default_image

1 year ago

March 24, 2023

एसिया कप पाकिस्तानमै तर भारतले अन्यत्र खेल्ने

152 views

0 Bookmark

एजेन्सी – एसियन क्रिकेट काउन्सिल (एसिसी) ले आयोजना गर्ने एकदिवसीय एसिया कप पाकिस्तानमै हुने उच्च सम्भावना रहेको छ । आयोजनाको अधिकार पाकिस्तानले पाएपनि भारत नजाने भएपछि एसिया कप स्थगित हुने चर्चा चल्दै आएको थियो । तर एसीसी अडानसँगै एसिया कप सेप्टेम्बर पहिलो साता पाकिस्तानमै हुने उच्च सम्भावना छ।

यसअघिको अवस्थाजस्तै भारत पाकिस्तान नजाने पक्का छ । त्यसैले भारत खेल्ने बाहेकका खेल पाकिस्तानमा गर्ने तयारी गरिएको छ । समूह ए मा भारत, पाकिस्तान र एसिसी प्रिमियर कप विजेता टोली हुनेछन् । समूह बी मा श्रीलंका, बंगलादेश र अफगानिस्तान छन् ।

भारतको खेल भने तटस्थ भूमिमा हुनेछ । तटस्थ भूमिको रुपमा युएई, ओमान, श्रीलंका र इंग्ल्यान्ड मध्य एक देशको सम्भावना छ । भारतले तटस्थ भूमिमा खेल्दा अन्य खेल पाकिस्तानमै गर्ने तयारी गरिएको छ। समूह चरण हुँदै सुपर खेलबाट फाइनल निर्धारण हुनेछ । १३ दिन सम्म चल्ने प्रतियोगितामा भारत र पाकिस्तान तीन पटक भिड्ने सम्भावना छ।

समूह चरण र सुपर फोरमा पाकिस्तान र भारतबीचको प्रतिस्पर्धा पक्का छ । फाइनलमा पनि यी दुई टोलीको सम्भावना उच्च छ । त्यसैले एकै प्रतियोगितामा भारत र पाकिस्तान तीन पटकसम्म भिड्ने सम्भावना छ । भारतले एसिया कपमा खेल्ने सबै खेल भने तटस्थ भूमिमा हुने तयारी गरिएको छ ।

पाकिस्तान बाहिर मौसम, प्रत्यक्ष प्रसारण र आवतजावतको समस्या हुने देखिएको छ । सेप्टेम्बरमा युएईमा ४० डिग्री सेल्सियस तापक्रम हुनेछ । २०२१ को आइपिएल कोरोनाको कारण सेप्टेम्बर अन्तिममा युएईमा भएको थियो । टि२० विश्वकपको पहिलो चरणका केहि खेल २०२१ सेप्टेम्बरमा ओमानमा पनि भएको थियो ।

गत वर्ष अक्टोबरमा बिसिसिआईका सचिव जय शायले भारत पाकिस्तान भ्रमण नगर्ने हुँदा एसिया कप तटस्थ भूमिमा गर्ने जनाएका थिए । त्यसपछि बिसिसिआई र पाकिस्तान क्रिकेट बोर्डबीच एसिया कपलाई लिएर विवाद उत्पन्न भएको थियो । पाकिस्तानले भने आफ्नो अधिकार हुँदा पाकिस्तानमै गर्ने भारतलाई जवाफ फर्काएको थियो ।

२०१८ को एसिया कप तटस्थ भूमि युएईमा भएको थियो । भारतले आन्तरिक राजनीतिको कारण पाकिस्तान भ्रमण नगर्ने बताउँदै आएको छ । पछिल्लो समय भारत र पाकिस्तानबीच अन्तर्राष्ट्रिय क्रिकेटमा उत्कृष्ट प्रदर्शन हुँदै आएको छ । २०२१ को टि२० विश्वकपमा भारतलाई १० विकेटले हराउँदै पाकिस्तानले सेमिफाइनलमा स्थान बनाएको थियो ।

टि२० एसिया कप २०२२ अगष्टमा समूह चरणमा भारतले पाकिस्तानलाई ५ विकेटले हराएको थियो । सुपर फोरमा भारतलाई पाँच विकेटले हराउँदै पाकिस्तान फाइनलमा पुगेको थियो । गत टि२० विश्वकपमा भारतले पाकिस्तानलाई ४ विकेटले हराएको थियो ।

आन्तरिक राजनीतिको कारण भारत पाकिस्तानले एसिसी र आइसिसीको प्रतियोगिता मात्रै खेल्दै आएका छन् । पछिल्लो पटक पाकिस्तानले २०१६ को टि२० विश्वकपमा भारत भ्रमण गरेको थियो । भारतले अन्तिम पटक पाकिस्तानमा २००५/६ मा पाँच ओडिआई र तीन टेस्ट खेलको सिरिजको लागि भ्रमण गरेको थियो । २०१३ पछि यी दुई टोलीले सिरिज खेलेका छैनन् ।

नेपाललाई पनि एसिया कपमा भारत र पाकिस्तानसँग खेल्ने अवसर छ । अर्को महिना घरेलु मैदान टियु र मुलपानीमा हुनेछ । नेपालको समूहमा ओमान, कतार, मलेसिया र साउदी अरब छन् । यसअघि नेपाल, युएई र कुवेत एकै समूहमा थिए । समूह बी मा युएई, हङकङ, कुवेत, सिंगापुर र बहराइन छन् ।

एसिसी प्रिमियर कप वैशाख ५ देखि १८ गतेसम्म हुनेछ । सेमिफाइनल हुँदै फाइनलमा उपाधि जित्न सके नेपालले इतिहासमा पहिलो पटक भारत र पाकिस्तानसँग खेल्न पाउनेछ । एसिया कप विश्वकप अघि एसिया टोलीलाई तयारीको रुपमा रहँदै आएको छ । विश्वकप आगमी अक्टोबर नोभेम्बरमा भारतमा हुँदैछ । उक्त विश्वकपमा भने पाकिस्तान भारत भ्रमण गर्ने जनाएको छ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.