1 year ago
March 29, 2023
एजेन्सी – क्यानडाले आइसिसी विश्वकप क्वालिफायर प्लेअफमा अमेरिकालाई २६ रनले हराउँदै लगातार दोस्रो जितका साथ ओडिआई मान्यता सम्भावना मजबुत बनाएको छ । जितको लागि १ सय ९९ रनको मध्यम विजयी लक्ष्य पछ्याएको अमेरिका ४७.३ ओभरमा १ सय ७२ रनमा अल आउट भयो ।
अमेरिकाका सुशान्त मोदानीले १ सय २६ बलमा २ चौकासहित सर्वाधिक ६४ रनको योगदान दिएपनि त्यो जितको लागि पर्याप्त हुन सकेन । अन्य कुनैपनि अमेरिकी ब्याटरले राम्रो प्रदर्शन गर्न सकेनन् ।
क्यानडाका तीव्र गतिका बलर कलिम सानाले ९ ओभरमा ३ मेडनसहित १४ रन खर्चेर सर्वाधिक ३ विकेट लिए । त्यस्तै स्पिनर साद बिन जाफरले १० ओभरमा ४३ रन खर्चेर३ विकेट लिए । हर्श थकेरले १० ओभरमा ३० रन खर्चेर २ विकेट लिए ।
त्यसअघि विन्डहोकमा टस हारेर पहिला ब्याटिङको निम्तो पाएको क्यानडा ४९.४ ओभरमा १ सय ९८ रनमा अल आउट भयो । क्यानडाका ओपनर आरोन जोनसनले ५२ बलमा ६ चौका र १ छक्कासहित सर्वाधिक ४७ रन बनाए । हर्षले ७३ बलमा १ चौका र २ छक्कासहित ४३ रन जोडे । निकोलस किर्टोन ३५, रविन्द्रपाल सिंह २६ र कलिम सानाले १६ रन बनाए ।
अमेरिकाका सौरभ नेत्रवालकर, अलि खान र निसर्ग पटेलले समान दुई विकेट लिएपनि जितको लागि पर्याप्त हुन सकेन । पहिलो खेलमा क्यानडाले जर्सीलाई ३१ रनले हराएको थियो ।
क्यानडाले शनिबार युएईसँग खेल्नेछ । उक्त खेलमा विजयी भएमा क्यानडाको ओडिआई मान्यता मजबुत बन्नेछ । यता अमेरिकाले पहिलो खेलमा नामिबियालाई ८० रनले हराएको थियो । अमेरिकाले बिहीबार युएईसँग खेल्नेछ ।
क्यानडाले ओडिआई मान्यता प्राप्त गर्न युएई, पपुवा न्युगिनी र जर्सी मध्य दुई टोलीलाई पछि पार्न सक्नुपर्ने हुन्छ । प्लेअफमा आइसिसी विश्वकप लिग-२ का पुछारका चार टोली घरेलु टोली नामिबिया, अमेरिका, युएई, पपुवा न्युगिनीसँगै च्यालेन्ज लिग ए, बी का विजेता क्यानडा र जर्सी गरि कुल ६ टोली छन् । हरेक टोलीले एक अर्कासँग खेल्नेछन् । शीर्ष दुई टोलीले आगमी जुन जुलाईमा जिम्बावेमा हुने विश्वकप छनोटमा स्थान बनाउनेछन् ।
नामिबिया र अमेरिकाले लिग-२ बाट नै ओडिआई मान्यता जोगाई सकेका छन् । युएई, पपुवा न्युगिनी, जर्सी र क्यानडा मध्य दुई टोलीले ओडिआई मान्यता प्राप्त गर्नेछन् । यी चार टोली मध्य शीर्ष दुईमा रहने टोलीले ओडिआई मान्यता प्राप्त गर्नेछन् ।
विश्वकप छनोटमा लिग-२ का शीर्ष तीन टोली नेपाल, स्कटल्यान्ड, ओमानसँगै प्लेअफका शीर्ष दुई र सुपर लिगका पाँच टोली हुनेछन् । १० टोलीलाई दुई समूहमा विभाजन गरिनेछ । सुपर सिक्स हुँदै शीर्ष दुईमा रहने टोलीले मात्रै भारतमा अक्टोबर नोभेम्बरमा हुने विश्वकप खेल्न पाउनेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]