default_image

10 months ago

February 15, 2023

‘कुशलको शतक असाधरण’– कप्तान रोहित

काठमाडौं (हाम्रो खेलकुद) – नेपालका कप्तान रोहित पौडेलले आइसिसी विश्वकप लिग २ त्रिकोणात्मक ओडिआई सिरिज अन्तर्गत नामिबियाविरुद्ध कुशल भुर्तेलको शतक असाधरण भएको बताएका छन् । नामिबियामाथि ऐतिहासिक जितपछि बोल्दै कप्तान रोहितले उक्त प्रतिक्रिया दिएका हुन् । जितको लागि २ सय ८६ रनको विजयी लक्ष्य पछ्याएको घरेलु टोली नेपालले ४७.४ ओभरमा ८ विकेट गुमाउँदै पूरा गर्यो […]

74 views

0 Bookmark

काठमाडौं (हाम्रो खेलकुद) – नेपालका कप्तान रोहित पौडेलले आइसिसी विश्वकप लिग २ त्रिकोणात्मक ओडिआई सिरिज अन्तर्गत नामिबियाविरुद्ध कुशल भुर्तेलको शतक असाधरण भएको बताएका छन् । नामिबियामाथि ऐतिहासिक जितपछि बोल्दै कप्तान रोहितले उक्त प्रतिक्रिया दिएका हुन् ।

जितको लागि २ सय ८६ रनको विजयी लक्ष्य पछ्याएको घरेलु टोली नेपालले ४७.४ ओभरमा ८ विकेट गुमाउँदै पूरा गर्यो । जुन नेपालले ओडिआईमा पूरा गरेको उच्च योगफल हो । नेपालको जितमा ओपनर कुशल भुर्तेलले १ सय १३ बलमा १० चौका र ४ छक्कासहित १ सय १५ रनको सानदार शतकीय इनिङ खेले ।

नेपालबाट ओडिआईमा शतक हान्ने चौथो र पहिलो ओपनर हुन् । कप्तान रोहित पौडेल ७६ बलमा ७ चौका र ३ छक्कासहित ७२ रनमा आउट भए । नेपालले पूरा गरेको यो सर्वाधिक ठूलो योगफल हो । यसअघि ओडिआईमा पूरा गरेको सर्वाधिक उच्च योगफल २०१९ मा युएईविरुद्ध तेस्रो खेलमा २ सय ५५ रनको विजयी लक्ष्य ४४.४ ओभरमा ६ विकेट गुमाउँदै पूरा गरेको थियो । ओडिआईमा नेपालले पहिलो पटक नामिबियालाई हराएको थियो ।

‘आज इतिहास बनेको छ । यसअघि २ सय ८६ रन पूरा भएको थिएन । पहिलो पटक पूरा हुँदा सबैजना खुशी छौं’, जितपछि रोहितले भने । ‘मलाई लाग्छ वहाँदेखि अव यो मोमेन्ट अगाडि बढाउनुपर्छ । पहिलो खेलमा २ सय ८६ रन पूरा गर्नु भनेको अर्को खेलको लागि फाइदा हो । हामी त्यसै अनुसार खेल्छौं’, उनले भने ।

मुख्य प्रशिक्षक मोन्टी देशाई नेपाल आएको तीन हप्ता भएको छ । मोेन्टीले सुरुवातमै ब्याटिङ परिवर्तनको सम्भावना देखाएका छन् । मोन्टीले स्वतन्त्र रुपमा खेल्न सुझाव दिएको रोहित बताउँछन् ।

सरले हामीलाई स्वतन्त्र भएर खेल्न भन्नुहुन्छ । पहिलो इनिङपछि वहाँले कोहिपनि चिन्तित नहुनु । हामीले यो लक्ष्य पूरा गछौं भन्नु भएको थियो । अभ्यासमा पनि स्वतन्त्र रुपमा खेल्न दिनु भएको थियो । त्यसको नतिजा हो’, रोहितले भने ।

सुरुवाती ५५ रन बनाउँदा रोहित ओडिआईमा एक हजार रन बनाउने पहिलो ब्याटर नेपाली ब्याटर बनेका थिए । ‘यो कीर्तिमान बनाउँदा एकदमै खुशी छु । ब्याटिङ गर्दा एकदमै आत्माविश्वास अनुभव गरेको छु । पूरा प्रतियोगितामा त्यसलाई निरन्तरता दिन चाहन्छु । मेरो मानसिकता सोच त्यहिँ नै हो’, उनले भने । त्यसै रोहितले एक हजार रन बनाउनु गर्वको कुरा भएको बताए ।

करिअरको अन्तिम सम्म कति रन बनाउने लक्ष्य बनाएको छु । तर अहिले वहाँ भन्न मिल्दैन’, रोहितले हाँस्दै भने । २ सय ८६ रन विजयी लक्ष्य पूरा गर्नु नेपालको लागि कुनै सामान्य कुरा भने होईन । तर नेपालले टियुमा मंगलबार सानदार ब्याटिङ गर्दै पूरा गर्यो ।

गत नोभेम्बरमा प्रधानमन्त्री कप एकदिवसीय प्रतियोगितामाको सेमिफाइनलमा त्रिभुवन आर्मी क्लबले पुलिसले दिएको ३ सय ५ रनको विजयी लक्ष्य ४९.५ ओभरमा ८ विकेट गुमाउँदै पूरा गर्यो । आर्मीका रोहितले उक्त लक्ष्य पूरा गर्नेक्रममा ८९ रन बनाएका थिए । त्यो खेलको कारण लक्ष्य पूरा गर्नेमा विश्वास रहेको रोहित बताउँछन् ।

‘ठ्याक्कै इनिङ सकिएपछि मैले के भनेको थिए भने आर्मी र पुलिसको खेलमा ३ सय ५ रन पूरा गरेका थियौं हामीले । मैले त्यहिँ कुरा भनेको थिए । हामीले त्यतिबेला पूरा गर्न सकेका थियौं भने आजपनि सक्छौं भनेको थिए । त्यहिँ अनुसार पुरा गछौं भनेर कुरा भएको थियो’, उनले भने ।

नेपाललाई जिताउन तेस्रो विकेटको लागि कुशल भुर्तेल र रोहित पौडेलले १ सय ३३ रनको कीर्तिमानी साझेदारी गरेका थिए । जुन नेपालबाट ओडिआईमा बनेको उच्च साझेदारी थियो । ‘त्यति बेला मोमेन्टम लिएर जानुपर्ने थियो । त्यहिँ समयमा स्पिनर आएपछि मलाई सहज भयो । मैले मौका लिन्छु भनेर कुशलदाईले भने । कतिबेला जोखिम, सिंगल र डबल ल्याउने साझेदारीको समयमा कुरा भएको थियो । आज सबै कुरा हाम्रो क्लिक भयो’, कुशलसँगको साझेदारी बारे रोहितले भने ।

‘कुशलको शतक असाधरण (एक्ससेप्सनल) थियो । शतक हानेर पनि जिम्मेवारीरुपमा खेलि राख्नु भएको थियो । कुशलदाईले जुन हिसाबले मिहिनेत गर्नु भएको छ । मैले त पछिल्लो चार पाँच वर्षदेखि हेर्दै आएको छु । एकदमै मिहिनेत गर्नु भएको छ । त्यसैकै नतिजा हो । आज एकदमै राम्रो खेल्नु भयो’, कुशलको शतकबारे उनले भने ।

नेपाली भ्यालेन्टाइम ब्वाइ करण केसीले आज पनि राम्रो प्रदर्शन गरे । नामिबियालाई २ सय ८५ रनमा अल आउट गर्न करणले १० ओभरमा १ मेडनसहित ६१ रन खर्चेर ५ विकेट लिए । ओडिआईमा तीन पटक पाँच विकेट लिने करण नेपाली क्रिकेटका पहिलो खेलाडी हुन् । करणले ब्याटिङमा १२ बलमा १ चौका र २ छक्कासहित २० रनमा अविजित रहे । फेब्रुअरी १४ मा करणले पुन सानदार प्रदर्शन गरे ।

रोहितले फेब्रुअरी १४ लाई करण केसी दिवसको अवसरमा मनाउँदा हुने बताए । ‘फेब्रुअरी १४ लाई करण केसी दिवस मनाउनु पर्छ । एकदमै राम्रो गर्नु भयो । अव देखि फेब्रुअरी १४ मा सबै खेल गराउनु पर्छ’, हाँस्दै ठ्याट्यौली पारामा रोहितले जवाफ दिए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको नामिबियाले निर्धारित ५० ओभरमा २ सय ८५ रनमा अल आउट भएको थियो । नामिबियाका माइकल भान लिंगेनले १ सय ३७ बलमा ९ चौका र ५ छक्कासहित सर्वाधिक १ सय ३३ रनको कीर्तिमानी इनिङ खेलेपनि टोलीको हार भने टार्न सकेनन् ।

करण केसीले १० ओभरमा १ मेडन खर्चेर ६१ रन खर्चेर ५ विकेट लिए । सन्दीप लामिछानेले १० ओभरमा ६६ रन खर्चेर ३ विकेट लिए । नेपालले अव दोस्रो खेल शुक्रबार स्कटल्यान्डसँग खेल्नेछ । शनिबार नामिबिया र मंगलबार स्कटल्यान्डसँग खेल्नेछ ।

November 30, 2023

भारत तीन फरक कप्तानका साथ दक्षिण अफ्रिका जाने

एजेन्सी – भारतले दक्षिण अफ्रिका भ्रमणको लागि तीन फरक कप्तानीमा टोली घोषणा गरेको छ । भारतले दक्षिण अफ्रिकासँग डिसेम्बर १० देखी जनवरी ३ सम्म समान तीन टि२०, ओडिआई र दुई टेस्ट खेलको सिरिज खेल्नेछ । भारतले सूर्यकुमार यादवको कप्तानीमा टि२० टोली घोषणा गरेको छ । रविन्द्र जडेजा टि२० मा उपकप्तान छन् । तीव्र गतिका बलर […]

November 30, 2023

बागमती प्रदेशले महिला क्रिकेट छनोटको लागि २५ लाख दिने

काठमाडौं (हाम्रो खेलकुद) – प्रधानमन्त्री कप महिला टि२० छनोट अन्तर्गत प्रदेश छनोटका लागि बागमती प्रदेशले २५ लाख रुपैयाँ प्रदान गर्ने भएको छ । बागमती प्रदेश खेलकुद विकास परिषद् ले बागमती प्रदेश क्रिकेट संघसँगको सहकार्यमा प्रधानमन्त्री कप महिला क्रिकेट छनोट प्रतियोगिता आयोजना गर्दैछ । बिहीबार एक विज्ञप्ती जारी गर्दै प्रदेश खेलकुद विकास परिषद्, बागमतीले प्रदेशले प्रदेश […]

November 30, 2023

एपिएफलाई हराउँदै मधेश पहिलो पटक फाइनलमा

काठमाडौं (हाम्रो खेलकुद) – मधेश प्रदेशले केपी ओली टि२० कपको दोस्रो सेमिफाइनल खेलमा नेपाल एपिएफ क्लबलाई ११ रनले हराउँदै पहिलो पटक फाइनलमा पुगेको छ । मधेश पहिलो पटक फाइनलमा पुगेको हो । उपाधिको लागि मधेशले आर्मीसँग खेल्नेछ । जितको लागि १ सय ९८ रनको विशाल विजयी लक्ष्य पछ्याएको एपिएफले २० ओभरमा ९ विकेट गुमाउँदै १ […]

Success

Thank you for your time.