default_image

1 year ago

February 19, 2023

‘टिमको वातावरण राम्रो हुँदा ठूलो लक्ष्य पूरा गरेका छौं’– आसिफ

146 views

0 Bookmark

काठमाडौं (हाम्रो खेलकुद) – युवा ओपनर आसिफ शेखले नेपालको टिमको वातावरण राम्रो हुँदा ठूला लक्ष्य पूरा गरेको बताएका छन् । आइसिसी विश्वकप लिग–२ त्रिकोणात्मक ओडिआई सिरिजमा नामिबियालाई तीन विकेटले हराएपछि आसिफले उक्त प्रतिक्रिया दिएका हुन् ।

जितको लागि २ सय ७५ रनको विजयी लक्ष्य पछ्याएको नेपालले ४७.३ ओभरमा ७ विकेट गुमाउँदै पूरा गर्यो । नेपालको जितमा आसिफ शेखले ८१ र ज्ञानेन्द्र मल्लले ६५ रनको योगदान दिए । नेपालले तीनै खेलमा सानदार ब्याटिङका साथ उत्कृष्ट जित हात पारेको छ ।

नेपालले पहिलो खेलमा नामिबियाविरुद्ध २ सय ८६ रनको विजयी लक्ष्य ८ विकेट गुमाउँदै पूरा गरेको थियो । जुन ओडिआईमा पूरा गरेको उच्च योगफल थियो । स्कटल्यान्डले दिएको २ सय ७५ रनको लक्ष्य नेपालले ७ विकेट गुमाउँदै पूरा गरेको थियो।

‘जितपछि एकदमै खुशी लागेको छ । टिमको वातावरण पनि एकदमै राम्रो छ । त्यसले गर्दा पनि हामीले ठूलो लक्ष्य पूरा गरेका छौं । फरक खेलमा फरक खेलाडीले योगदान दिएको हुन्छ । फरक खेलमा नयाँ हिरो आइरहँदा टिममा पनि आत्माविश्वास बढेको छ’, आसिफ शेखले भने ।

आसिफ सुरुवाती दुई खेलमा भने डक र ९ रनमा आउट भएका थिए । आसिफ शेखले क्रिकेट सधैं दबाबको खेल हुने बताउँछन् । ‘क्रिकेट आफैंमा एउटा दबाबवाला खेल हो । त्यो दबाबलाई सम्हाल्लेर नै खेल्नुपर्छ । सुरुवाती दुई खेलमा रन बनेको थिएन । कसरी टोलीलाई योगदान दिनसक्छु त्यो सोचि राखेको थिए । भाग्यले आज योगदान दिए’, आसिफले भने ।

दोस्रो विकेटका लागि ज्ञानेन्द्र मल्ल र आसिफ शेखले १ सय ३९ रनको साझेदारी गरेका थिए । जुन ओडिआईमा नेपालबाट कुनैपनि विकेटका लागि बनेको उच्च साझेदारी थियो । आसिफ र ज्ञानेन्द्रले यसअघि गत नोभेम्बरमा युएईविरुद्ध १ सय २२ रनको शतकीय साझेदारी गरेका थिए ।

२०२१ मा ओमानविरुद्ध ९५ रनको साझेदारी गरेका थिए । नेपालबाट ज्ञानेन्द्रले ७ र आसिफले ६ ओडिआई अर्धशतक प्रहार गरेका छन् । यी दुई जोडीको साझेदारी जम्दै आएको छ ।

‘दाईसँग खेल्दा एकदमै खुशी लाग्छ । जुन समयमा मैले रन बनाउन संघर्ष गरेको हुन्छु दाईले त्यो दबाब हटाइदिनुहुन्छ । सिंगल रन पनि सजिलै आउँछ । गाह्रो भएमा दाइसँग कुरापनि हुन्छ । दाईसँग ब्याटिङ गर्दा एकदमै राम्रो लाग्छ । म सकाएर जान्छु र शतक पनि हुन्छ भनेर खेलेको थिए । तर त्यो हुन सकेन’, आसिफले भने ।

‘नेपालमा खेल्दा नेपाली दर्शकको महत्व हामीलाई थाहा छ । नेपाली समर्थकले गर्दा आत्माविश्वास आउँछ । नेपाली समर्थकको अगाडि प्रदर्शन गर्दा एकदमै खुशी लाग्छ’, उनले भने ।

आसिफ गतवर्ष ओमान भ्रमणमा घरेलु टोलीविरुद्ध ९० मा पुगेर आउट भएका थिए । नेपालका लागि ६ ओडिआई अर्धशतक हानेका आसिफले तीन पटक ८० माथिको रन बनाएका छन् । नामिबियाविरुद्ध पनि आसिफलाई शतक बनाउने राम्रो अवसर थियो । तर ८१ रनमा आउट हुन पुगे ।

शतकको उत्तर आफुपनि भेटाउन नसकेको आसिफ बताउँछन् । ‘शतक किन आउन सकेको छैन यसको उत्तर मैले पनि भेट्टाउन सकेको छैन । खेल हुँदा खेलको आवश्यकता अनुसार खेल्नुपर्ने हुन्छ । आज शतकको लागि समय थियो । तर दुर्भाग्य मैले पूरा गर्न सकिन’, उनले भने ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.