एजेन्सी – भारतीय घरेलु क्रिकेटमा राम्रो गर्न नसकेपछि आक्रामक ओपनर अंशुमन रथ हङकङको टोलीमै पुनः फर्किएका छन् । यसै साता हङकङले चार देश सम्मिलित टि२० आई सिरिजको उपाधि जित्दा अंशुमन रथले महत्वपूर्ण प्रदर्शन गरे ।

उनले हङकङबाट पूनरागमन गर्दै बहराइनविरुद्ध २१, कुवेतविरुद्ध ५७ र मलेसियाविरुद्ध ४९ रनको इनिङ खेलेका थिए । रथ २०१८ पछि हङकङ छाडेर भारत लागेका थिए । २०१८ को एसिया कपमा सानदार प्रदर्शनपछि उनले घरेलु क्रिकेट खेल्दै भारतीय टोलीबाट खेल्ने सपना देखेर हङकङ छाडेका थिए ।

तर घरेलु क्रिकेटमा कमजोर प्रदर्शन पछि त्यो सपना पूरा हुन सकेन । त्यसपछि उनी पुन हङकङमै फर्किएका छन् । रथले भारतविरुद्ध २०१८ को एसिया कपमा ७३ रनको उत्कृष्ट प्रदर्शन गरेका थिए ।

जितको लागि २ सय ८६ रनको विजयी लक्ष्य पछ्याउँदा हङकङलाई निजाकत खान र अंशुमन रथले पहिलो विकेटको लागि ३४.१ ओभरमा १ सय ७४ रनको सानदार शतकीय साझेदारीको साथ ऐतिहासिक जिततर्फ अघि बढाएका थिए । तर त्यसपछि लगातार विकेट गुम्दा २६ रनले पराजित भएको थियो ।

त्यसपछि बाबर हायत केहि समय अन्तरिक कारण हङकङको टोलीमा खेलेनन् । कप्तान समेत रहेका अंशुमन रथ भारत लागेका थिए । परिवार भारतमा हुँदा उनी घरेलु क्रिकेट हुँदै आइपिएलमा राम्रो गर्दै भारतीय टोलीबाट ओडिआई र टेस्ट खेल्ने सपना देखेको हुँदा हङकङ छाडेको बताएका थिए ।

भारतमा उडिसाबाट घरेलु क्रिकेट खेलेका उनको प्रदर्शन राम्रो हुन सकेन । यस सिजनको रणजी ट्रफीमा उनले ३ खेलमा १ सय ५८ रन बनाएका थिए । गत सिजन एक खेल मात्रै खेल्ने मौका पाएका थिए । यस सिजनको भारतको ५० ओभरको घरेलु क्रिकेट विजय हजारे ट्रफीमा उनले ६ खेलमा २ अर्धशतकसहित कुल १ सय ७१ रन मात्रै बनाए ।

भारतको टि२० घरेलु प्रतियोगिता सैद मुश्ताक अली ट्रफीमा ६ खेलमा ४२ रन बनाएका थिए । घरेलु क्रिकेटमै अपेक्षा अनुसार खेल्न नसकेपछि उनी हङकङ फर्किने निर्णय लिएका हुन् ।

१४ वर्षको उमेरमा हङकङ गएका थिए । उनको परिवार भने इंग्ल्यान्डमा थियो । रथले इंग्ल्यान्डको चर्चित क्लब मिडलसेक्सबाट साम करन र ओली पोप जस्ता खेलाडीसँगै उमेर क्रिकेट खेलेका थिए । इंग्ल्यान्डबाट खेल्ने अनुमति नपाएपछि उनी हङकङ लागेका थिए ।

२५ वर्षीय रथले १८ ओडिआई खेलमा १ शतक र ७ अर्धशतकसहित ८ सय २८ रन बनाएका छन् । २३ टि२० आई खेलमा ४ सय ४३ रन बनाएका छन् । ३५ लिष्ट ए खेलमा ३ शतक र १२ अर्धशतकसहित ३५ रन बनाएका छन् ।

२०१८ को एकदिवसीय विश्वकप ग्लोबल छनोटमा हङकङले ओडिआई मान्यता गुमाएको थियो । यस पटक पनि हङकङले ओडिआई मान्यता अवसर गुमाएको छ । आइसिसी च्यालेन्ज लिग बी मा तेस्रो स्थानमा रहँदै क्वालिफायर खेल्ने अवसर गुमाएपछि ओडिआई मान्यता सम्भावना पनि सकिएको हो ।

हङकङको लागि नेपालमा अप्रिलमा हुने एसिसी प्रिमियर कप महत्वपूर्ण प्रतियोगिता हुनेछ । जुन प्रतियोगिता उपाधि जित्न सके एसिया कपमा भारत र पाकिस्तानसँग खेल्न पाउनेछ । बाबर, अंशुमनरथ, निजाकत खान, किन्चित शाह र अजिज खान जस्ता खेलाडी भएको हङकङ केहि मजबुत बनेको छ ।