एजेन्सी – स्कटल्यान्डका सर्वाधिक सफल ब्याटर तथा पूर्वकप्तान काइल कोट्जरले अन्तर्राष्ट्रिय क्रिकेटबाट सन्न्यासको घोषणा गरेका छन् । कोट्जरले ३८ वर्षको उमेरमा उनले सन्न्यासको घोषणा गरेका छन् ।
उनले अव नर्थन डाइमन्डको प्रशिक्षक सम्माल्ने छन् । ८९ ओडिआई खेलमा उनले ५ शतक र २१ अर्धशतकसहित कुल ३ हजार १ सय ९२ रन बनाएका छन् । स्कटल्यान्डबाट ओडिआईमा सर्वाधिक रन बनाउने ब्याटर हुन् । ७० टि२० आई खेलमा उनले १ हजार ४ सय ९५ रन बनाएका छन् ।
१ सय ९९ लिष्ट ए खेलमा ११ शतक र ३८ अर्धशतकसहित ६ हजार २ सय ९६ रन बनाएका छन् । ४५ ओडिआई खेलमा कप्तानी गर्दा २६ मा जित र १७ मा हार व्यहोरेका थिए । ४१ टि२० आई खेलमा समान २० मा जित र २० मा हार छ । कोट्जर विश्व एसोसियट क्रिकेटकै एक उत्कृष्ट ब्याटरमा पर्दछन् ।
कोट्जरले २०२० मा आइसिसीको दशककै उत्कृष्ट एसोसियट खेलाडी चुनिएका थिए । उनले नेपालका पारस खड्कालाई पछि पारेका थिए । उनको कप्तानीमा स्कटल्यान्ड एसोसियटकै उत्कृष्ट टोली बनेको थियो । कोट्जरले अन्तिम खेल नेपालविरुद्ध नै फेब्रुअरी २१ मा खेल्दै २२ रनमा आउट भएका थिए ।
उनको उत्कृष्ट प्रदर्शनको सहयोगमा स्कटल्यान्डले आइसिसी विश्वकप लिग-२ सिरिज २०१९/२३ को उपाधि जितेको थियो । कोट्जरले अघिल्लो वर्ष स्कटल्यान्डको कप्तानी छाडेका थिए ।
