default_image

1 year ago

February 19, 2023

अष्ट्रेलियालाई हराउँदै भारत फाइनल नजिक

130 views

0 Bookmark

एजेन्सी – स्पिनर रविन्द्र जडेजाको घातक बलिङसँगै भारतले अष्ट्रेलियालाई ६ विकेटले पराजित गर्दै आइसिसी विश्व टेस्ट च्याम्पियनसिप २०२३ को फाइनल नजिक पुगेको छ। चार टेस्ट खेलको सिरिजमा भारतले २-० को अग्रता लिएकोछ ।

जितको लागि १ सय १५ रनको विजयी लक्ष्य पछ्याएको भारतले २६.४ ओभरमा ४ विकेट गुमाउँदै पूरा गर्यो । भारतको जितमा चेतेश्वर पुजारा ७४ बलमा ४ चौकासहित सर्वाधिक ३१ रनमा अविजित रहे । कप्तान रोहित शर्मा २० बलमा ३ चौका र २ छक्कासहित ३१ रनमा आउट भए ।

ओपनर लोकेश राहुल १, विराट कोहली २० र श्रेयस ऐर १२ रनमा आउट भए । केएस भरत २३ बलमा ३ चौका र १ छक्कासहित २३ रनमा अविजित रहे । अष्ट्रेलियाका नाथन लायनले दुई र टोड मर्फीले एक विकेट लिए ।

त्यसअघि तेस्रो दिन पहिलो सेसनमा अष्ट्रेलिया ३१.१ ओभरमा १ सय १३ रनमा अल आउट भएको थियो । अष्ट्रेलियाका ट्रविस हेडले ४६ बलमा ६ चौका र १ छक्कासहित सर्वाधिक ४३ रन बनाए । मार्नस लाबुसेनले ५० बलमा ५ चौकासहित ३५ रन बनाए । तेस्रो दिन ६५–१ को अवस्थाबाट सुरु गरेको अष्ट्रेलियाले हेडलाई पहिलो ओभरमै गुमाएको थियो । स्टिभ स्मिथ ९ रनमा आश्विनको बलमा एलबीडब्लू आउट भएका थिए ।

मार्नस लाबुसेन आउट हुनुअघि अष्ट्रेलिया ९५–३ को बलियो अवस्थामा थियो । तर लगातार खराब सट खल्दै ९५–७ को दयनीय अवस्थामा पुगेको थियो । अष्ट्रेलियाका सबै ब्याटर रिभरस्वीप र स्विप सट खेल्ने धुनमा आउट भएका थिए ।

विश्वको नम्बर वान टेस्ट टोली अष्ट्रेलियाले लज्जास्पद ब्याटिङ गर्नेक्रममा ९ खेलाडीले दोहोरो अंकमा रन बनाउन सकेनन् । भारतका रविन्द्र जडेजाले १२.१ ओभरमा १ मेडनसहित ४२ रन खर्चेर ७ विकेट लिएका थिए । जुन जडेजाको यो टेस्ट करिअरको उत्कृष्ट प्रदर्शन थियो । यसअघि जडेजाको उच्च प्रदर्शन २०१६ मा चेन्नईमा इंग्ल्यान्डविरुद्ध ७–४८ रन थियो । रविचन्द्रन आश्विनले तीन विकेट लिए ।

त्यसअघि घरेलु टोली भारत पहिलो इनिङमा २ सय ६२ रनमा अल आउट भएको थियो । भारत मात्रै एक रनले पहिलो इनिङमा पछि परेको थियो । भारतका अक्षर पटेलले १ सय १५ बलमा ९ चौका र ३ छक्कासहित सर्वाधिक ७४ रनको योगदान दिए । एक समय भारत १३९–७ को दयनीय अवस्थामा पुगेको थियो ।

आठौं विकेटका लागि रविचन्द्रन आश्विन र अक्षर पटेलले १ सय १४ रनको सानदार शतकीय साझेदारी गर्दै भारतलाई विशाल अग्रताले पछि पर्नबाट जोगाएका थिए । आश्विनले ७१ बलमा ५ चौकासहित ३७ रनमा आउट भए ।

आफ्नो टेस्ट करिअरको एक सय टेस्ट खेल खेलेका चेतेश्वर पुजारा भने नाथन लायनको बलमा शून्यमा आउट भए। कप्तान रोहित शर्मा लायनको बलमा ३२ रनमा बोल्ड आउट भएका थिए । लोकेश राहुल १७ र श्रेयस ऐर ४ रनमा आउट भए । विराट कोहली ८४ बलमा ४ चौकासहित ४४ रनमा एलबीडब्लू आउट भए ।

डेब्यू खेल खेलेका स्पिनर म्याथ्यु कुहनेमानले कोहलीलाई एलबीडब्लू आउट गरेका थिए । रविन्द्र जडेजा २६ र केएस भरत ६ रनमा आउट भए । अष्ट्रेलियाका नाथन लायनले सर्वाधिक पाँच विकेट लिए । टोड मर्फी र म्याथ्यु कुहनेमानले दुई दुई विकेट लिए।

त्यसअघि दिल्लीको फिरोेज शाह कोटला स्टेडियममा टस जितेर पहिला ब्याटिङ रोेजेको अष्ट्रेलिया पहिलो इनिङमा २ सय ६३ रनमा अल आउट भएको थियो । अष्ट्रेलियाका ओपनर उस्मान खवाजाले १ सय २५ बलमा १२ चौका र १ छक्कासहित सर्वाधिक ८१ रन बनाएका थिए । तल्लोक्रमका ब्याटर पिटर ह्यान्ड्सकम्ब १ सय ४२ बलमा ९ चौकासहित ७२ रनमा अविजित रहेका थिए ।

ओपनर डेविड वार्नर १५, मार्नस लाबुसेन १८, स्टिभ स्मिथ डक, ट्रविस हेड १२ र एलेक्स केरी डक आउट भएका थिए । कप्तान प्याट कमिन्सले ५९ बलमा ३ चौका र २ छक्कासहित ३३ रन जोडेका थिए ।

भारतका मोहम्मद शामीले सर्वाधिक चार विकेट लिए । रविचन्द्रन आश्विन र रविन्द्र जडेजाले तीन तीन विकेट लिए । भारत र अष्ट्रेलियाबीचको तेस्रो खेल मार्च १ देखि सुरु हुनेछ । भारत अव दुई मध्य एक खेलमा विजयी हुँदा फाइनलमा पुग्नेछ ।

अष्ट्रेलिया १७ खेलमा १० मा जित र ४ मा हारसहित ६६.६७ जित प्रतिशतका साथ शीर्ष स्थानमा छ । अष्ट्रेलिया एक खेलमा विजयी हुँदा फाइनलमा पुग्नेछ । यदि अष्ट्रेलिया चारै खेलमा पराजित भएमा भने उता न्युजिल्यान्डले श्रीलंकालाई २(० ले हराउनु पर्ने हुन्छ ।

भारत १६ खेलमा १० मा जित र ४ मा हारसहित ६४.०६ जित प्रतिशतका दोस्रो स्थानमा छ । भारतको जितले भने दक्षिण अफ्रिका फाइनल पुग्ने दौडबाट बाहिरिएको छ । दक्षिण अफ्रिका १३ खेलमा ६ मा जित र ६ मा हारसहित ४८.७२ विजयी प्रतिशतका साथ चौथो स्थानमा छ । श्रीलंका १० खेलमा ५ मा जित र ४ मा हारसहित ५३.३३ विजयी प्रतिशतका साथ तेस्रो स्थानमा छ ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.