1 year ago
March 25, 2023
एजेन्सी – इंग्ल्यान्ड तथा पन्जाब किंग्सका ब्याटर जोनी बेयरस्टोले अर्को सातादेखि सुरु हुने इन्डियन प्रिमियर लिग (आइपिएल) गुमाउने भएका छन् । बेयरस्टो गतवर्ष गल्फ गल्नेक्रममा खुट्टाको लागेको चोटलाई ठिक हुन नखेल्ने निर्णय लिएका छन् । बेयरस्टोले गुमाउने भएपछि पन्जाब किंग्सले अष्ट्रेलियन ब्याटर म्याट शर्टलाई टोलीमा उनको स्थानमा लिएको छ । शर्ट राम्रो लयमा छन् । […]
एजेन्सी – इंग्ल्यान्ड तथा पन्जाब किंग्सका ब्याटर जोनी बेयरस्टोले अर्को सातादेखि सुरु हुने इन्डियन प्रिमियर लिग (आइपिएल) गुमाउने भएका छन् । बेयरस्टो गतवर्ष गल्फ गल्नेक्रममा खुट्टाको लागेको चोटलाई ठिक हुन नखेल्ने निर्णय लिएका छन् ।
बेयरस्टोले गुमाउने भएपछि पन्जाब किंग्सले अष्ट्रेलियन ब्याटर म्याट शर्टलाई टोलीमा उनको स्थानमा लिएको छ । शर्ट राम्रो लयमा छन् । बिग ब्यास लिग र घरेलु क्रिकेटमा शर्टले सानदार प्रदर्शन गरेका थिए । उनले यस सिजनको बिग ब्यासमा एडिलेड स्ट्राइकर्सबाट १४ खेलमा १ शतकसहित ४ सय ५८ रन बनाएका थिए ।
गत सेप्टेम्बरमा साथीसँग गल्फ खेल्नेक्रममा लड्न पुग्दा बेयरस्टोको बायाँ खुट्टामा चोट लाग्न पुगेको थियो । उत्कृष्ट लयमा रहेका बेयरस्टोले टि२० विश्वकप गुमाएका थिए । इंग्ल्यान्डले फाइनलमा पाकिस्तानलाई हराउँदै विश्वकप उपाधि जितेको थियो ।
शर्ट अफस्पिनर समेत हुन् ।
गत जनवरीमा बिग ब्यासमा होबार्ट हरिकेन्सले दिएको २ सय ३० रनको विशाल लक्ष्य १९.३ ओभरमा ३ विकेट गुमाउँदै पूरा गरेको थियो । उक्त खेल जिताउन एडिलेडका कप्तान म्याट शर्टले ५९ बलमा ८ चौका र ३ छक्कासहित १ सय रनको अविजित इनिङ खेलेका थिए ।
पन्जाबले अक्सनमा इंग्ल्यान्डका युवा अलराउन्डर साम करनलाई १८ करोड ५० लाख भारुमा किनेको थियो । आइपिएल इतिहासमा कुनैपनि खेलाडीले पाएको उच्च मूल्य हो ।
पन्जाबले आइपिएलमा साम करन, लियाम लिभिङस्टोन र कागिसो रबाडालाई पहिलो रोजाईमा खेलाउने पक्काछ । चौथो विदेशी खेलाडीको रुपमा नाथन एलिस, सिकन्दर राजा, भानुका राजपक्षे र म्याट शर्ट मध्य एकलाई मौका दिनेछ ।
पन्जाबमा भारतीय खेलाडी शिखर धवनले कप्तानी गर्नेछन् । भारतीय खेलाडीको रुपमा शाहरुख खान, शिखर धवन र अर्शदीप सिंह लगायतका खेलाडीहरु छन् । आइपिएल शुक्रबार देखि सुरु हुनेछ । पन्जाबले पहिलो खेल शनिबार माहोलीमा कोलकता नाइट राइडर्ससँग खेल्दै सुरुवात गर्नेछ ।
पन्जाब किंग्सको टोली :
साम करन, लियाम लिभिङस्टोन, कागिसो रबाडा, शाहरुख खान, शिखर धवन, म्याट शर्ट, राहुल चाहर, अर्शदीपसिंह, हरप्रीत ब्रार,राज अंगद बाबा, नाथन एलिस, प्रभसिमरन सिंह, ऋषी धवन, सिकन्दर राजा, भानुका राजपक्षे, हरप्रीत भाटिया, अथर्व तायडे, मोहित राथे, शिवम सिंह, बालजित सिंह, जितेश शर्मा र विद्धत कावेरप्पा ।
April 23, 2024
एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]
April 23, 2024
काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]
April 23, 2024
काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]