default_image

1 year ago

February 14, 2023

नेपालको ऐतिहासिक जितमा बनेका ८ कीर्तिमान

97 views

0 Bookmark

काठमाडौं (हाम्रो खेलकुद) – नेपालले आइसिसी विश्वकप लिग–२ त्रिकोणात्मक ओडिआई सिरिज अन्तर्गत नामिबियामाथि दुई विकेटको ऐतिहासिक जित हात पारेको छ।

जितको लागि २ सय ८६ रनको विजयी लक्ष्य पछ्याएको घरेलु टोली नेपालले ४७.४ ओभरमा ८ विकेट गुमाउँदै पूरा गर्यो । जुन नेपालले ओडिआईमा पूरा गरेको उच्च योगफल हो । नेपालको जितमा ओपनर कुशल भुर्तेलले १ सय १३ बलमा १० चौका र ४ छक्कासहित १ सय १५ रनको सानदार शतकीय इनिङ खेले ।

कप्तान रोहित पौडेल ७६ बलमा ७ चौका र ३ छक्कासहित ७२ रनमा आउट भए । नामिबियाका रुबेन ट्रम्पलम्यान र जेन निकोलले ३-३ विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको नामिबियाले निर्धारित ५० ओभरमा २ सय ८५ रनमा अल आउट भएको थियो । नामिबियाका माइकल भान लिंगेनले १ सय ३७ बलमा ९ चौका र ५ छक्कासहित सर्वाधिक १ सय ३३ रनको कीर्तिमानी इनिङ खेलेपनि टोलीको हार भने टार्न सकेनन् ।

करण केसीले १० ओभरमा १ मेडन खर्चेर ६१ रन खर्चेर ५ विकेट लिए । सन्दीप लामिछानेले १० ओभरमा ६६ रन खर्चेर ३ विकेट लिए । नेपालले आफ्नो ओडिआई इतिहासकै उच्च योगफल पूरा गर्दा टियु मैदानमा कीर्तिमानको बर्षा भएका छन् । नेपाल र नामिबिया खेलमा बनेका प्रमुख ८ कीर्तिमान यस प्रकार छन्।

८.नेपालविरुद्ध लगातार दोस्रो शतक

माइकल नेपालविरुद्ध लगातार दोस्रो शतक हान्ने पहिलो विदेशी खेलाडी हुन् । उनले गत डिसेम्बरमा नेपालविरुद्ध १ सय २१ रनको शतकीय इनिङ खेलेका थिए । उनको ओडिआई करिअरको पनि दोस्रो लगातार शतक थियो ।

७.नेपालविरुद्ध विपक्षी ब्याटरको उच्च प्रदर्शन

माइकलले नेपालविरुद्ध १ सय ३३ रनको इनिङ खेले । ओडिआई इतिहासमा नेपालविरुद्ध विपक्षी ब्याटरले बनाएको यो उच्च योगफल थियो । यसअघि माइकलले नै गत डिसेम्बरमा घरेलु मैदानमा १ सय २१ रनको शतकीय इनिङ खेलेका थिए ।

माइकल अघि नेपालविरुद्ध २०२२ मा अमेरिकाका स्टिभ टेलरले १ सय १४, ओमानका जिशान मकसुदले १ सय ४ रन अविजित, अकिब इलायसले २०२० मा १ सय ९ रन अविजित, २०२१ मा जतिन्दर सिंहले १ सय ७ र मोनांक पटेलले १ सय रनको शतकीय इनिङ खेलेका थिए ।

६.रोहितको कीर्तिमानी एक हजार रन

नेपाललाई सानदार जित दिलाउन कप्तान रोहित पौडेलले ७२ रनको इनिङ खेले । सुरुवाती ५५ रनसँगै रोहित ओडिआईमा एक हजार रन पूरा गर्ने पहिलो नेपाली खेलाडी बने ।

२०१८ मा नेदरल्यान्ड्सविरुद्ध डेब्यू गरेका रोहितले ३३ खेलमा ६ अर्धशतकसहित कुल १ हजार १७ रन बनाएका छन् । रोहितपछि नेपालबाट ओडिआईमा सर्वाधिक रन खेलाडी ज्ञानेन्द्र मल्ल हुन् । ज्ञानेन्द्रले २७ खेलमा ६ अर्धशतकसहित ७ सय ३४ रन बनाएका छन् ।

५.करणको कीर्तिमानी पाँच विकेट

फेब्रुअरी १४ अर्थात करण केसी डे । भ्यालेन्टाइन ब्वाइ करण केसीले पुन सानदार प्रदर्शन गरे । करण नेपालबाट ओडिआई क्रिकेटमा तीन पटक पाँचमाथि विकेट लिने पहिलो खेलाडी बनेका छन् ।

करणले गतवर्ष ओमानविरुद्ध समान पाँच विकेट लिएका थिए । नेपालबाट ओडिआईमा करणपछि सन्दीप लामिछानेले दुई र सोमपाल कामीले एक पटक पाँच विकेट लिएका छन् ।

सन्दीपले २०२० मा अमेरिका र २०२१ मा पपुवा न्युगिनीविरुद्ध ६–६ विकेट लिएका थिए । सोमपाल कामीले २०१९ मा युएईविरुद्ध पाँच विकेट लिँदै यस सफलता हात पार्ने पहिलो नेपाली खेलाडी बनेका छन् ।

४. कुशलको कीर्तिमानी शतक

कुशल भुर्तेल ओपनिङ ब्याटिङ गर्दै ओडिआईमा शतक हान्ने पहिलो नेपाली खेलाडी बनेका छन् । ओडिआईमा यो नेपालको चौथो शतक हो । पारस खड्काले २०१९ मा युएईविरुद्ध १ सय ९ बलमा १ सय १५ रनको शतकीय इनिङ खेलेका थिए ।

गतवर्ष पपुवा न्युगिनीविरुद्ध टियु मैदानमा रोहित पौडेलले पहिलो खेलमा १ ससय २६ रन र दोस्रो खेलमा दीपेन्द्रले १ सय ५ रनको शतकीय इनिङ खेलेका थिए ।

पारसले तेस्रो, दीपेन्द्रले चौथो र रोहितले पाँचौं नम्बरमा ब्याटिङ गर्दै शतक हानेका थिए । कुशलअघि ओपनरको रुपमा उच्च प्रदर्शन आसिफ शेखको नाममा थियो । आसिफले २०२१ मा ओमानविरुद्ध ९० रन जोडेका थिए ।

३. उच्च साझेदारी

नेपाललाई जिताउन तेस्रो विकेटका लागि कुशल भुर्तेल र रोहित पौडेलले १ सय ३३ रनको महत्वपूर्ण शतकीय साझेदारी गरेका थिए । जुन ओडिआईमा नेपालबाट बनेको कुनैपनि विकेटको लागि उच्च साझेदारी थियो ।

यसअघि ओडिआईमा नेपालबाट उच्च साझेदारी गतवर्ष पपुवा न्युगिनीविरुद्ध दोस्रो ओडिआई खेलमा देव खनाल र दीपेन्द्रसिंह ऐरीले तेस्रो विकेटका लागि १ सय २९ रन थियो ।

२.ओडिआईमा नेपालको उच्च योगफल

नेपालले उक्त विजयी लक्ष्य पछ्याउनेक्रममा ८ विकेट गुमाउदै २ सय ८७ रन बनायो । जुन ओडिआईमा नेपालले बनाएको उच्च योगफल हो । यसअघि नेपालको ओडिआईमा उच्च योगफल २ सय ८६ रन थियो । उक्त योगफल नेपालले गतवर्ष टियु मैदानमै पपुवा न्युगिनीविरुद्ध २ सय ९३ रनको विजयी लक्ष्य पछ्याउनेक्रममा थियो ।

१.सर्वाधिक ठूलो लक्ष्य पूरा

नेपालले ओडिआईमा पूरा गरेको यो सर्वाधिक ठूलो योगफल हो । यसअघि नेपालले २०१९ मा युएईविरुद्ध तेस्रो ओडिआई खेलमा २ सय ५५ रनको विजयी लक्ष्य ४४.४ ओभरमा ६ विकेट गुमाउँदै पूरा गरेको थियो । उक्त खेलमा पारस खड्काले शतक हानेका थिए ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.