काठमाडौं (हाम्रो खेलकुद) – स्कटल्यान्डका बायाँ हाते ओपनर जर्ज मुन्शेले आइसिसी विश्वकप लिग–२ त्रिकोणात्मक ओडिआई सिरिजमा नेपालविरुद्ध आक्रामक अर्धशतक प्रहार गर्दै आउट भएका छन् । टियु क्रिकेट मैदानमा टस हारेर पहिला ब्याटिङको निम्तो पाएको स्कटल्यान्डले १४ ओभरमा ३ विकेट गुमाउँदै ८९ रन बनाएको छ।

स्कटल्यान्डका ओपनर जर्ज मुन्शे ५० बमा ९ चौका र २ छक्कासहित ६० रनमा सन्दीप लामिछानेको बलमा बोल्ड भए । १४ औं ओभरको पाँचौं बलमा सन्दीपलाई लगातार तीन चौका हान्नेक्रममा बोल्ड भएका थिए । सन्दीपले लगत्तै अर्को बलमा कप्तान रिची बेरिंगटनलाई एलबीडब्लू आउट गर्दै शून्यमा पेभेलिएन फर्काएका छन् ।

मुन्शेले ४६ बलमा आफ्नो ओडिआई करिअरको ११ औं अर्धशतक हानेका थिए । मुन्शेले पहिलो खेलमा नामिबियाविरुद्ध ६१ बलमा १ सय ३ रनको शतकीय इनिङ खेलेका थिए । त्यसपछि मुन्शेलाई स्कटल्यान्डले विश्राम दिएको थियो । मुन्शेको आज ३० औं जन्मदिन समेत हो ।

पहिलो विकेटका लागि ओपनर जर्ज मुन्शे र काइल कोट्जरले ७.५ ओभरमा ४२ रनको साझेदारी गरेका थिए । स्पिनर सन्दीप लामिछानेले टियु एण्डबाट बलिङ गर्दै कोट्जरलाई २२ रनमा एलबीडब्लू आउट गर्दै नेपाललाई पहिलो सफलता दिलाए ।

सन्दीपको सामना गरेको पहिलो बलमै कोट्जर रिभरस्वीप खेल्ने धुनमा आउट भएका थिए । त्यसअघि लगातार दुई चौका हान्दै एक रन लिएर मुन्शेले स्ट्राइक दिएका थिए । कोट्जरले २३ बलमा ४ चौका हाने ।