काठमाडौं (हाम्रो खेलकुद) – नेपाली क्रिकेट टोलीका तीव्र गतिका बलर तथा भ्यालेन्टाइन ब्वाई करण केसीले आइसिसी विश्वकप लिग-२ त्रिकोणात्मक ओडिआई सिरिजमा नामिबियाविरुद्ध कीर्तिमानी पाँच विकेट लिएका छन्।

करण ओडिआई क्रिकेटमा पाँच विकेट तीन पटक लिने नेपाली पहिलो खेलाडी बनेका छन् । करण केसीले इनिङको अन्तिम बलमा बेनार्ड शोल्टजलाई काउकर्नरमा रोहित पौडेलबाट क्याच गराउँदै कीर्तिमान कायम गरेका हुन् । करणले यसअघि गत जुनमा ओमानविरुद्ध दुबै खेलमा पाँच पाँच विकेट लिएका थिए ।

नेपालबाट करणपछि सन्दीप लामिछानेले ओडिआईमा पाँचमाथि दुई पटक लिएका छन् । सन्दीपले २०२० फेब्रुअरीमा कीर्तिपुर मैदानमै अमेरिकाविरुद्ध ६ विकेट लिएका थिए । सन्दीपले २०२१ सेप्टेम्बरमा पपुवा न्युगिनीविरुद्ध ६ विकेट लिएका थिए ।

सोमपाल कामी नेपालबाट ओडिआईमा पाँच विकेट लिने पहिलो खेलाडी हुन् । करणले २०१९ मा युएईविरुद्ध ५ विकेट लिएका थिए ।

फेब्रुअरी १४ लाई भ्यालेन्टाइन डे मानिन्छ । करणले २०१८ फेब्रुअरीमा १४ मा क्यानडाविरुद्ध करणले अविश्वसनीय जादुमय इनिङ खेल्दै ओडिआई मान्यता नजिक पुर्याएका थिए । त्यसैले करणलाई नेपाली भ्यालेन्टाइन ब्वाई भन्ने गरिन्छ।

टियु क्रिकेट मैदानमा टस हारेर पहिला ब्याटिङको निम्तो पाएको नामिबियाले निर्धारित ५० ओभरमा २ सय ८५ रनमा अल आउट भयो । नामिबियाका माइकल भान लिंगेनले १ सय ३७ बलमा ९ चौका र ५ छक्कासहित सर्वाधिक १ सय ३३ रनको कीर्तिमानी इनिङ खेलेपछि नेपालले विशाल लक्ष्य पाएको छ ।