नेपालगन्ज (हाम्रो खेलकुद)– एमलाइफ क्रिकेट क्लबले खैरी प्रिमियम लिग २०२३ (केपिएल) क्रिकेट प्रतियोगिताको उपाधि जितेको छ । बर्दियाको गुलरियास्थित बबई बहुमुखी क्याम्पसको मैदानमाभएको फाइनलमा रनियापुर स्पोर्ट्स क्लबलाई ४२ रनले पराजित गर्दै एमलाइफले च्याम्पियन ट्रफी उचालेको हो ।
मनोज यादवको कप्तानमा रहेको एमफाइफले टस जितेर ब्याटिङ रोजेको थियो । टोलीले निर्धारित २० ओभरको खेलमा ६ विकेट गुमाएर १ सय ७२ रन जोड्न सफल भयो । १ सय ७३ रनको विजयी लक्ष्य पाएको रनियापुर १ सय ३० रनमै सिमितभएको थियो । एमलाईफका लागि सर्वाधिक ४७ रनको योगदान गरेका रविन्दर म्यानअफ द सिरिज घोषित भए ।
एमलाइफले विजयी ट्रफी सहित ४० हजार रुपैयाँ प्राप्त गर्यो । रनियापुरले २० हजार रुपैयाँ प्राप्त गरे । ब्ल्याक बक क्रिकेट क्लबले आयोजना गरेको प्रतियोगितामा भारतीय २ सहित बाँके र बर्दियाका गरी १२ टोलीका सहभागिता थियो ।
एमलाइफले डेब्यु प्रतियोगितामा उपाधि जित्दा निकै उत्साहित बनेका एमलाईफका सिइओ राजकुमार चन्दले आगामी दिनमा समेत प्रतियोगितामा निरन्तर टोलीको सहभागिता रहने बताए ।
