एजेन्सी – कप्तान शाई होपको सानदार शतकमा वेस्टइन्डिजले दोस्रो ओडिआई खेलमा दक्षिण अफ्रिकालाई ३ सय ३६ रनको विशाल लक्ष्य दिएको छ । बुफ्लो पार्क इस्ट लन्डनमा टस जितेर पहिला ब्याटिङ रोजेको वेस्टइन्डिजले निर्धारित ५० ओभरमा ५ विकेट गुमाउँदै ३ सय ३५ रन बनायो ।
वेस्टइन्डिजका शाई होप १ सय १५ बलमा ५ चौका र ७ छक्कासहित १ सय २८ रनमा अविजित रहे । होप बाहेक अन्य ब्याटरको प्रदर्शन भने औसत रह्यो । होपको यो ओडिआई करिअरको १४ औं शतक हो ।
ओपनर ब्रेन्डन किंग २९ बलमा ४ चौकासहित ३० र काइल मेयर्स २६ बलमा ५ चौका र २ छक्कासहित ३६ रनमा आउट भए ।
निकोलस पुरन ४१ बलमा ५ चौकासहित ३९ र रोभम्यान पावेल ४९ बलमा २ चौका र ३ छक्कासहित ४६ रनमा आउट भए । अन्य ब्याटरले भने राम्रो प्रदर्शन गर्न सकेनन् ।
घरेलु टोली दक्षिण अफ्रिकाका जेराल्ड कोएट्जीले १० ओभरमा ५७ रन खर्चेर ३ विकेट लिए । ब्यूजोर्न फोटुइनले १० ओभरमा ५७ रन खर्चेर २ विकेट लिए । तबरेज शाम्सीले १० ओभरमा ६२ रन खर्चेर २ विकेट लिए ।
