काठमाडौं (हाम्रो खेलकुद) – नेपाली क्रिकेट टोलीका पूर्वकप्तान पारस खड्का लेजेन्ड्स लिग क्रिकेट मास्टर्सको फाइनलमा वर्ल्ड जायन्ट्सविरुद्ध एसिया लायन्सको प्लेइङ ११ मा रहेका छन् ।
दोहामा रहेको वेस्टइन्ड पार्क इन्टरनेशल क्रिकेट स्टेडियममा भएको टसमा वर्ल्ड जायन्ट्सले टस जितेर पहिला ब्याटिङ गर्ने निर्णय लिएको छ । कप्तान शाहिद अफ्रिदीले फाइनलमा खेलमा बुझाएको प्लेइङ ११ मा नेपालका पारस खड्का छन् ।
आरोन फिन्च कप्तान भएको जायन्ट्स लिगमा शीर्ष स्थानमा रहँदै सोझै फाइनलमा पुगेको हो । एसियाले एलिमिनेटर खेलमा इन्डिया महाराजसलाई हराउँदै फाइनलमा स्थान बनाएको हो । लिगको पहिलो खेलमा एसियाले जायन्ट्सलाई ३५ रनले हराएको थियो । दोस्रो खेलमा २० रनले हराएको थियो ।
पारस खड्काले पाँच मध्य चार खेल खेलेका छन् । दुई खेलमा मात्रै ब्याटिङको अवसर पाएका थिए । भारतविरुद्ध पहिलो खेलमा अन्तिम ओभरका मौका पाउँदा २ बलमा ३ रन जोडेका थिए । जायन्ट्सविरुद्ध १० बलमा ८ रन बनाउँदै रन आउट भएका थिए । पारस टोलीमा रहेपनि ब्याटिङको अवसर पाउन सकेका छैनन् ।
एसियाको प्लेइङ ११ :
शाहिद अफ्रिदी (कप्तान), उपुल थरंगा, दिलशान तिलकरत्ने, अस्गर अफगर, मिस्बाह उल हक, मोहम्मद अफिज, पारस खड्का, थिसेरा परेरा, अब्दुर रजाक, अब्दुल रजाक र शोहेल तनविर ।
