एजेन्सी – तीव्र गतिका बलर जोशुवा लिटिल इन्डियन प्रिमियर लिग (आइपिएल) खेल्ने पहिलो आयरल्यान्डका खेलाडी बनेका छन् । आइपिएलको पहिलो खेलमा गुजरात टाइटन्सले चेन्नई सुपर किंग्सविरुद्ध टस जितेर पहिला फिल्डिङ गर्ने निर्णय लिँदै लिटिललाई डेब्यू दिएको छ ।
नरेन्द्र मोदी स्टेडियम अहमदाबादमा लिटिलले आइपिएलमा खेल्दैछन् । उनी आयरल्यान्डबाट आइपिएल खेल्ने पहिलो खेलाडी बनेका छन् । २३ वर्षीय बायाँ हाते बलर जोशुवा लिटिललाई साविक च्याम्पियन गुजरात टाइटन्सले गत डिसेम्बरमा अक्सनमा ४ करोड ४० लाख भारुमा किनेको छ ।
आइपिएल इतिहासमा उनी आयरल्यान्डबाट पहिलो पटक अक्सनमा बिक्ने खेलाडी समेत बनेका थिए । टि२० विश्वकपमा गत नोभेम्बरमा लिटिलले न्युजिल्यान्डविरुद्ध ह्याट्रिक लिँदै सानदार प्रदर्शन गरेका थिए । उक्त विश्वकपमा लिटिलले सानदार प्रदर्शन गर्दै ११ विकेट लिएका थिए । लिटिल नयाँ बल र डेथ ओभर दुबैमा सानदार प्रदर्शनका लागि चिनिन्छन् ।
लिटिलले अक्सनमा ५० लाख भारु न्यूनतम मूल्य तोकेका थिए । तर लखनउ र गुजरातबीच प्रतिस्पर्धा भएपछि करोडमा बिकेका हुन् । लिटिलले ५३ टि२० आई खेलमा ६२ विकेट लिएका छन् ।
उनको टि२० आईमा इकोनमी ७.६५ हुँदा उत्कृष्ट प्रदर्शन ४–२३ छ । उनले २५ ओडिआई खेलमा ३८ विकेट लिएका छन् । लिटिलको बलिङमा भेरै भेरियसन हुँदा गुजरातले उनलाई किनेको हो । गतवर्ष लिटिल चेन्नई सुपर किंग्सको नेटबलरको रुपमा रहेका थिए ।
गुजरातको प्लेइङ ११ :
ऋद्धिमान शाह, शुभमन गिल, केन विलियसम्न, हार्दिक पान्ड्या, विजय शंकर, राहुल टेवाटिया, राशिद खान, मोहम्मद शामी, जोशुवा लिटिल, यश दयाल र अल्जारी जोशेफ ।
चेन्नईको प्लेइङ ११ :
डेभन कन्वे, ऋतुराज गायकवाड, मोईन अली, बेन स्टोक्स, रविन्द्र जडेजा, शिवम दुबे, अम्बाती रायुडू, महेन्द्रसिंह धोनी, मिचेल सान्टनार, दीपक चाहर र राजवर्धन हांगरगेकर
