default_image

1 year ago

February 3, 2023

सन्दीपले सुरु गरे नेपाली क्रिकेट टोलीको प्रशिक्षण

काठमाडौं (हाम्रो खेलकुद) – नेपाली क्रिकेट टोलीका पूर्व कप्तान सन्दीप लामिछानेले सिनियर टोलीको बन्द प्रशिक्षण सुरु गरेका छन् । बलात्कार आरोप लागेपछि गत भदौदेखि मैदान बाहिर भएका सन्दीपले शुक्रबार देखि टियु क्रिकेट मैदानमा सिनियर टोलीको बन्द प्रशिक्षण थालेका हुन् । नेपालले दुई सातापछि घरेलु मैदानमा आइसिसी विश्वकप लिग–२ त्रिकोणात्मक टि२० आई सिरिज अन्तर्गत नामिबिया र […]

156 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका पूर्व कप्तान सन्दीप लामिछानेले सिनियर टोलीको बन्द प्रशिक्षण सुरु गरेका छन् । बलात्कार आरोप लागेपछि गत भदौदेखि मैदान बाहिर भएका सन्दीपले शुक्रबार देखि टियु क्रिकेट मैदानमा सिनियर टोलीको बन्द प्रशिक्षण थालेका हुन् ।

नेपालले दुई सातापछि घरेलु मैदानमा आइसिसी विश्वकप लिग–२ त्रिकोणात्मक टि२० आई सिरिज अन्तर्गत नामिबिया र स्कटल्यान्डसँग खेल्दैछ । क्यानले बिहीबार दोस्रो चरणको प्रशिक्षणमा सन्दीप लामिछाने र युवा तीव्र गतिका बलर प्रतिश जि.सी.लाई थपेको थियो । सन्दीपले बुधबार प्रशिक्षक मोन्टी देशाईलाई भेटेर सिनियर टोलीमा फर्किने वारेछलफल गरेका थिए ।

क्यानले गत असोजमा लगाएको निलम्बन मंगलबार फुकुवा गरेको थियो । क्यानले सन्दीपले अनुशासन तोड्दै बन्द प्रशिक्षणको समयमा होटेल छाडेको कारण कारबाही गरेको हुँदा निलम्बन फुकुवा गरेको जनाएको छ ।

नेपाली टोली शुक्रबार दिउँसो १ बजे टियु मैदान आएको थियो । सन्दीपले मैदान झरेपछि प्रशिक्षक मोन्टी देशाईसँग केहि समय कुराकानी गरेका थिए । त्यसलगत्तै टोलीले टियु मैदान भित्र सामान्य फिल्डिङ र फिटनेश गरेको थियो । टिम मिटिङपछि भने केहि खेलाडीले मैदान भित्र र केहिले बाहिर नेटमा बलिङ गरेका थिए । सन्दीपले टियु भित्रै नेटमा ब्याटरहरुलाई नेटमा बलिङ गरेका छन् ।

सन्दीपको प्रशिक्षकले प्रदर्शन र फिटनेश परिक्षण हुनेछ । नेपाली क्रिकेटका मुख्य छनोटकर्ता दीपेन्द्र चौधरीका अनुसार सन्दीपलाई प्रशिक्षक देशाई, ट्रेनर अब्दुुल सत्तार, फिजियो विक्रम न्यौपानेले हेर्नेछन् । यी तीन मध्य मध्य दुई जनाले यदि सन्दीप खेल्न योग्य छन् भनेको खण्डमा उनले नेपालबाट खेल्नेछन् । उच्च अदालत पाटनले विदेश जान रोक लगाएको हुँदा उनी नेपालमा हुने प्रतियोगिता मात्रै खेल्नेछन् ।

भदौ ५ गते काठमाडौंको एक होटलमा लगेर नाबालिगलाई बलात्कार गरेको आरोप सन्दीपमाथि लागेको थियो । भदौ २१ गते एक नाबालिगले सन्दीपले आफूलाई पटक पटक बलात्कार गरेको भन्दै प्रहरी वृत गौशालामा किटानी जाहेरी दिएकी थिइन । सन्दीपलाई पुष २८ मा उच्च अदालत पाटनले काठमाडौं जिल्ला अदालतको आदेश बदर गर्दै २० लाख धरौटीमा रिहा गर्न आदेश दिएको थियो । पाटनले सन्दीपलाई विदेश जाने भने रोक लगाएको छ । तर क्रिकेट खेल्न पाउने वा नपाउने कुनै जानकारी दिएको छैन ।

नेपालले पहिलो खेल फागुन २ (फेब्रुअरी १४) मा नामिबियासँग खेल्नेछ । दोस्रो खेल फागुन ५ (फेब्रुअरी १७) मा स्कटल्यान्डसँग खेल्नेछ । नेपालले फागुन ६ (फेब्रुअरी १८) मा नामिबियासँग खेल्नेछ । नेपालले यस सिरिजको अन्तिम खेल फागुन ९(फेब्रअरी २१) मा स्कटल्यान्डसँग खेल्नेछ ।

नेपालको टोली :

कुशल भुर्तेल, ज्ञानेन्द्र मल्ल, आशिफ शेख, कुशल मल्ल, रोहित पौडेल, आरिफ शेख, दीपेन्द्रसिंह ऐरी, गुलशन झा, करण केसी, सन्दीप लामिछाने, ललित राजवंशी, सन्दीप जोरा, भीम सार्की, प्रतिश जि.सी, कमलसिंह ऐरी, किशोर महतो, मौसम ढकाल, सूर्य तामाङ, सोमपाल कामी र अर्जुन साउद ।

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

Success

Thank you for your time.