default_image

1 year ago

February 17, 2023

नेपाललाई पहिलो सफलता

161 views

0 Bookmark

काठमाडौं (हाम्रो खेलकुद) – नेपालले आइसिसी विश्वकप लिग–२ त्रिकोणात्मक ओडिआई सिरिज अन्तर्गत स्कटल्यान्डविरुद्ध पहिलो सफलता हात पारेको छ । टियु क्रिकेट मैदानमा टस हारेर पहिला ब्याटिङ थालेको स्कटल्यान्डले सुरुवाती ८ ओभरमा १ विकेट गुमाउँदै ३८ रन बनाएको छ ।

स्कटल्यान्डका ओपनर कप्तान रिची बेरिंग्टन र क्रिसटोफेर म्याकबड्रीले पहिलो विकेटका लागि ७.४ ओभरमा ३४ रनको साझेदारी गरेका थिए । स्पिनर कुशल मल्लले आफ्नो पहिलो ओभरमै नेपाललाई सफलता दिलाएका छन् । टियु एण्डबाट आएका स्पिनर कुशल मल्लले आठौं ओभरको चौथो बलमा कप्तान रिची बेरिंग्टनलाई १९ रनमा कट एण्ड बोल्ड आउट गरे ।

बेरिंग्टनले २५ बलमा २ चौका प्रहार गरे । क्रिजमा टम्स म्याकिन्टस रनमा क्रिजमा छन् । टमले पहिलो बलमै कुशललाई चौका प्रहार गर्दै ओडिआई सुरुवात गरेका छन् । स्कटल्यान्डले १७ औं बलमा खाता खोलेको थियो । सुरुवाती दुई ओभर मेडन राखेको नेपालले तेस्रो ओभरको सुरुवाती चार बलमा कुनै रन दिएको थिएन ।

स्कटल्यान्डले टोलीमा तीन परिवर्तन गरेको छ । स्कटल्यान्डले नामिबियाविरुद्ध ६१ बलमा १२ चौका र ७ छक्कासहित १ सय ३ रनको सानदार शतकीय इनिङ खेलेका जर्ज मुन्शेसहित प्रमुख तीन खेलाडीलाई नै बेन्चमा छन् । मुन्शे, काइल कोट्जर र तीव्र गतिका बलर शफ्यान शरिफ बेन्चमा छन् ।

प्रमुख ओपनर बेन्चमा राख्दा दुई खेलाडीलाई डेब्यू दिएको छ । ज्याक जर्विस र टम म्याकिन्टोसलाई डेब्यू दिएको छ । स्कटल्यान्ड तीन खेल अगाडिनै च्याम्पियन बन्दै यसै वर्ष हुने ग्लोबल छनोटमा सोझैं छनोट भएको छ । स्कटल्यान्ड ३३ खेलमा २३ मा जित र ८ मा हारसहित ४८ अंकका साथ शीर्ष स्थानमा छ ।

उपाधि जितेपछि नयाँ खेलाडीलाई स्कटल्यान्डले मौका दिएको छ । स्कटल्यान्डले लिग २ मा अव तीन खेल खेल्न बाँकी छ । दुई खेल नेपाल र एक नामिबियासँग छ । नेपाल २५ खेलमा ९ मा जित र १४ मा हारसहित २० अंकका साथ छैटौं स्थानमा छ ।

नेपालको प्लेइङ ११ :

आसिफ शेख, कुशल भुर्तेल, ज्ञानेन्द्र मल्ल, रोहित पौडेल (कप्तान), सन्दीप जोरा, दीपेन्द्रसिंह ऐरी, कुशल मल्ल, सोमपाल कामी, गुलशन झा, करण केसी र सन्दीप लामिछाने ।

स्कटल्यान्डको प्लेइङ ११ :

रिची बेरिंगटन (कप्तान), म्याट क्रस, क्रिस ग्रेभ्ब्स, ज्याक जार्विस, माइकल लिस्क, टम म्याकिन्टोस, क्रिस म्याकब्राइड, ब्रेन्डन म्याकुलम, क्रिस सोले, हम्जा ताहिर, मार्क वाट ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.