1 year ago
March 23, 2023
एजेन्सी – स्पिनर वेस्ली मधेभेरेको ह्याट्रिकमा घरेलु टोली जिम्बावेले दोस्रो ओडिआई खेलमा नेदरल्यान्ड्समाथि एक रनको रोमान्चक जित हात पारेको छ । योसँगै तीन ओडिआई खेलको सिरिज १–१ को बराबरीमा पुगेकोछ।
जितको लागि २ सय ७२ रनको विजयी लक्ष्य पछ्याएको नेदरल्यान्ड्स निर्धारित ५० ओभरमा अल आउट हुँदै २ सय ७० रन बनायो । नेदरल्यान्ड्सलाई जितको लागि अन्तिम ६ बलमा १९ रन चाहिँएको थियो । पहिलो बलमा टेन्डाई चतरारलाई रयान क्लेनले चौका प्रहार गरे ।
दोस्रो बलमा दुई र तेस्रो बलमा एक रन बटुले । फर्द क्लासेनले चौथो बलमा दुई र पाँचौं बलमा छक्का प्रहार गरेपछि खेलले नयाँ मोड लिएको थियो । अन्तिम बलमा जितको लागि चार रन चाहिँदा रयान तेस्रो रन लिनेक्रममा रन आउट भएपछि एक रनले पराजित भएको थियो ।
नेदरल्यान्ड्सका म्याक्स ओडाउडले १ सय ३ बलमा ६ चौका र २ छक्कासहित सर्वाधिक ८१ रन बनाएपनि टोलीको हार टार्न सकेनन् । टम कपरले ८४ बलमा ९ चौकासहित ७४ रन जोडे । विस्लीले ४४ औं ओभरमा ह्याट्रिक लिएका थिए । एक समय नेदरल्यान्ड्स ४३ ओभरमा २१३–३ को बलियो अवस्थामा थियो । जितको लागि ४२ बलमा ५९ रन चाहिँदा ७ विकेट हातमा थियो ।
सहज जित निकाल्ने अनुमान गरिएको थियो । तर ४४ औं ओभरको पहिलो बलमा वेस्लीले कोलिन एकरम्यानलाई २८ रनमा स्टम्पिङ आउट गराए । दोस्रो बलमा तेजा निदामनुरुलाई बोल्ड गरे ।
तेजाले पहिलो खेलमा शतक हान्दै नेदरल्यान्ड्सलाई जिताएका थिए । तेस्रो बलमा पल भान माक्रेनलाई बोल्ड गर्दै ह्याट्रिक पूरा गरेका थिए । ह्याट्रिकसँगै जिम्बावे नाटकीय रुपमा खेलमा फर्किएको थियो ।
दोस्रो विकेटका लागि म्याक्स र टमले १ सय २५ रनको उत्कृष्ट शतकीय साझेदारी गरेका थिए । कपर रन आउट भएका थिए । एक समय नेदरल्यान्ड्स १९७–२ को बलियो अवस्थामा थियो । सिकन्दर राजाले म्याक्सको विकेट लिए । त्यसपछि भने साझेदारी हुन सकेन । कप्तान स्कट एडवार्ड्सले २८ बलमा २ चौका र १ छक्कासहित ३६ रन जोडे ।
जिम्बावेका स्पिनर सिकन्दर राजाले ९ ओभरमा ३९ रन खर्चेर ३ विकेट लिए । वेल्ली मधेभेरेले ९ ओभरमा ३६ रन खर्चेर ३ विकेट लिए ।
त्यसअघि हरारे स्पोर्ट्स क्लबमा टस जितेर पहिला ब्याटिङ रोजेको जिम्बावे ४९.२ ओभरमा २ सय ७१ रनमा अल आउट भएको थियो । जिम्बावेका अनुभबी ब्याटर सेन विलियम्सले ७३ बलमा ११ चौकासहित सर्वाधिक ७७ रनको योगदान दिए ।
क्लाइभ मडान्डेले ५७ बलमा ५ चौकासहित ५२ रन जोडे । ओपनर वेस्ली मधेभेरले ४३ र क्रेग इर्विनले ३९ रन बनाए । अन्य ब्याटरले भने राम्रो प्रदर्शन गर्न सकेनन् ।
नेदरल्यान्ड्सका शरिज अहमदले १० ओभरमा १ मेडनसहित ४३ रन खर्चेर सर्वाधिक पाँच विकेट लिए । तर पनि टोलीको हार भने टार्न सकेनन् । कोलिन एकरम्यान र पल भान मार्केनले दुई दुई विकेट लिए ।
पहिलो खेलमा नेदरल्यान्ड्स तीन विकेटले विजयी भएको थियो । तेस्रो तथा अन्तिम खेल शनिबार हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]