काठमाडौं (हाम्रो खेलकुद) – नामिबियाले आइसिसी विश्वकप लिग–२ त्रिकोणात्मक ओडिआई सिरिजमा स्कटल्यान्डलाई १ सय ५४ रनको सामान्य लक्ष्य दिएको छ । टियु क्रिकेट मैदानमा टस हारेर पहिला ब्याटिङको निम्तो पाएको नामिबियाले ३९.२ ओभरमा १ सय ५३ रनमा अल आउट भयो ।

नामिबियाका ओपनर लो ह्यान्डरे लरेन्सले ८८ बलमा ५ चौकासहित सर्वाधिक ५४ रन बनाए । लगातार किकेट गएपनि उनी एउटा एन्डबाट रन बनाएका थिए । लरेन्स शफ्यान शरिफको ३३ औं ओभरको अन्तिम बलमा सट लेगमा काइल कोट्जरबाट क्याच आउट भएका थिए ।

स्पिनर मार्क वाट्ले ओपनर कार्ल ब्रिकेनस्टकलाई छैटौं ओभरको दोस्रो बलमा ४ रनमा विकेटकिपर म्याथ्यु क्रसबाट क्याच गराए । तीव्र गतिका बलर शफ्यान शरिफले ११ औं ओभरको पाँचौं बलमा माइकल भान लिंगेनलाई ४ रनमा बोल्ड गरे । लिंगेनले नेपालविरुद्ध १ सय ३३ रनको सानदार शतकीय इनिङ खेलेका थिए ।

लगत्तै अर्को बलमा कप्तान जेरार्ड इरास्मस गोल्ड्न डक एलबीडब्लू आउट भए । १३ औं ओभरको पहिलो बलमा ह्याट्रिक बलमा शरिफले नो बल फ्याँदै चौका खर्चिएका थिए । लगत्तै अर्को बलमा बोल्ड गरेपनि त्यो नो बल हुँदा फ्रिट थियो ।

मार्क वाट्ले जेन निकोललाई शून्यमा बोल्ड गरेपछि नामिबिया ११.४ ओभरमा ३०–४ को दयनीय अवस्थामा पुगेको थियो । पाँचौं विकेटका लागि शरिफ र जेन ग्रीनले ४९ रनको साझेदारी गर्दै इनिङ अघि बढाएका थिए । सातौं विकेटका लागि लरेन्स र पिक्की या फ्रान्सले १६ रनको साझेदारी गरेका थिए ।

बेनार्ड स्कोल्ज ३९ बलमा ३ चौका र १ छक्कासहित ३० रनमा आउट भए । स्कटल्यान्ड माइकल लिस्कले ८.२ ओभरमा १ मेडनसहित २४ रन खर्चेर ४ विकेट लिए । शफ्यान शरिफले ८ ओभरमा २ मेडनसहित २९ रन खर्चेर ३ विकेट लिए । मार्क वाट्ले ९ ओभरमा १ मेडनसहित ३० रन खर्चेर ३ विकेट लिए ।