काठमाडौं (हाम्रो खेलकुद) – नेपालका कप्तान रोहित पौडेलले आइसिसी विश्वकप लिग–२ त्रिकोणात्मक ओडिआई सिरिजमा स्कटल्यान्डले दिएको मध्यम विजयी लक्ष्य पछ्याउनेक्रममा अर्धशतक पूरा गरेका छन् । रोहितले ५४ बलमा ४ चौका र २ छक्कासहित अर्धशतक पूरा गरेका छन् ।

जितको लागि २ सय १३ रनको विजयी लक्ष्य पछ्याएको नेपालले २९.१ ओभरमा ७ विकेट गुमाउँदै १ सय २६ रन बनाएको छ । रोहित ५४ र सन्दीप लामिछाने २ रनमा क्रिजमा छन् । रोहितको ओडिआई करिअरको सातौं अर्धशतक हो । उनलाई सन्दीप लामिछानेले रनमा साथ दिएका छन् । अव ब्याटिङमा आउन करण केसी र ललितनारायण राजवंशी बाँकी छन् ।

यसअघिका तीन खेलमा सानदार ब्याटिङ गरेपनि स्कटल्यान्डविरुद्ध नेपालले सुरुवात देखिनै खराब प्रदर्शन गरेको छ । नेपालले दोस्रो ओभरमै ओपनर कुशल भुर्तेलाई एक रनमा गुमाएको थियो ।

स्पिनर मार्क वाटको दोस्रो ओभरको पहिलो बलमै कुशल एलबीडब्लू आउट भएका थिए । तीव्र गतिका बलर ब्रेन्डन म्याकमलनको बलमा आसिफ शखे १२ रनमा काइल कोट्जरबाट क्याच आउट भए । आसिफले २३ बलमा १ चौका हाने ।

स्पिनर मार्क वाटले अनभुवी ब्याटर ज्ञानेन्द्र मल्ललाई २१ रनमा एलबीडब्लू आउट गरे । ज्ञानेन्द्रले ३० बलमा ४ चौका हाने । त्यो समय नेपाल १०.३ ओभरमा ३४–३ को अवस्थामा पुगेको थियो । स्पिनर क्रिस ग्रेभ्सले कुशल मल्ललाई १७ रनमा बोल्ड आउट गरे ।

छैटौं विकेटका लागि दीपेन्द्र र रोहितले ४४ रनको साझेदारी गरेका थिए । दीपेन्द्र ग्रेभ्सकै बलमा ७ रनमा बोल्ड आउट भए । मार्क वाटले सोमपाललाई २ रनमा आउट गरेपछि नेपाल संकटमा पुगेको छ ।

त्यसअघि टयु क्रिकेट मैदानमा टस हारेर पहिला ब्याटिङको निम्तो पाएको स्कटल्यान्ड ४६.१ ओभरमा २ सय १२ रनमा अल आउट भएको थियो । स्कटल्यान्डका ओपनर जर्ज मुन्शे ५० बमा ९ चौका र २ छक्कासहित सर्वाधिक ६० रनमा आउट भए ।

नेपालका सन्दीप लामिछानले १० ओभरमा ४५ रन खर्चेर ४ विकेट लिए । करण केसीले ८.१ ओभरमा ४२ रन खर्चेर ३ विकेट लिए । नेपालले पहिलो खेलमा स्कटल्यान्डलाई तीन विकेटले हराएको थियो । नेपाल पहिलो पटक चार खेलमा चार नै जित्ने सोचमा छ ।