12 months ago
March 22, 2023
अर्जुन कार्की, बागलुङ क्रिकेटरद्वय करण केसी र सुवास भण्डारी गृहजिल्ला बागलुङमा सम्मानित भएका छन् । नेपाली क्रिकेट टोलीका प्रमुख तीव्र गतिका बलर करण र यू-१९ टोलीका प्रमुख स्पिनर सुवासलाई बागलुङ नगरपालिकाले बुधबार सम्मानित गरेको छ । नगरपालिकाले नेपाली क्रिकेटलाई आगमी जुन जुलाईमा जिम्बावेमा हुने विश्वकप छनोटमा पुर्याउन महत्वपूर्ण भूमिका खेल्ने करणलाई १ लाख रुपैयाँले सम्मान […]
अर्जुन कार्की, बागलुङ
क्रिकेटरद्वय करण केसी र सुवास भण्डारी गृहजिल्ला बागलुङमा सम्मानित भएका छन् । नेपाली क्रिकेट टोलीका प्रमुख तीव्र गतिका बलर करण र यू-१९ टोलीका प्रमुख स्पिनर सुवासलाई बागलुङ नगरपालिकाले बुधबार सम्मानित गरेको छ ।
नगरपालिकाले नेपाली क्रिकेटलाई आगमी जुन जुलाईमा जिम्बावेमा हुने विश्वकप छनोटमा पुर्याउन महत्वपूर्ण भूमिका खेल्ने करणलाई १ लाख रुपैयाँले सम्मान गर्यो । त्यस्तै यू-१९ टोलीलाई २०२४ मा श्रीलंकामा हुने विश्वकपमा पुर्याउने सुवासलाई ५० हजार रुपैयाँ नगदसहित सम्मानित गरेको छ ।
खेलाडीलाई सम्मान गर्दै बागलुङ नगरपालिकाका नगरप्रमुख बसन्त कुमार श्रेष्ठले खेलकुदको विकासमा नगरपालिका सधैं लाग्ने बताए। उनले नयाँ खेलाडी उत्पादनमा सहयोग पुर्याउने र पूर्वाधार बनाउन प्रतिबद्ध रहेको बताए । ‘नगरपालिका खेल पूर्वाधार बनाउन प्रतिबद्ध छु । खेलाडी उत्पादन गर्न र खेलाडीको मनोबल उच्च बनाउनसमेत हामी लाग्नेछौं’, श्रेष्ठले भने ।
त्यस्तै खेलाडी सम्मान कार्यक्रममा बोल्दै गण्डकी प्रदेशकी सांसद दिलमाया पौबीले खेलाडी राष्ट्रका गहना भएकाले उनीहरूको जीवन निर्वाहको लागि राज्यले विशेष ध्यान दिनुपर्ने बताइन्। सम्मानित भएपछि बोल्दै करणले गृह जिल्लामा सम्मानित हुन पाउँदा थप हौसला बढेको बताए। उनले सम्मानले जिम्मेवारी थप बढेको र जिम्मेवारीलाई खेलकुदमा रुपान्तरण गर्ने र आशा र भरोसा तोड्न नदिने बताए।
करण बागलुङ नगरपालिका-८ सिगानाका हुन् । सुवास काठेखोला गाउँपालिका-१ पालाका हुन्। नेपाललाई शीर्ष तीनमा रहँदै सोझै विश्वकप छनोटमा पुर्याउन करणले आईसीसी विश्वकप लिग-२ मा ५० विकेट लिँदै सानदार प्रदर्शन गरेका थिए । करण नेपालका प्रमुख बलर हुन् ।
त्यस्तै अघिल्लो महिना आइसिसी यू-१९ विश्वकप एसिया क्षेत्र छनोटमा घरेलु टोली युएईलाई ७ रनले हराउँदै नेपाललाई २०२४ मा श्रीलंकामा हुने यू१९ विश्वकपमा पुर्याउन सुवासले पाँच खेलमा ४३ ओभर बलिङ गर्दै ११५ रन खर्चेर ७ विकेट लिएका थिए ।
फाइनलमा सुवासले अर्यांश शर्मालाई बोल्ड गर्दै पहिलो सफलता दिलाएका थिए । फाइनलमा युएईविरुद्ध दुई विकेट लिँदै खेल परिवर्तन गरेका सुवासले गण्डकी प्रदेशबाट घरेलु क्रिकेटमा सानदार प्रदर्शन गर्दै आएका छन् । करणले भने घरेलु क्रिकेट नेपाल पुलिस क्लबबाट खेल्ने गर्दछन् ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]