एजेन्सी – भारतीय अलराउन्डर जोगिन्दर शर्माले सबै किसिमको क्रिकेटबाट सन्न्यासको घोषणा गरेका छन् । ३९ वर्षीय जोगिन्दरले सामाजिक सञ्जालमार्फत सन्न्यासको घोषणा गरेका हुन् ।
जोगिन्दरले २००४ देखि २००७ सम्म भारतबाट समान ४ ओडिआई र टि२० आई खेल खेलेका छन् । भारतलाई २००७ को टि२० विश्वकप जिताउन फाइनलमा पाकिस्तानविरुद्ध अन्तिम ओभरमा जोगिन्दर हिरो बनेका थिए ।
पाकिस्तानलाई उपाधि जित्न अन्तिम ६ बलमा १३ रन चाहिँएको थियो । प्रमुख स्पिनर हरभजन सिंहले त्यो ओभर बलिङ गर्न मानेनन् । कप्तान महेन्द्रसिंह धोनीले जोगिन्दरलाई बल दिएका थिए ।
जोगिन्दरले पहिलो बल वाइड फ्याँले । पहिलो बल डट राख्दा राखेका थिए । दोस्रो बलमा मिस्बाह उल हकले छक्का हानेका थिए । तर तेस्रो बलमा स्कुप सट खेल्नेक्रममा श्रीशान्तबाट क्याच आउट भएपछि भारतले टि२० विश्वकप उपाधि जितेको थियो ।
जतिन्दरले पछिल्लो पटक घरेलु क्रिकेट २०१७ मा खेलेका थिए ।
जोगिन्दर आइपिएलको सुरुवाती चार संस्करण चेन्नई सुपर किंग्समा थिए । उनले १६ खेलमा १२ विकेट लिएका थिए । उनले घरेलु क्रिकेट भने हरियाणाबाट खेलेका थिए । उनले ७७ प्रथम श्रेणी खेलमा ८० लिष्ट ए र ४३ टि२० क्रिकेट खेल खेलेका छन् । जोगिन्दर भारतीय पुलिसका जागिरे हुन् ।
