एजेन्सी – आइसिसी विश्वकप क्वालिफायर प्लेअफ खेलमा आज उपाधि दाबेदार युएई र अमेरिकाबीच प्रतिस्पर्धा हुँदैछ । खेल नेपाली समय अनुसार दिउँसो १ : १ ५ मा युनाइटेड क्रिकेट क्लब विन्डहोकमा सुरुहुनेछ।

शीर्ष दुईमा रहँदै आगमी जुन जुलाईमा जिम्बावेमा हुने विश्वकप छनोटमा पुग्न दुबै टोलीलाई जितको आवश्यक देखिन्छ ।अमेरिका बुधबार क्यानडासँग २६ रनले स्तब्ध भएको थियो । घरेलु टोली नामिबियालाई ८० रनले हराएको थियो । युएईले पहिलो खेलमा पपुवा न्युगिनीलाई २१ रनले हराएको थियो ।

प्लेअफ क्वालिफायरमा अमेरिका, नामिबिया, क्यानडा, जर्सी, युएई र पपुवा न्युगिनी छन् । शीर्ष दुई टोलीले विश्वकप छनोटमा स्थान बनाउनेछन् । क्यानडा, जर्सी, युएई र पपुवा न्युगिनी मध्य शीर्ष दुई टोलीले ओडिआई मान्यता प्राप्त गर्नेछन् । ओडिआई मान्यताको लागि यी चार टोलीबीचको प्रदर्शनलाई हेरिनेछ ।

नामिबिया र अमेरिकाले ओडिआई मान्यता लिग २ बाट बचाएका थिए । ओडिआई मान्यताको लागि अमेरिका र नामिबियासँगको खेलले भने बाँकी चार टोलीलाई फरक पर्ने छैन । युएई लगातार दोस्रो जित निकाल्न चाहन्छ । पपुवा न्युगिनीलाई हराउन आयन खान अफ्जलले ९४ रनको सानदार प्रदर्शन गरेका थिए ।

कप्तान मोहम्मद वासिमले ९६ रन जोडेका थिए । अन्य ब्याटर चलेका थिएनन् । युएई वृत्य अरविन्द, आसिफ खान र रमिज शाहजादबाट सानदार उत्कृष्ट ब्याटिङ चाहन्छ । तीव्र गतिका बलर जुनैद सिद्दिक र जहुर खानले उच्च प्रदर्शन गर्नुपर्ने हुन्छ ।
अमेरिका १ सय ९९ रनको विजयी लक्ष्य पछ्याउनेक्रममा १ सय ७२ रनमा अल आउट भएको थियो ।

स्टिभ टेलरलाई क्यानडासँग विश्राम दिँदा आज टोलीमा फर्किनेछन् । कप्तान मोनांक पटेल, आरोन जोन्स र सुशान्त मोदानीबाट उत्कृष्ट ब्याटिङ चाहन्छ । युनाइटेड ग्राउन्ड ब्याटिङ सहयोगी मानिन्छ ।

बुधबार उक्त मैदानमा नामिबियाले पपुवा न्युगिनीविरुद्ध ३ सय ८१ रन बनाएको थियो । उक्त लक्ष्य पछ्याउनेक्रममा पपुवा न्युगिनीले ३ सय ३३ रन बनाएको थियो । छोटो बाउन्ड्री हुँदा विशाल योगफल बनाउनु पर्ने हुन्छ ।

त्यस्तै आजको दोस्रो खेलमा नामिबिया र जर्सीबीच प्रतिस्पर्धा हुनेछ । पहिलो खेलमा अमेरिकासँग पराजित भएको नामिबियालाई शीर्ष दुईमा रहँदै विश्वकप छनोटमा पुग्न यो खेलमा जित निकाल्नै पर्ने हुन्छ । पपुवा न्युगिनीविरुद्ध ३ सय ८१ रन बनाएको नामिबियाको मनोबल पनि उच्च छ ।

नामिबियाका जेरार्ड इरास्मसले १ सय २५ र निकोलस डेविनले ९० रनको इनिङ खेलेका थिए । मध्यक्रमका ब्याटर माइकल भान लिंगेनबाट नामिबिया उत्कृष्ट प्रदर्शन चाहन्छ । जर्सी आफ्नो दोस्रो ओडिआई खेल खेल्दैछ । जर्सी उत्कृष्ट प्रदर्शनका साथ नामिबियालाई स्तब्ध पार्ने सोचमा हुनेछ ।

क्यानडा २ खेलमा ४ अंकका साथ शीर्ष स्थानमा छ । अमेरिका २ खेलमा १ मा जित र १ मा हारसहित दोस्रो स्थानमा छ । युएई १ खेलमा २ मा जितका साथ तेस्रो स्थानमा छ । नामिबिया २ खेलमा १ मा जित र १ मा हारसहित २ अंकका साथ चौथो स्थानमा छ । जर्सी एक र दुई खेलमा जित विहीन हुँदै पाँचौं र पपुवा न्युगिनी छैटौं स्थानमा छन् ।