default_image

1 year ago

February 8, 2023

‘आफ्नो जन्मदिन भन्दा फेब्रुअरी १४ मा बढी खुशी लाग्छ’– करण

217 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका तीव्र गतिका बलर करण केसीले आफ्नो जन्मदिन भन्दापनि फेब्रुअरी १४ दिन बढी खुशी लाग्ने बताएका छन् । टियु क्रिकेट मैदानमा अभ्यासमा ब्यस्त करण केसीले हाम्रो खेलकुदसँग कुराकानी गर्दै भ्यालेन्टाइन डे (फेब्रुअरी १४) आफ्नो जन्मदिन भन्दा बढी खुशी लाग्ने बताएका छन्।

फेब्रुअरी १४ लाई भ्यालेन्टाइन डे मानिन्छ । नेपाली क्रिकेटमा फेब्रुअरी १४ मा करण केसीलाई सम्झिने गरिन्छ । करणले २०१८ फेब्रुअरी १४ मा क्यानडाविरुद्ध करणले अविश्वसनीय जादुमय इनिङ खेल्दै ओडिआई मान्यता नजिक पुर्याएका थिए । त्यसैले करणलाई नेपाली भ्यालेन्टाइम ब्वाई भन्ने गरिन्छ ।

आइसिसी टि२० विश्वकप लिग-२ त्रिकोणात्मक ओडिआई सिरिज अन्तर्गत स्कटल्यान्ड र नामिबियासँग घरेलु मैदान टियुमा खेल्दैछ । यस पटक फेब्रअुरी १४ मा नै नेपालले नामिबियासँग खेल्दै सिरिजमा सुरुवात गर्नेछ । करण आफ्नो जन्मदिन भन्दा पनि त्यो दिन बढी खुशी लाग्ने बताउँछन् ।

‘अव अरु दिन भन्दा पनि सामाजिक सञ्जालहरुमा समर्थकहरुले पोष्ट गरि रहेका हुन्छन् । त्यो हेर्दा पनि खुशीनै लाग्छ । आफ्नो जन्मदिन भन्दा पनि त्यो दिनमा बढी खुशी लाग्छ । मान्छेहरुले शुभकामना दिई राखेको हुन्छन् । त्यो दिन भन्दा पनि सकरात्मक नै अरुदिन जुन गरि रहेको हुन्छ त्यसरीनै अघि बढ्न पर्यो । जसरी पनि खेल जित्नुपर्छ । फेब्रुअरी १४ मै खेल भएको छ भने जसरी पनि जित्नु पर्यो । बढि मिहिनेत गर्यो भने सबै खेल जित्नु नै छ’, करणले भने ।

‘पहिला त यो सिरिज घरेलु मैदानमै छ । त्यसले गर्दा पनि अली बढी शक्ति छ । जहिले पनि घरेलु मैदानमै राम्रो गरेका छौं । यो प्रमुख प्रतियोगिता नै हो । हामीले कम्तिमा तीन खेल जित्ने आशामा अभ्यास गरि रहेका छौं’, करणले तयारी बारे भने ।

यस पटक टोलीमा तीव्र गतिका बलरमा उच्च प्रतिस्पर्धा छ । २० सदस्य टोलीमा दुई अनुभवी बलर करण केसी, सोमपाल कामीसँगै किशोर महतो, कमलसिंह ऐरी, गुलशन झा र प्रतिश जि.सी. छन् । करण यसलाई एउटा राम्रो प्रतिस्पर्धा मान्छन् ।

‘यो एउटा राम्रो प्रतिस्पर्धा हो । तीव्र गतिका बलरले मिहिनेत गर्नुपर्छ । बेन्चमा तीव्र गतिका बलर हुँदा आराम पनि छ । खेल्न सम्म मिहिनेत गरि नै राख्नी हो । कोहि राम्रो गरेर अगाडि आउँछ भने त्यसमा पनि खुशी लाग्छ’, करणले भने ।

यसअघि स्कटल्यान्ड र नामिबियाविरुद्ध ब्याटिङ नचन्दा बलरलाई दबाब बढी रहँदै आएको छ । करण टोलीका प्रमुख बलर हुन् । टियुको पिचमा नेपाली बलर विपक्षी ब्याटरलाई धेरै समय टिक्न दिनु हुँदैन । यो अवस्थामा करणको प्रदर्शन निकै महत्वपूर्ण हुनेछ ।

‘प्रमुख बलर भएपछि सुरु नै तीव्र गतिका बलरले गर्नुपर्छ । सुरुदेखि नै विकेट लिँदै टोलीलाई राम्रो अवस्थामा राख्नु पर्यो । त्यो चाहिँ योजना अनुसार नै अघि बढेका छौं । तीव्र गतिका बलरले एउटा काम गरि रहेका छौं’, उनले भने ।

२०१८ मा ओडिआई नहुँदा नेपाललाई त्यो प्राप्त गर्न असम्भव जस्तै मानिन्थ्यो । तर करण केसीको त्यो इनिङले ओडिआई मान्यता दियो । अहिले ओडिआई मान्यता जोगाउन त्यति नै कठिन अवस्था छ । ओडिआई पाउन र जोगाउन दुबै अवस्था गाह्रो भएको बताउँछन् ।

‘अव भनौं दुबै अवस्था उस्तै छ । त्यति बेलापनि ओडिआई नै थियो । अहिले पनि ओडिआई बचाउन हो । पहिला सिनियरहरु बढी हुँदा हामीलाई ब्याक गर्नुहुन्थ्यो । अव अहिले आफैं नै सिनियर खेलाडी भएर अरु खेलाडीहरुलाई पनि ब्याक गर्नुपर्ने हुन्छ । दबाब त्यहिँ हो । तर जसरी पनि ओडिआई बचाउनुपर्छ’, करणले भने ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.