default_image

1 year ago

March 25, 2023

कोशीलाई हराउँदै एपिएफ लगातार तेस्रो पटक फाइनलमा

काठमाडौं (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स वुमन्स च्याम्यिनसिप टि२० प्रतियोगितामा कोशी प्रदेशलाई ७ विकेटले हराउँदै लगातार तेस्रो पटक फाइनलमा स्थान बनाएको छ । जितको लागि ८८ रनको विजयी लक्ष्य पछ्याएको एपिएफले १८.१ ओभरमा ३ विकेट गुमाउँदै पूरा गर्यो । एपिएफको जितमा ममता चौधरी २८ बलमा १ चौकासहित २१ रनमा अविजित […]

84 views

0 Bookmark

काठमाडौं (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स वुमन्स च्याम्यिनसिप टि२० प्रतियोगितामा कोशी प्रदेशलाई ७ विकेटले हराउँदै लगातार तेस्रो पटक फाइनलमा स्थान बनाएको छ ।

जितको लागि ८८ रनको विजयी लक्ष्य पछ्याएको एपिएफले १८.१ ओभरमा ३ विकेट गुमाउँदै पूरा गर्यो । एपिएफको जितमा ममता चौधरी २८ बलमा १ चौकासहित २१ रनमा अविजित रहिन् । रोमा थापा २२ बलमा १ चौकासहित ११ रनमा अविजित रहिन् ।

ओपनर तथा कप्तान सीताराना मगर २० बलमा ३ चौकासहित १९ रनमा आउट भइन् । इन्दु बर्मा २९ बलमा २ चौकासहित १८ रनमा बोल्ड आउट भइन् । उनी निशा साहको बलमा बोल्ड भएकी थिइन् । ज्योति पाण्डे १० बलमा २ चौकासहित ११ रनमा आउट भइन् ।

कोशीकी कप्तान रुविना क्षेत्री बेलबासेले ४ ओभरमा ९ रन खर्चेर १ विकेट लिइन् । एलिसा खडिया र निशा साहले एक एक विकेट लिइन् ।

त्यसअघि टियु क्रिकेट मैदानमा टस जितेर पहिला ब्याटिङ रोजेको कोशीले निर्धारित २० ओभरमा ५ विकेट गुमाउँदै ८७ रन बनाएको थियो । कोशीकी ओपनर काजोल श्रेष्ठले ४१ बलमा १ चौका र १ छक्कासहित सर्वाधिक २९ रन बनाइन् । तर जितको लागि पर्याप्त हुन सकेन ।

ओपनर काजोल र रुविना क्षेत्री बेलबासेले पहिलो विकेटका लागि ८.२ ओभरमा ३४ रनको साझेदारी गरेका थिए । रुविना सीताको लेग साइडको बलमा स्वीप खेल्ने धुनमा मिस हुँदा २४ रनमा बोल्ड आउट भइन् । रुविनाले ३४ बलमा ५ चौका प्रहार गरिन् । रुविना आउट भएपछि कोशी पुरै दबाबमा परेको थियो ।

दोस्रो विकेटका लागि काजोल र अप्सरी बेगमले ३१ रनको साझेदारी गरेका थिए । सीताले १७ औं ओभरको दोस्रो बलमा काजोललाई विकेटकिपर ज्योति पाण्डेले स्टम्पिङ आउट गरिन् । एक बलपछि सबन राइ शून्यमा बोल्ड भइन् ।

युवा ब्याटर स्मृति कटवाल ७ बलमा १ चौकासहित ८ रनमा रन आउट भइन् । अप्सरी बेगम ३६ बलमा २२ रनमा आउट भइन् । एपिएफको जितमा सीताले ४ ओभरमा ११ रन खर्चेर ३ विकेट लिइन् । इन्दु बर्माले २ ओभरमा १२ रन खर्चेर १ विकेट लिइन् ।

एपिएफले पहिलो खेलमा मधेशलाई १० विकेट र दोस्रो खेलमा सुदूरपश्चिमलाई १५ रनले हराएको थियो । एपिएफ लगातार तेस्रो पटक फाइनलमा पुगेको हो । यस अघिको दुवै संस्करणको फाइनलमा सुदूरपश्चिमलाई हराउँदै एपिएफले उपाधि जितेको थियो ।

एपिएफले समूह चरणको अन्तिम खेल मंगलबार ललितपुर-११ सँग खेल्नेछ । कोशीले सोमबार सुदूरपश्चिमसँग खेल्नेछ । कोशी र सुदूरबीचको विजेताले फाइनल खेल्ने उच्च सम्भावना देखिन्छ ।

एपिएफ ३ खेलमा ६ अंकका साथ शीर्षस्थानमा छ । सुदूरपश्चिम ३ खेलमा २ मा जित र १ मा हारसहित ४ अंकका साथ दोस्रो स्थानमा छ । कोशी प्रदेश २ खेलमा १ मा जित र १ मा हारसहित २ अंकका साथ तेस्रो स्थानमा छ । ललितपुर र मधेश समान दुई खेल खेल खेलेपनि जित विहीन हुँदै चौथो र पाँचौं स्थानमा छन् ।

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

Success

Thank you for your time.