default_image

12 months ago

March 23, 2023

मुख्य प्रशिक्षक मोन्टि देशाईको तलब बढ्ने

काठमाडौं (हाम्रो खेलकुद) – नेपाली क्रिकेट टोलीका मुख्य प्रशिक्षक मोन्टि देशाईको तलब बढ्ने भएको छ । नेपाल क्रिकेट संघ (क्यान) ले ओडिआई मान्यतालाई निरन्तरता दिएपछि सम्झौता अनुसार तलब बढाउने भएको छ । क्यानका अध्यक्ष चतुरबहादुर चन्दले हाम्रो खेलकुदसँग अन्तर्वार्ताको क्रममा उक्त कुरा बताएका छन् । ‘शीर्ष तीनमा पुग्छौं भन्नेमा मैले कल्पना गरेको थिएन । हामी […]

208 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका मुख्य प्रशिक्षक मोन्टि देशाईको तलब बढ्ने भएको छ । नेपाल क्रिकेट संघ (क्यान) ले ओडिआई मान्यतालाई निरन्तरता दिएपछि सम्झौता अनुसार तलब बढाउने भएको छ । क्यानका अध्यक्ष चतुरबहादुर चन्दले हाम्रो खेलकुदसँग अन्तर्वार्ताको क्रममा उक्त कुरा बताएका छन् ।

‘शीर्ष तीनमा पुग्छौं भन्नेमा मैले कल्पना गरेको थिएन । हामी नामिबियामा हुने प्लेअफबाट फेरि जिम्बावेको टिकट लिन्छौं भन्ने कुराहरु हुन्थ्यो । ओडिआई मान्यता ७५ प्रतिशत जितेर लिन सक्छौं भन्ने थियो । ओडिआई बचाए मोन्टिको तलब बढाउने सम्झौता थियो । लिग-२ बाट होस् वा प्लेअफबाट हामीले स्पष्ट भनका भने थिएनौं । तर ओडिआई बचाए तलब बढाउने सम्झौतानै गरेका थियौं । १०/१२ दिनको अभ्यासपछि मोन्टिले ओडिआई बचाउन सक्छु भन्ने आश्वासन दिएका थिए’, चन्दले हाम्रो खेलकुदसँग भने ।

त्यसैमा उनले थपे, ‘कोचले आशा दियो । खेलाडीहरुको एकता । सन्दीप लामिछानेको आगमनले त्यो हुँदा अव नेपाली क्रिकेट अव ठिक ठाउँमा आउँछ भन्ने भित्री मनबाट लागेको थियो । सोझै विश्वकप छनोटमा जान्छौं भनेर कसैले सोचेको थिएन ।’

मोन्टिले यसअघि सबै खर्च र कर काटेर मासिक १० हजार डलर पाउँथे । अव उनको दुई हजार डलर बढ्ने क्यानले जनाएको छ । अव मोन्टिले सबै खर्च कटाएर मासिक १२ हजार डलर (झन्डै १६ लाख नेपाली रुपैयाँ) प्राप्त गर्नेछन् ।

चन्द नेपाललाई भाग्यले पनि साथ दिएको बताउँछन् । ‘हामीलाई भाग्यले पनि साथ दियो । हामी टस जित्दै गयौं । घरेलु सिरिज हुँदा खेलाडीहरुमा एउटा हौसला भयो । मलाई लाग्छ रोहित लक्की कप्तान हो । राष्ट्रिय एकताको टिम बनेको छ । यो टिम उत्कृष्ट थियो । एक जुट भएको खण्डमा यो टिमले जे पनि गर्नसक्छ भन्ने आशा थियो । र देखियो पनि । सबलाई धन्यावाद’, चन्दले भने ।

नेपाल मोन्टि आउनु अघि २४ खेलमा ८ मा जित र १४ मा हारसहित १८ अंकका साथ छैटौं स्थानमा थियो । मोन्टि आएपछि ३६ खेलमा १९ मा जित र १५ मा हारसहित ४० अंकका साथ तेस्रो स्थानमा रह्यो । अर्थात पछिल्ला १२ मध्य ११ खेल नेपालले जित्यो ।

देशाई आउँदा नेपाललाई शीर्ष तीनमा पर्न सबै खेल जित्नुपर्ने र ओडिआई मान्यता जोगाउन कम्तिमा ९ खेल जित्नुपर्ने समीकरण थियो । त्यसबेला टोलीको प्रदर्शन हेर्दा ओडिआई मान्यता जोगाउन निकै कठिन देखिन्थ्यो । विश्वकप छनोटमा सोझै स्थान बनाउने कल्पना बाहिर थियो । तर मोन्टिले अविश्वसनीयरुपमा नेपाललाई शीर्ष तीनमा पुयाउँदै आगमी जुन जुलाईमा जिम्बावेमा हुने विश्वकप छनोटमा पुर्याए । गुमि सकेको ओडिआई मान्यता जोगाएका थिए ।

मोन्टिको प्रदर्शनमा नेपालले सानदार ब्याटिङ प्रदर्शन गरेको थियो । नेपालले पहिलो खेलमै नामिबियाले प्रस्तुत गरेको २ सय ८६ रनको लक्ष्य पूरा गर्दै इतिहास रचेको थियो । जुन नेपालले ओडिआई इतिहासमा पूरा गरेको उच्च योगफल थियो । त्यसअघि नेपालले ओडिआईमा २ सय ५५ रन मात्रै युएईविरुद्ध २०१९ मा पूरा गरेको थियो । नेपालले लगातार तीन खेलमा २ सय ७० रनमाथिको योगफल पूरा गरेको थियो ।

चन्द मोन्टिलाई ल्याउने निर्णय ठूलो उपलब्धी भएको बताउँछन् । ‘मोन्टि देशाई ल्याउने पनि एउटा उपलब्धी हो । उपलब्धी मात्रै होइन ठूलो उपलब्धी हो । मोन्टिलाई पहिला पनि हामीले ल्याउने प्रयास नगरेको त होईन । विभिन्न र ब्यक्तिगत कारणले नेपाललाई समय दिनसक्नु भएन । दिन्छु भनेपछि हामीले छलफलबाट लियौं । मोन्टिलाई ल्याउनमा कसैको बिमति पनि थिएन । केहि साथीले प्रशिक्षकको रुपमा केहि कुरा उठाएको पनि थिएन । तर राम्रो भएपछि मोन्टि ल्याउने विषय ठिक थियो । सरकार र हाम्रो क्रिकेटबीच भएका सबै धारले मोन्टि एउटा टर्निङ प्वाइन्ट नै हो’, उनले भने ।

मोन्टि हाल बिदामा घर गएका छन् । लिग २ त्रिकोणात्मक ओडिआई सिरिजपछि क्यानले खेलाडीलाई १५ दिनको छुट्टी दिएको छ । त्यसपछि क्यानले एसिसी प्रिमियर कप र विश्वकप छनोटको तयारी गर्नेछ । एसिसी प्रिमियर कप अर्को महिना नेपालले हुनेछ ।

१० टोली सहभागी प्रतियोगिता उपाधि जित्न सके नेपालले एकदिवसीय एसिया कपमा भारत र पाकिस्तानसँग खेल्न पाउनेछ । जुन जुलाईमा जिम्बावेमा विश्वकप ग्लोबल छनोट हुनेछ । १० टोली सहभागी प्रतियोगितामा दुई समूहमा विभाजन गरिनेछ । सुपर सिक्स हुँदै शीर्ष दुईमा रहने टोलीले आगमी अक्टोबर नोभेम्बरमा भारतमा हुने एकदिवसीय विश्वकप खेल्न पाउनेछन् ।

चन्दसँगको अन्तर्वार्ताको भिडियो हेर्नुहोस् : https://www.youtube.com/watch?v=In3bDWevZMI&t=667s

March 19, 2024

पहिलो कप्तान नेरीले क्रिकेटबाट सन्न्यास लिइन्

काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको‌ घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]

March 18, 2024

कैलाली प्रिमियर लिग – शुक्लाफाँटाको जित

धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]

March 15, 2024

जीतपुरसिमरा क्रिकेट कप सुरु हुँदै

सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]

Success

Thank you for your time.