default_image

1 year ago

February 11, 2023

जडेजाको सानदार पूनरागमन

100 views

0 Bookmark

एजेन्सी– भारतीय अलराउन्डर रविन्द्र जडेजाले अन्तर्राष्ट्रिय क्रिकेटमा सानदार पूनरागमन गरेका छन् । चोटका कारण पाँच महिना मैदान बाहिर भएका जडेजाले अष्ट्रेलियासँग पहिलो टेस्ट खेलमा उत्कृष्ट अलराउन्ड प्रदर्शन गर्दै सानदार पूनरागमन गरेका हुन् ।

पहिलो टेस्ट खेलमा भारत १ सय ३२ रनको इनिङ अन्तरले विजयी भएको छ । चार टेस्ट खेलको सिरिजमा भारतले १–० को अग्रता लिएको छ । भारतको जितमा रविन्द्र जडेजाले ७ विकेट लिनुको साथै ७० रन बनाउँदै प्लेयर अफ द म्याच चुनिए ।

अष्ट्रेलियालाई पहिलो इनिङमा १ सय ७७ रनमा अल आउट गर्न रविन्द्र जडेजाले २२ ओभरमा ८ मेडनसहित ४७ रन खर्चेर पाँच महत्वपूर्ण विकेट लिएका थिए । जडेजाले मार्नस लाबुसेनलाई ४९, स्टिभ स्मिथ ३७, म्याट रेनेशलाई डक, पिटर ह्यान्डस्कम्बलाई ३१ र टोड मर्फीलाई डक आउट गर्दै सस्तैमा आउट गर्दै यादगार पूनरागन गरेका थिए । जडेजा सामू अष्ट्रेलिया ब्याटिङ धरासयी भएको थियो ।

भारत पहिलो इनिङमा ४ सय रनमा अल आउट भयो । रविन्द्र जडेजाले तल्लोक्रममा १ सय ८५ बलमा ९ चौकासहित ७० रनको महत्वपूर्ण इनिङ खेलेका थिए । दोस्रो इनिङमा अष्ट्रेलियालाई ९१ रनमा अल आउट गर्न जडेजाले दुई विकेट लिएका थिए । जसमा विश्व टेस्ट क्रिकेटका नम्वर वान ब्याटर मार्नस लाबुसेनको विकेट सामेल थियो ।

जडेजा गत सेप्टेम्बरमा टि२० एसिया कपमा पाकिस्तानविरुद्ध खेलको क्रममा दायाँ खुट्टामा चोट लागेपछि शल्यक्रिया गर्नु परेको थियो । १४ वर्षदेखि भारतीय क्रिकेट टोलीबाट खेल्दै आएका जडेजा भारतका प्रमुख अलराउन्डर हुन् । जडेजाले अष्ट्रेलियामा अक्टोबर नोभेम्बरमा भएको टि२० विश्वकप गुमाएका थिए ।

जडेजा नहुँदा भारतको टोलीलाई ठूलो असर परेको थियो । जडेजाले दुई साताअघि रणजी ट्रर्फीमा सौराष्ट्रबाट तामिल नाडुविरुद्ध एकै इनिङमा ७ विकेट लिएपछि भारतीय टोलीमा मौका पाएका थिए ।

‘एकदमै राम्रो लागेकोछ । पाँच महिनापछि टोलीमा फर्केपछि आफ्नो शतप्रतिशत दिए । बलिङ र ब्याटिङ दुबैमा राम्रो गर्दा साँच्चै अद्धभुत अनुभव भएको छ । एनसिएमा कडा मिहिनेत गरेको थिए । एनसिएका कर्माचारी र फिजियोलाई धन्यावाद’, जडेजाले प्लेयर अफ द म्याच चुनिएपछि भने ।

जडेजाले पहिलो इनिङमा नियमविपरित अपिल गरेपछि उनलाई खेलको २५ प्रतिशत म्याच फि जरिवना लागेको छ । भारतलाई आइसिसी विश्व टेस्ट च्याम्पियनसिप २०२३ को फाइनल खेल्न कम्तिमा तीन खेल जित्नुपर्ने हुन्छ । अव बाँकी तीन मध्य दुई खेल जित्नुपर्ने हुन्छ ।

जडेजाको लय भारतलाई निर्णायक सावित हुनसक्छ । अष्ट्रेलियाको फाइनल यात्रा अनौपचारिक रुपमा मात्रै बाँकी छ । यदि भारतले तीन खेल जित्न नसकेको खण्डमा श्रीलंका र दक्षिण अफ्रिका मध्य एक टोली फाइनलमा पुग्ने समिकरण छ । भारत र अष्ट्रेलियाबीच दोस्रो खेल १७ फेब्रुअरी देखि दिल्लीमा सुरुहुनेछ ।

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

June 15, 2024

दीपेन्द्रले तेस्रो विकेट लिए

किङ्गसटाउन (हाम्रो खेलकुद)– नेपालले टि ट्वान्टी विश्व कपको आफ्नो तेस्रो खेलमा दक्षिण अफ्रिकाविरुद्ध कसिलो बलिङ निरन्तरता दिइरहेको छ । दीपेन्द्रसिंह ऐरीले व्यक्तिगत तेस्रो विकेट लिँदा दक्षिण अफ्रिकाले १७.३ ओभरमा ५ विकेटको क्षेतिमा ९७ रन बनाएको छ । दीपेन्द्रले डेभिड मिलरलाई ७ रनमा सन्दीप लामिछानेबाट क्याच गराएका थिए । त्यसअघि दीपेनद्रले सर्वाधिक ४३ रन बनाएका हेन्रिच […]

Success

Thank you for your time.