1 year ago
March 29, 2023
एजेन्सी– तीव्र गतिका बलर अल्जारी जोशेफको सानदार बलिङको सहयोगमा वेस्टइन्डिजले अन्तिम तथा तेस्रो टि२० आई खेलमा घरेलु टोली दक्षिण अफ्रिकालाई ७ रनले हराउँदै सिरिज उपाधि जितेको छ । तीन खेलको सिरिज वेस्टइन्डिजल २-१ ले जितेको हो ।
जितको लागि २ सय २१ रनको विशाल विजयी लक्ष्य पछ्याएको दक्षिण अफ्रिकाले २० ओभरमा ६ विकेट गुमाउँदै २ सय १३ रन बनायो । दक्षिण अफ्रिकालाई अन्तिम १२ बलमा जितको लागि ३५ रन चाहिँएको थियो । अल्जारी जोशेफले १९ औं ओभरको पहिलो बलमै सर्वाधिक रन बनाएका ओपनर रिजा हेन्ड्रिक्सलाई ८३ रनमा रोभम्यान पावेलबाट क्याच आउट गराए ।
रिजाले ४४ बलमा ११ चौका र २ छक्कासहित ८३ रन बनाएपनि टोलीको हार टार्न सकेनन् । दोस्रो बलमा हेनरिक क्लासेनलले छक्का प्रहार गरे । तेस्रो बलमा क्लासेन क्याच आउट भए । चौथो बलमा वेन पार्नेलले २ र पाँचौं बलमा बोल्ड आउट भए । १९ औं ओभरमा ९ रन खर्चेर ३ विकेट लिएपछि वेस्टइन्डिज जिततर्फ अघि बढेको थियो । अन्तिम ओभरमा २६ रन चाहिँदा दक्षिण अफ्रिकाले १८ रनमात्रै बनाउन सक्यो ।
दोस्रो खेलमा २ सय ५९ रनको लक्ष्य पूरा गर्न शतक हानेका क्विन्टन डि कक २१ बलमा ४ चौकासहित २१ तथा राइली रोसोउ २१ बलमा ४ चौका र ३ छक्कासहित ४२ रनमा आउट भए । कप्तान एडेन माक्ररम १८ बलमा ४ चौकासहित ३५ रनमा अविजित रहे ।
वेस्टइन्डिजका अल्जारी जोशेफले ४ ओभरमा ४० रन खर्चेर ५ विकेट लिए । जेसन होल्डरले ४ ओभरमा ४२ रन खर्चेर १ विकेट लिए ।
त्यसअघि जोहनबर्गमा टस हारेर पहिला ब्याटिङको निम्तो पाएको वेस्टइन्डिजले निर्धारित २० ओभरमा ८ विकेट गुमाउँदै २ सय २० रन बनाएको थियो ।
कुनैपनि वेस्टइन्डिजका ब्याटरले अर्धशतक प्रहार गर्न सकेनन् । सबै ब्याटरले छोटो तर आक्रामक इनिङ खेले । ओपनर ब्रेन्डन किंग २५ बलमा ४ चौका र २ छक्कासहित ३६, काइल मेयर्स १७ र जोनसन चाल्र्स गोल्डेन डक आउट भए । चाल्र्सले दोस्रो खेलमा ३९ बलमै शतक हानेका थिए ।
निकोलस पुरन १९ बलमा २ चौका र ४ छक्कासहित ४१, रोभम्यान पावेल ११ र रायमन रिफर २७ रनमा आउट भए । तल्लोक्रमका अलराउन्डर रोमारियो शेफर्डले २२ बलमा २ चौका र ३ छक्कासहित ४४ रनमा अविजित रहेका थिए ।
दक्षिण अफ्रिकाका कागिसो रबाडाले ४ ओभरमा ५० रन खर्चेर २ विकेट लिए । एनरिच नोर्कियाले ४ ओभरमा ३६ रन खर्चेर २ विकेट लिए । एडेन माक्ररमले एक विकेट लिएका थिए । पहिलो खेलमा वेस्टइन्डिज तीन विकेटले विजयी हुँदा दोस्रो खेलमा ६ विकेटले पराजित भएको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]