default_image

1 year ago

March 30, 2023

सीता सर्वोत्कृष्ट, रुविना र निशा उत्कृष्ट

170 views

0 Bookmark

काठमाडौं (हाम्रो खेलकुद) – नेपाल एपिएफ क्लबकी सीताराना मगर ललितपुर मेयर्स वुमन्स च्याम्पियनसिप २०२३ को सर्वोत्कृष्ट खेलाडी चुनिएकी छिन् । एपिएफलाई लगातार तेस्रो पटक च्याम्पियन बनाउन सानदार अलराउन्ड प्रदर्शन गरेकी सीता प्लेयर अफ द टुनामेन्ट (सर्वोत्कृष्ट) खेलाडी चुनिएकी हुन् ।

सीताले ५ खेलमा २ अर्धशतकसहित कुल २ सय १४ रन बनाउनुको साथै ८ विकेट लिइकी थिइन् । सीता पाँच मध्य चार खेलमा प्लेयर अफ द म्याच चुनिएकी थिइन् । सीताले मधेश प्रदेशविरुद्ध ४५ रनमा अविजित रहनुको साथै ३ विकेट लिएकी थिइन् ।
सुदूरपश्चिमविरुद्ध ५२ रनमा अविजित रहनुको साथै १ विकेट लिइन् ।

कोशीविरुद्ध १९ रन बनाउनुको साथै ३ विकेट लिएकी थिइन् । सुरुवाती तीनै खेलमा सीता प्लेयर अफ द म्याच चुनिएकी थिइन् । फाइनलमा सीताले कोशीविरुद्ध ७९ रनको इनिङ खेलेकी थिइन् । प्रतियोगिताभर सीताले १ सय ९९ बल खेल्दा ३१ चौका र २ छक्का हानेकी थिइन् । सर्वोत्कृष्ट सीताले ३० हजार प्राप्त गर्नेछिन् ।

कोशीको कप्तान रुविना क्षेत्रीबेलबासे उत्कृष्ट ब्याटर र युवा तीव्र गतिकी बलर निशा शाह बलर चुनिन् । रुविनाले ५ खेलमा १ सय ३९ रन बनाएकी थिइन् । कोशीकी निशा शाहले ५ खेलमा १६ ओभर बलिङ गरेर ६२ रन खर्चिदै ६ विकेट लिएकी थिइन् । निशाले ललितपुर ११ विरुद्ध, ३, मधेशविरुद्ध २ र एपिएफसँग एक विकेट लिएकी थिइन् ।

रुविनाले ललितपुरविरुद्ध १३, एपिएफसँग २४, सुदूरपश्चिमविरुद्ध २८ रन बनाउनुको साथै ३ विकेट लिएकी थिइन् । त्यस्तै मधेशविरुद्ध ३९ र एपिएफसँग ३५ रन जाडेकी थिइन् । रुविना र निशाले समान १५ हजार प्राप्त गर्नेछन् ।

एपिएफले फाइनलमा कोशी प्रदेशलाई ५४ रनले हराउँदै उपाधिमा ह्याट्रिक गरेको थियो । जितको लागि १ सय ५५ रनको विशाल विजयी लक्ष्य पछ्याएको कोशीले निर्धारित २० ओभरमा ६ विकेट गुमाउँदै १ सय रन बनायो । कोशीकी कप्तान रुविना क्षेत्री बेलबासेले ४१ बलमा ४ चौकासहित सर्वाधिक ३५ रन बनाइन् ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको एपिएफले निर्धारित २० ओभरमा १ विकेट गुमाउँदै १ सय ५४ रन बनाएको थियो । ललितपुर मेयर्स प्रतियोगिता इतिहासमा एकै इनिङमा बनेको यो हालसम्मकै उच्च योगफल हो । यसअघि पहिलो संस्करणको ललितपुर मेयर्समा ललितपुर ११ ले लुम्बिनीविरुद्ध ५ विकेट गुमाउँदै १ सय ४४ रन बनाएको थियो ।

एपिएफको जितमा कप्तान सीता ६८ बलमा ९ चौका र २ छक्कासहित ७८ रनमा अविजित रहिन् । दोस्रो विकेटका लागि सीता र इन्दुले १ सय ३६ रनको सानदार अविजित कीर्तिमानी शतकीय साझेदारी गर्दै विशाल योगफल बनाएका थिए ।

उपकप्तान इन्दु बर्मा ४१ बलमा ५ चौका र १ छक्कासहित ५१ रनमा अविजित रहिन् । यसअघिका दुबै संस्करणको उपाधि एपिएफले फाइनलमा सुदूरपश्चिमलाई समान ८ विकेटले हराउँदै जितेको थियो । विजेता एपिएफले दुई लाख र उपविजेता कोशीले एक लाख रुपैयाँ प्राप्त गर्नेछन् ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.