एजेन्सी – एसिया लायन्सले लेजेन्ड्स क्रिकेट लिगमा नेपालका पूर्वकप्तान पारस खड्कालाई इन्डिया जायन्ट्सविरुद्ध प्लेइङ ११ मा मौका दिएको छ ।
दोहामा भएको टसमा एसियामन कप्तान शाहिद अफ्रिदीले टस जितेर पहिला ब्याटिङ गर्ने निर्णय लिएको छ । कप्तान अफ्रिदीले पारस खड्कालाई प्लेइङ ११ मा निरन्तरता दिएका छन् । पछिल्लो खेलमा पारसले वल्र्ड जायन्ट्सविरुद्ध १० बलमा ८ रन बनाएका थिए ।
आठौं नम्बरमा ब्याटिङ गरेका पारस १९ औं ओभरको पहिलो बलमा रन आउट हुन पुगेका थिए । पहिलो खेलमा भारतविरुद्ध नै २ बलमा ३ रन बनाएका थिए ।
वल्र्ड जायन्ट्स ४ खेलमा ३ मा जित र १ मा हारसहित ६ अंकका साथ शीर्ष स्थानमा रहँदै सोझै फाइनलमा पुगेको छ । एसिया ४ खेलमा २ मा जित र २ मा हारसहित ४ अंकका साथ दोस्रो स्थानमा रह्यो । भारत ४ खेलमा १ मा जित ३ मा हारसहित पुछारमा रह्यो । आजको विजेताले सोमबार उपाधिको लागि जायन्ट्सँग खेल्नेछ ।
एसियाको प्लेइङ ११ :
शाहिद अफ्रिदी, उपुल थरंगा, दिलशान तिलकरत्ने, अस्गर अफगर, मिस्बाह उल हक, मोहम्मद अफिज, पारस खड्का, थिसेरा परेरा, अब्दुर रजाक, अब्दुल रजाक र शोहेल तनविर ।
