एसिसी यू१९ एसिया कपको पहिलो खेलमा पाकिस्तानसँग ७ विकेटले पराजित भएको छ । जितको लागि १ सय ५३ रनको विजयी लक्ष्य पछ्याएको पाकिस्तानले २६.२ ओभरमा ३ विकेट गुमाउँदै पूरा गर्यो । पाकिस्तानको जितमा आजन आविस ६२ बलमा ८ चौकासहित ५६ रनमा अविजित रहे । कप्तान साद बेग ५६ बलमा ५ […]
