एजेन्सी – कप्तान शाहिन शाह अफ्रिदीको सानदार अलराउन्ड प्रदर्शनमा लाहोर कलन्दर्सले पाकिस्तान सुपर लिग २०२३ को फाइनलमा मुल्तान सुल्तान्सलाई एक रनले हराउँदै लगातार दोस्रो पटक उपाधि जितेको छ ।
जितको लागि २ सय १ रनको बलियो विजयी लक्ष्य पछ्याएको मुल्तानले निर्धारित २० ओभरमा ८ विकेट गुमाउँदै १ सय ९९ रन बनायो । मुल्तानलाई जितको लागि अन्तिम ६ बलमा १३ रन चाहिँएको थियो । जमान खानले ११ रन खर्चिदै जित पक्का गराए । अन्तिम बलमा खुशदील शाह तीन रन लिनेक्रममा रन आउट भएपछि लाहोर एक रनले विजयी भएको थियो ।
मुल्तानका राइली रोसोउले ३२ बलमा ७ चौका र २ छक्कासहित सर्वाधिक ५२ रन बनाए । ओपनर उस्मान खान १८, मोहम्मद रिजवान ३४, काइरन पोलार्ड १९, टिम डेविड २० र खुशदील शाह २५ रनमा आउट भए । लाहोरका कप्तान शाहिन शाह अफ्रिदीले ४ ओभरमा ५१ रन खर्चेर ४ विकेट लिए । राशिद खानले ४ ओभरमा २६ रन खर्चेर २ विकेट लिए । डेविड विजाले एक विकेट लिए ।
त्यसअघि गद्दाफी स्टेडियममा टस जितेर पहिला ब्याटिङ रोजेको लाहोरले निर्धारित २० ओभरमा ६ विकेट गुमाउँदै २ सय रन बनाएको थियो । लाहोरका अब्दुलाल्ह शफिकले ४० बलमा ८ चौका र २ छक्कासहित सर्वाधिक ६५ रन बनाए ।
ओपनर फखार जमान ३९ र मिर्जा बैग ३० रनमा आउट भए । कप्तान शाहिन अफ्रिदीले १५ बलमा २ चौका र ५ छक्कासहित ४४ रनमा अविजित रहे । मुल्तानका उस्मा मिरले ३ ओभरमा २४ रन खर्चेृर सर्वाधिक ३ विकेट लिए ।
