default_image

1 year ago

March 31, 2023

नेपाल जस्तै श्रीलंकाले पनि विश्वकप छनोट खेल्ने

150 views

0 Bookmark

एजेन्सी – विश्वकप विजेता श्रीलंकाले आगमी अक्टोबर नोभेम्बरमा भारतमा हुने आइसिसी एकदिवसीय विश्वकपमा स्थान बनाउन छनोट खेल्नुपर्ने भएको छ । आइसिसी सुपर लिगको अन्तिम खेलमा श्रीलंका घरेलु टोली न्युजिल्यान्डसँग ६ विकेटले पराजित भएसँगै सोझै विश्वकपमा स्थान बनाउने सम्भावना समाप्त भएको छ ।

श्रीलंका सुपर लिग मा २४ खेलमा ७ मा जित र १३ मा हारसहित ८१ अंकका साथ नवौं स्थानमा अन्त्य गरेको छ । योसँगै अपौचारिक रुपमा छनोट खेल्ने पक्का भएको छ । सुपर लिगको नियम अनुसार आयोजक भारतसहित शीर्ष आठ टोलीले मात्रै विश्वकपमा सोझै स्थान बनाउछन् । भारत, पाकिस्तान, बंगलादेश, अष्ट्रेलिया, न्युजिल्यान्ड, अफगानिस्तान र इंग्ल्यान्ड गरि ७ टोली सोझै विश्वकपमा पुगि सकेका छन् ।

अव वेस्टइन्डिज, आयरल्यान्ड र दक्षिण अफ्रिका मध्य एक टोलीले सोझै विश्वकपमा स्थान बनाउनेछन् । वेस्टइन्डिज २४ खेलमा ९ मा जित र १५ मा हारसहित ८८ अंकका साथ आठौं स्थानमा छ । दक्षिण अफ्रिका १९ खेलमा ७ मा जित र १३ मा हारसहित ७८ अंकका साथ १० औं स्थानमा छ । आयरल्यान्ड २१ खेलमा ६ मा जित र १३ मा हारसहित ६८ अंक्का साथ ११ औं स्थानमा छन् । आयरल्यान्डले पनि अन्तिम तीन खेल घरेलु मैदानमा बंगलादेशसँग खेल्नेछ । दक्षिण अफ्रिकाले अन्तिम दुई खेल नेदरल्यान्ड्सँग खेल्दैछ ।

यदि आयरल्यान्ड र दक्षिण अफ्रिका दुबैले बाँकी सबै खेल जिते समान ९८ अंक हुनेछ । हेड टु हेड १–१ को बराबरीमा हुँदा नेटरनरेटमा माथि रहने टोलीले विश्वकपमा स्थान बनाउने समिकरण देखिन्छ । वेस्टइन्डिज विश्वकपमा पुग्न दक्षिण अफ्रिका र आयरल्यान्डले बाँकी सबै खेल हार्नुपर्ने हुन्छ ।

आगमी जुन जुलाईमा जिम्बावेमा हुने विश्वकप छनोटमा १० टोलीको सहभागीता रहनेछ । सुपर लिगका पुछारका पाँच टोली, लिग २ का शीर्ष तीन टोली र क्वालिफायर प्लेअफका शीर्ष दुई गरि कुल १० टोली हुनेछन् । सुपर लिगबाट श्रीलंका, जिम्बावे र नेदरल्यान्ड्सले छनोट खेल्ने पक्का भएको छ । अव दक्षिण अफ्रिका, आयरल्यान्ड र वेस्टइन्डिज मध्य दुई टोलीले छनोट खेल्नुपर्ने हुन्छ । वेस्टइन्डिज र आयरल्यान्डले छनोट खेल्ने उच्च सम्भावना छ ।

लिग २ मा नेपाल, स्कटल्यान्ड र ओमानले विश्वकप छनोटमा स्थान बनाई सकेका छन् । क्वालिफायर प्लेअफमा लिग २ का पुछारका चार टोली अमेरिका, नामिबिया, युएई, पपुवा न्युगिनीसँगै च्यालेन्ज लिग ए र बी का विजेता क्यानडा र जर्सीबीच प्रतिस्पर्धा जारी छ । जसबाट शीर्ष दुई टोलीले विश्वकपमा स्थान बनाउनेछन् ।

विश्वकप छनोटमा १० टोलीलाई दुई समूहमा विभाजन गरिनेछ । जसबाट शीर्ष तीन तीन टोलीले सुपर सिक्समा स्थान बनाउनेछन् । सुपर सिक्समा एकअर्कासँग सबै टोलीले खेलेपछि शीर्ष दुई टोलीले भारतमा हुने विश्वकप छनोटमा स्थान बनाउनेछन् । श्रीलंका नेपालको समूहमा पर्छ वा पर्दैन त्यो भने निर्धारण भएको छैन । आइसिसीले विश्वकप छनोटको निर्धारण गरेको छैन ।

श्रीलंका सन् १९९६ को एकदिवसीय तथा २०१४ को टि२० विश्वकप च्याम्पियन टोली हो । तर सुपर लिग मा २४ मध्य ७ खेल मात्रै जितेपछि छनोट खेल्नु परेको हो । अन्तिम ओडिआई खेलमा श्रीलंका सेडन पार्क हामिल्टनमा टस जितेर पहिला ब्याटिङ गर्दै ४१.३ ओभरमा १ सय ५७ रनमा अल आउट भएको थियो ।

श्रीलंका पाथुम निसंका ६४ बलमा ८ चौका र १ छक्कासहित सर्वाधिक ५७ रनमा रन आउट भए । न्युजिल्यान्डका म्याट हेनरी, हेनरी शिफ्ले र डर्याल मिचेलले समान तीन विकेट लिए ।

जितको लागि १ सय ५८ रनको विजयी लक्ष्य पछ्याएको न्युजिल्यान्डले ३२.५ ओभरमा ४ विकेट गुमाउँदै पुरा गर्यो ।विल योंग १ सय १३ बलमा ११ चौकासहित ८६ तथा हेनरी निकोलस ५२ बलमा ५ चौकासहित ४४ रनमा अविजित रहे ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.