default_image

1 year ago

February 20, 2023

हारका बाबजुद ट्रम्पलम्यान बने प्लेयर अफ द म्याच

151 views

0 Bookmark

काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा नामिबियाका तीव्र गतिका बलर रुबेन ट्रम्पलम्यान स्कटल्यान्डविरुद्ध हारको बाबजुद प्लेयर अफ द म्याच चुनिएका छन् । कमजोर ब्याटिङका कारण नामिबिया नेपाल भ्रमणमा अन्तिम खेलमा स्कटल्यान्डसँग ४३ रनले पराजित हुन पुग्यो ।

तर खेलपछि ट्रम्पलम्यान खेलको प्लेयर अफ द म्याच घोषित भएका थिए । नेपाल, नामिबिया र स्कटल्यान्डबीचको जारी त्रिकोणात्मक ओडिआई खेलमा हारको बाबजुद प्लेयर अफ द म्याच चुनिने ट्रम्पलम्यान पहिलो खेलाडी हुन् ।

टियु क्रिकेट मैदानमा टस हारेर पहिला ब्याटिङको निम्तो पाएको स्कटल्यान्ड ४८.४ ओभरमा २ सय २१ रनमा अल आउट भएको थियो । च्याम्पियन स्कटल्यान्डलाई मध्यम योगफलमा रोक्न रुबेन ट्रम्पलम्यानले ९.४ ओभरमा ३० रन खर्चेर ५ विकेट लिएका थिए ।

ओडिआईमा दोस्रो पटक पाँच विकेट लिएका ट्रम्पलम्यानको यो ओडिआई करिअरको उच्च प्रदर्शन थियो । तर जितको लागि २ सय २२ रनको विजयी लक्ष्य पछ्याएको नामिबिया ३८.४ ओभरमा १ सय ७८ रनमा अल आउट हुन पुगेको थियो । नामिबियाले पहिलो आइसिसी विश्वकप लिग–२ मा चारै खेल हार्न पुगेको थियो । नामिबिया स्कटल्यान्डसँग पहिलो खेलमा १० विकेटले पराजित भएको थियो । नेपालसँग भने दुई र तीन विकेटले हारेको थियो ।

नामिबियाका ओपनर लो ह्यान्डरे लरेन्सले ६७ बलमा ६ चौकासहित सर्वाधिक ५२ रनको योगदान दिए । एक समय नामिबिया १२४-३ को अवस्थामा थियो । कप्तान जेरार्ड इरास्मस मार्क वाटको बलमा ४३ रनमा क्याच आउट भएपछि नामिबियाले लगातार विकेट गुमाएको थियो । गेरार्डले ३८ बलमा ४ चौका र २ छक्का प्रहार गरे । इरास्मसको विकेटपनि लगातार विकेट गुमाउँदै हार्न पुगेको थियो ।

नामिबिया ३४ खेलमा १८ मा जित र १५ मा हारसहित ३७ अंकका साथ तेस्रो स्थानमा छ । नेपाल भ्रमणमा चार हारले शीर्ष तीनमा पर्दै सोझै विश्वकप छनोट खेल्ने सम्भावना निकै कठिन बनेको छ । नामिबियाले अव आफ्नो अन्तिम दुई खेल युएईसँग २३ र २५ फेब्रुअरीमा खेल्नेछ ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.