एजेन्सी – शीर्षक्रमका ब्याटर नितिश राणाले इन्डियन प्रिमियर लिग (आइपिएल) २०२३ मा सुरुवाती समय कोलकाता नाइट राइडर्सको कप्तानी गर्ने भएका छन् । कप्तान श्रेयस ऐर ब्याक इन्जुरीको कारण सुरुवाती केहि खेलहरु गुमाउने भएपछि कोलकाताले नितिशलाई कप्तानको जिम्मेवारी दिएको छ ।

नितिश कार्यवाहक कप्तानको रुपमा रहने छन् । श्रेयस ऐरले आधा संस्करण गुमाउन सक्ने अनुमान गरिएको छ । सुनिल नारायण, नितिश र आन्द्रे रसेल कप्तानको दाबेदारको रुपमा थिए । नितिशले शैद मुश्ताक अली ट्रफीमा १२ खेलमा दिल्लीको कप्तानी गर्दा ८ मा जित र ४ मा हार ब्येहोरेका छन् ।

२९ वर्षीय मध्यक्रमका ब्याटर उनले भारतबाट एक ओडिआई र दुई टि२० आई खेल खेलेका छन् । राणाले ९१ आइपिएल खेलमा १५ अर्धशतकसहित कुल २ हजार १ सय ८१ रन बनाएका छन् । कोलकाताको ब्रेन्डन म्याकुलम मुख्य प्रशिक्षक र भरत अरुण बलिङ प्रशिक्षकको रुपमा छन् । आइपिएल शुक्रबार देखि सुरुहुनेछ ।

कोलकताले शनिबार पन्जाब किंग्ससँग खेल्दै सुरुवात गर्नेछ । कोलकता गतवर्ष आइपिएलमा १४ खेलमा ६ मा जित र ८ मा हारसहित १२ अंकका साथ सातौं स्थानमा रहेर बाहिरिएको थियो ।

कोलकताको टोली :

आन्द्रे रसेल, श्रेयस ऐर, बरुणचक्रवर्ती, शार्दुल ठाकुर, लोकी फर्गुसन, नितिश राणा, वेंकटेश ऐर, सुनिल नारायण, उमेश यादव, टिम साउथी, सकिब अल हसन, डेविड विजा, नारायण जगदीशन, वैभव अरोरा, रिंकु सिंह, मन्दीप सिंह, लिटन दास, रहमानउल्लाह गुरबाज, अनुकुल रोय, कुलवान्त खेजरोलिया, हर्षहित राना र सुयश शर्मा ।