default_image

1 year ago

March 21, 2023

प्लेअफ खेल्ने युएईको टोलीमा चार खेलाडी परिवर्तन

132 views

0 Bookmark

एजेन्सी – युनाइटेड अरव इमिरेट्स (युएई) ले शुक्रबारदेखि नामिबियामा सुरु हुने आइसिसी प्लेअफ क्वालिफायर खेल्ने १४ सदस्य टोली घोषणा गरेकोा छ । आइसिसी विश्वकप लिग–२ अन्तिम सिरिज नेपालपछि युएईले टोलीमा चार खेलाडी परिवर्तन गरेको हो ।

युएईको टोलीबाट पूर्वकप्तान सिपी रिजवान, हजरत बिलाल, अश्वन्ता वल्थपा र जवार फरिद बाहिरिएका छन् । युएईका अनुभवी ब्याटर रमिज शहजाद पाँच वर्षपछि युएईको ओडिआई टोलीमा फर्किएका छन् ।

३५ वर्षीय रमिजले १५ ओडिआई खेलमा २ शतक र ४ अर्धशतकसहित कुल ६ सय ९१ रन बनाएका छन् । उनले २०१८ मा स्कटल्यान्डविरुद्ध १ सय २१ र वेस्टइन्डिजविरुद्ध १ सय १२ रनको सानदार शतकीय इनिङ खेलेका थिए । मध्यक्रममा खराब प्रदर्शनपछि उनलाई टोलीमा बोलाएकोछ ।

२१ वर्षीय तीव्र गतिका बलर सन्चित शर्मालाई पनि टोलीमा बोलाएको छ । अर्का २१ वर्षीय भारतीय मुलका अंश टन्डनलाई पनि टोलीमा बोलाएको छ । टन्डन पनि तीव्र गतिका बलर हुन् । मतिउल्लाहलाई पनि टोलीमा राखेको छ । तीव्र गतिका बलर मतिउल्लाह खान पहिलो पटक युएईको टोलीमा परेका हुन् ।

लिग २ बाट नेपाल, स्कटल्यान्ड र ओमान शीर्ष तीनमा रहँदै आगमी जुन जुलाईमा जिम्बावेमा हुने विश्वकप छनोटमा सोझै स्थान बनाएका थिए । प्लेअफमा लिग २ का पुछारका चार टोली र च्यालेन्जस लिग ए र बी का बिजेता गरि कुल ६ टोली हुनेछन् ।

सिंगल राउन्ड रोविनबाट हुने प्रतियोगितामा शीर्ष दुई टोलीले जिम्बावेमा हुने विश्वकप छनोट खेल्न पाउनेछन् । प्लेअफमा युएई, नामिबिया, अमेरिका, पपुवा न्युगिनी, जर्सी र क्यानडा छन् ।

लिग–२ का पुछारका युएई र पपुवा न्युगिनीले सोझै ओडिआई मान्यताको अवसर पनि गुमाई सकेका छन् । यदि प्लेअफमा जर्सी र क्यानडालाई पछि पार्न सकेमात्रै युएई र पपुवा न्युगिनीले ओडिआई मान्यता प्राप्त गर्नेछन् ।

युएईको लागि यो प्रतियोगिता निकै महत्वपूर्ण छ । तर पछिल्लो समय भने लगातार खराब प्रदर्शन गर्दै आएको छ । युएईले पहिलो खेल २७ मार्चमा पपुवा न्युगिनीसँग खेल्नेछ । ३० मार्चमा अमेरिका, १ अप्रिलमा क्यानडा, २ अप्रिलमा नामिबिया र ५ अप्रिलमा जर्सीसँग खेल्नेछ ।

युएईको टोली : मोहम्मद वासिम (कप्तान), आयन खान, अंश टन्डन, आर्यन लाक्रा, आसिफ खान, अर्यांश शर्मा, जुनैद सिद्दिक, कार्तिक मयाप्पन, मतिउल्लाह खान, रमिज शाहजद, रोहन मुस्तफा, सन्चित शर्मा, वृत्य अरविन्द र जहुर खान ।

June 15, 2024

नेपाल जितेर फिल्डिङ गर्दै, सागरको ठाउँमा सन्दीप

किङ्कटाउन (हाम्रो खेलकुद)- नेपालले दक्षिण अफ्रिका विरुद्ध टि ट्वान्टी विश्वकपको समूह चरणमा टस जितेर फिल्डिङ रोजेको छ। सन्दीप लामिछाने प्लेइङ ११ मा समेटिएका छन्। सागर ढकालको ठाउँमा सन्दीपलाई टोलीमा समेटिएका हुन्। बाँकी नेदरल्यान्ड्ससँग पहिलो खेलकै टोली रहेको छ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

Success

Thank you for your time.