1 year ago
February 20, 2023
काठमाडौं (हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा स्कटल्यान्डका युवा अलराउन्डर ज्याक जार्विसले नेपालविरुद्धको खेल गुमाउने भएका छन् । १९ वर्षीय युवा अलराउन्डर ज्याक जार्विसले नेपालविरुद्धको खेलमा डेब्यू गरेका थिए ।
तर उनी नेपालसँगको खेलमानै घाइते भएका थिए । जार्विसको खुट्टाको एंकलमा चोटपछि नेपालसँगको खेल गुमाउने बुझिएको छ । स्कटल्यान्डले उनलाई नामिबियाविरुद्ध खेलमा पनि बेन्चमा राखेको छ । चोटका कारण नेपालसँगको खेल गुमाउने स्कटल्यान्डका उनी दोस्रो खेलाडी हुन् । तीव्र गतिका बलर क्रिस सोल यस अघिनै बाहिरी सकेका छन्।
जार्विसले नेपालविरुद्ध २६ रन बनाएका थिए । एक समय १११–६ को दयनीय अवस्थामा पुगेको स्कटल्यान्डलाई २ सय ७४ रनमा पुर्याउन जार्विसले माइकल लिस्कसँग सातौ विकेटका लागि ८१ रनको साझेदारी गरेका थिए । उनले बलिङमा ४ ओभरमा ३२ रन खर्चेका थिए ।
नेपालसँगको खेलसँगै स्कटल्यान्डको आइसिसी विश्वकप लिग–२ यात्रा सकिनेछ । स्कटल्यान्ड ३४ खेलमा २३ मा जित र ९ मा हारसहित ४८ अंकका साथ च्याम्पियन हुँदै आगमी जुन जुलाईमा जिम्बावेमा हुने एकदिवसीय विश्वकप छनोटमा सोझै स्थान बनाएको छ।
स्कटल्यान्डलाई नेपालसँगको खेल प्रतिष्ठाको लडाई मात्रै हुनेछ । ओमान ३६ खेलमा २१ मा जित र १३ मा हारसहित ४४ अंक जोड्दै शीर्ष तीनमा रहँदै सोझै विश्वकप छनोटमा स्थान बनाएको छ । नेपाल भने २७ खेलमा ११ मा जित र १४ मा हारसहित २४ अंक जोड्दै छैटौं स्थानमा छ। नेपाल शीर्ष तीनमा पर्न बाँकी सबै खेल जित्नुपर्ने हुन्छ । शीर्ष पाँचमा रहँदै ओडिआई मान्यता जोगाउन बाँकी ६ खेल जित्नुपर्ने हुन्छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]